| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) |
༣. ཨུགྒཧསུཏྟཝཎྞནཱ
3. Uggahasuttavaṇṇanā
༣༣. ཏཏིཡེ སབྦཔཋམཾ ཨུཊྛཱནསཱིལཱཏི རཏྟིཡཱ ཝིབྷཱཡནཝེལཱཡ སཱམིཀེ པརིཛནེ སེཡྻཱཡ ཨཝུཊྛིཏེ སབྦཔཋམཾ ཨུཊྛཱནསཱིལཱ། སཱམིཀཾ དིསྭཱ ནིསིནྣཱསནཏོ ཨགྒིདཌྜྷཱ ཝིཡ པཋམམེཝ ཝུཊྛཧནྟཱིཏི ཝཱ པུབྦུཊྛཱཡིནིཡོ། ཀིཾཀཱརནྟི ཀིཾཀརཎཱིཡཾ, ཀིཾཀརཎབྷཱཝེན པུཙྪིཏྭཱ ཀཱཏབྦཝེཡྻཱཝཙྩནྟི ཨཏྠོ། ཏཾ པཊིསྶུཎནྟཱ ཝིཙརནྟཱིཏི ཀིཾཀཱརཔྤཊིསྶཱཝིནིཡོ། མནཱཔཾཡེཝ ཀིརིཡཾ ཀརོནྟི སཱིལེནཱཏི མནཱཔཙཱརིནིཡོ། པིཡམེཝ ཝདནྟི སཱིལེནཱཏི པིཡཝཱདིནིཡོ།
33. Tatiye sabbapaṭhamaṃ uṭṭhānasīlāti rattiyā vibhāyanavelāya sāmike parijane seyyāya avuṭṭhite sabbapaṭhamaṃ uṭṭhānasīlā. Sāmikaṃ disvā nisinnāsanato aggidaḍḍhā viya paṭhamameva vuṭṭhahantīti vā pubbuṭṭhāyiniyo. Kiṃkāranti kiṃkaraṇīyaṃ, kiṃkaraṇabhāvena pucchitvā kātabbaveyyāvaccanti attho. Taṃ paṭissuṇantā vicarantīti kiṃkārappaṭissāviniyo. Manāpaṃyeva kiriyaṃ karonti sīlenāti manāpacāriniyo. Piyameva vadanti sīlenāti piyavādiniyo.
ཏཏྲུཔཱཡཱཡཱཏི ཏཏྲ ཀམྨེ སཱདྷེཏབྦཨུཔཱཡབྷཱུཏཱཡ ཝཱིམཾསཱཡ། ཏེནཱཧ ‘‘ཏསྨིཾ ཨུཎྞཱཀཔྤཱསསཾཝིདྷཱནེ’’ཏིཨཱདི། ཨལཾ ཀཱཏུནྟི ཀཱཏུཾ སམཏྠཱ། ཨལཾ སཾཝིདྷཱཏུནྟི ཝིཙཱརེཏུཾ སམཏྠཱ། ཏེནཱཧ ‘‘ཨལཾ ཀཱཏུཾ ཨལཾ སཾཝིདྷཱཏུནྟི ཨཏྟནཱ ཀཱཏུམྤི པརེཧི ཀཱརཱཔེཏུམྤཱི’’ཏིཨཱདི། སེསམེཏྠ སུཝིཉྙེཡྻམེཝ།
Tatrupāyāyāti tatra kamme sādhetabbaupāyabhūtāya vīmaṃsāya. Tenāha ‘‘tasmiṃ uṇṇākappāsasaṃvidhāne’’tiādi. Alaṃ kātunti kātuṃ samatthā. Alaṃ saṃvidhātunti vicāretuṃ samatthā. Tenāha ‘‘alaṃ kātuṃ alaṃ saṃvidhātunti attanā kātumpi parehi kārāpetumpī’’tiādi. Sesamettha suviññeyyameva.
ཨུགྒཧསུཏྟཝཎྞནཱ ནིཊྛིཏཱ།
Uggahasuttavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༣. ཨུགྒཧསུཏྟཾ • 3. Uggahasuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༣. ཨུགྒཧསུཏྟཝཎྞནཱ • 3. Uggahasuttavaṇṇanā
