| Library / Tipiṭaka / திபிடக • Tipiṭaka / தே²ரகா³தா²பாளி • Theragāthāpāḷi |
4. சூளபந்த²கத்தே²ரகா³தா²
4. Cūḷapanthakattheragāthā
557.
557.
‘‘த³ந்தா⁴ மய்ஹங் க³தீ ஆஸி, பரிபூ⁴தோ புரே அஹங்;
‘‘Dandhā mayhaṃ gatī āsi, paribhūto pure ahaṃ;
பா⁴தா ச மங் பணாமேஸி, ‘க³ச்ச² தா³னி துவங் க⁴ரங்’.
Bhātā ca maṃ paṇāmesi, ‘gaccha dāni tuvaṃ gharaṃ’.
558.
558.
து³ம்மனோ தத்த² அட்டா²ஸிங், ஸாஸனஸ்மிங் அபெக்க²வா.
Dummano tattha aṭṭhāsiṃ, sāsanasmiṃ apekkhavā.
559.
559.
பா³ஹாய மங் க³ஹெத்வான, ஸங்கா⁴ராமங் பவேஸயி.
Bāhāya maṃ gahetvāna, saṅghārāmaṃ pavesayi.
560.
560.
‘‘அனுகம்பாய மே ஸத்தா², பாதா³ஸி பாத³புஞ்ச²னிங்;
‘‘Anukampāya me satthā, pādāsi pādapuñchaniṃ;
‘ஏதங் ஸுத்³த⁴ங் அதி⁴ட்டே²ஹி, ஏகமந்தங் ஸ்வதி⁴ட்டி²தங்’.
‘Etaṃ suddhaṃ adhiṭṭhehi, ekamantaṃ svadhiṭṭhitaṃ’.
561.
561.
‘‘தஸ்ஸாஹங் வசனங் ஸுத்வா, விஹாஸிங் ஸாஸனே ரதோ;
‘‘Tassāhaṃ vacanaṃ sutvā, vihāsiṃ sāsane rato;
ஸமாதி⁴ங் படிபாதே³ஸிங், உத்தமத்த²ஸ்ஸ பத்தியா.
Samādhiṃ paṭipādesiṃ, uttamatthassa pattiyā.
562.
562.
‘‘புப்³பே³னிவாஸங் ஜானாமி, தி³ப்³ப³சக்கு² விஸோதி⁴தங்;
‘‘Pubbenivāsaṃ jānāmi, dibbacakkhu visodhitaṃ;
திஸ்ஸோ விஜ்ஜா அனுப்பத்தா, கதங் பு³த்³த⁴ஸ்ஸ ஸாஸனங்.
Tisso vijjā anuppattā, kataṃ buddhassa sāsanaṃ.
563.
563.
‘‘ஸஹஸ்ஸக்க²த்துமத்தானங் , நிம்மினித்வான பந்த²கோ;
‘‘Sahassakkhattumattānaṃ , nimminitvāna panthako;
நிஸீத³ம்ப³வனே ரம்மே, யாவ காலப்பவேத³னா.
Nisīdambavane ramme, yāva kālappavedanā.
564.
564.
‘‘ததோ மே ஸத்தா² பாஹேஸி, தூ³தங் காலப்பவேத³கங்;
‘‘Tato me satthā pāhesi, dūtaṃ kālappavedakaṃ;
565.
565.
‘‘வந்தி³த்வா ஸத்து²னோ பாதே³, ஏகமந்தங் நிஸீத³ஹங்;
‘‘Vanditvā satthuno pāde, ekamantaṃ nisīdahaṃ;
நிஸின்னங் மங் விதி³த்வான, அத² ஸத்தா² படிக்³க³ஹி.
Nisinnaṃ maṃ viditvāna, atha satthā paṭiggahi.
566.
566.
‘‘ஆயாகோ³ ஸப்³ப³லோகஸ்ஸ, ஆஹுதீனங் படிக்³க³ஹோ;
‘‘Āyāgo sabbalokassa, āhutīnaṃ paṭiggaho;
புஞ்ஞக்கெ²த்தங் மனுஸ்ஸானங், படிக³ண்ஹித்த² த³க்கி²ண’’ந்தி.
Puññakkhettaṃ manussānaṃ, paṭigaṇhittha dakkhiṇa’’nti.
… சூளபந்த²கோ தே²ரோ….
… Cūḷapanthako thero….
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / தே²ரகா³தா²-அட்ட²கதா² • Theragāthā-aṭṭhakathā / 4. சூளபந்த²கத்தே²ரகா³தா²வண்ணனா • 4. Cūḷapanthakattheragāthāvaṇṇanā
