| Library / Tipiṭaka / तिपिटक • Tipiṭaka / पञ्चपकरण-अट्ठकथा • Pañcapakaraṇa-aṭṭhakathā |
११. दक्खिणाविसुद्धिकथावण्णना
11. Dakkhiṇāvisuddhikathāvaṇṇanā
८००-८०१. इदानि दक्खिणाविसुद्धिकथा नाम होति। तत्थ ‘‘यदि पटिग्गाहकतो दक्खिणा विसुज्झेय्य, महप्फला भवेय्य। दायकेन दानं दिन्नं, पटिग्गाहकेन विपाको निब्बत्तितोति अञ्ञो अञ्ञस्स कारको भवेय्य, परंकतं सुखदुक्खं आपज्जेय्य, अञ्ञो करेय्य, अञ्ञो पटिसंवेदेय्य। तस्मा दायकतोव दानं विसुज्झति, नो पटिग्गाहकतो, दायकस्सेव चित्तविसुद्धि विपाकदायिका होती’’ति येसं लद्धि, सेय्यथापि उत्तरापथकानं; ते सन्धाय पुच्छा सकवादिस्स, पटिञ्ञा इतरस्स। आहुनेय्यातिआदि ‘‘यदि पटिग्गाहकतो दानं न विसुज्झेय्य, किमस्स आहुनेय्यादिभावो करेय्या’’ति दस्सनत्थं वुत्तं। अञ्ञो अञ्ञस्स कारकोति यदि दायकस्स दानचेतना पटिग्गाहकेन कता भवेय्य, युत्तरूपं सिया। तस्स पन दानचेतना परिसुद्धा पटिग्गाहकसङ्खातं वत्थुं पटिच्च महाविपाकट्ठेन विसुज्झति, तस्मा अचोदना एसा ‘‘पटिग्गाहकतो दानं विसुज्झती’’ति।
800-801. Idāni dakkhiṇāvisuddhikathā nāma hoti. Tattha ‘‘yadi paṭiggāhakato dakkhiṇā visujjheyya, mahapphalā bhaveyya. Dāyakena dānaṃ dinnaṃ, paṭiggāhakena vipāko nibbattitoti añño aññassa kārako bhaveyya, paraṃkataṃ sukhadukkhaṃ āpajjeyya, añño kareyya, añño paṭisaṃvedeyya. Tasmā dāyakatova dānaṃ visujjhati, no paṭiggāhakato, dāyakasseva cittavisuddhi vipākadāyikā hotī’’ti yesaṃ laddhi, seyyathāpi uttarāpathakānaṃ; te sandhāya pucchā sakavādissa, paṭiññā itarassa. Āhuneyyātiādi ‘‘yadi paṭiggāhakato dānaṃ na visujjheyya, kimassa āhuneyyādibhāvo kareyyā’’ti dassanatthaṃ vuttaṃ. Añño aññassa kārakoti yadi dāyakassa dānacetanā paṭiggāhakena katā bhaveyya, yuttarūpaṃ siyā. Tassa pana dānacetanā parisuddhā paṭiggāhakasaṅkhātaṃ vatthuṃ paṭicca mahāvipākaṭṭhena visujjhati, tasmā acodanā esā ‘‘paṭiggāhakato dānaṃ visujjhatī’’ti.
दक्खिणाविसुद्धिकथावण्णना।
Dakkhiṇāvisuddhikathāvaṇṇanā.
सत्तरसमो वग्गो।
Sattarasamo vaggo.
Related texts:
तिपिटक (मूल) • Tipiṭaka (Mūla) / अभिधम्मपिटक • Abhidhammapiṭaka / कथावत्थुपाळि • Kathāvatthupāḷi / (१७६) ११. दक्खिणाविसुद्धिकथा • (176) 11. Dakkhiṇāvisuddhikathā
टीका • Tīkā / अभिधम्मपिटक (टीका) • Abhidhammapiṭaka (ṭīkā) / पञ्चपकरण-मूलटीका • Pañcapakaraṇa-mūlaṭīkā / ११. दक्खिणाविसुद्धिकथावण्णना • 11. Dakkhiṇāvisuddhikathāvaṇṇanā
टीका • Tīkā / अभिधम्मपिटक (टीका) • Abhidhammapiṭaka (ṭīkā) / पञ्चपकरण-अनुटीका • Pañcapakaraṇa-anuṭīkā / ११. दक्खिणाविसुद्धिकथावण्णना • 11. Dakkhiṇāvisuddhikathāvaṇṇanā
