| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) |
༢. ཙུནྡཱིསུཏྟཝཎྞནཱ
2. Cundīsuttavaṇṇanā
༣༢. དུཏིཡེ ‘‘ཨརིཡཀནྟེཧི སཱིལེཧི སམནྣཱགཏོ’’ཏིཨཱདཱིསུ (ཨ॰ ནི॰ ༥.༡༧༩) ཨརིཡཀནྟཱནཱིཏི པཉྩསཱིལཱནི ཨཱགཏཱནི། ཨརིཡཀནྟཱནི ཧི པཉྩསཱིལཱནི ཨརིཡཱནཾ ཀནྟཱནི པིཡཱནི, བྷཝནྟརགཏཱཔི ཨརིཡཱ ཏཱནི ན ཝིཛཧནྟི། ཨིདྷ པན ‘‘ཡཱཝཏཱ, ཙུནྡ, སཱིལཱནི ཨརིཡཀནྟཱནི སཱིལཱནི, ཏེསཾ ཨགྒམཀྑཱཡཏི…པེ॰… ཨགྒེ ཏེ པརིཔཱུརཀཱརིནོ’’ཏི ཝུཏྟཏྟཱ མགྒཕལཱནི སཱིལཱནི ཨདྷིཔྤེཏཱནཱིཏི ཨཱཧ ‘‘ཨརིཡཀནྟཱནི སཱིལཱནཱིཏི མགྒཕལསམྤཡུཏྟཱནི སཱིལཱནཱི’’ཏི།
32. Dutiye ‘‘ariyakantehi sīlehi samannāgato’’tiādīsu (a. ni. 5.179) ariyakantānīti pañcasīlāni āgatāni. Ariyakantāni hi pañcasīlāni ariyānaṃ kantāni piyāni, bhavantaragatāpi ariyā tāni na vijahanti. Idha pana ‘‘yāvatā, cunda, sīlāni ariyakantāni sīlāni, tesaṃ aggamakkhāyati…pe… agge te paripūrakārino’’ti vuttattā maggaphalāni sīlāni adhippetānīti āha ‘‘ariyakantāni sīlānīti maggaphalasampayuttāni sīlānī’’ti.
ཙུནྡཱིསུཏྟཝཎྞནཱ ནིཊྛིཏཱ།
Cundīsuttavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༢. ཙུནྡཱིསུཏྟཾ • 2. Cundīsuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༢. ཙུནྡཱིསུཏྟཝཎྞནཱ • 2. Cundīsuttavaṇṇanā
