| Library / Tipiṭaka / д̇ибидага • Tipiṭaka / жарияаабидагабаал̣и • Cariyāpiṭakapāḷi |
4. жуул̣аб̣од̇хижарияаа
4. Cūḷabodhicariyā
26.
26.
‘‘бунаабарам̣ яад̣̇аа хоми, жуул̣аб̣од̇хи сусийлаваа;
‘‘Punāparaṃ yadā homi, cūḷabodhi susīlavā;
бхавам̣ д̣̇исваана бхаяад̇о, нзгкаммам̣ абхинигкамим̣.
Bhavaṃ disvāna bhayato, nekkhammaṃ abhinikkhamiṃ.
27.
27.
‘‘яаа мз д̣̇уд̇ияигаа ааси, б̣раахман̣ий ганагасаннибхаа;
‘‘Yā me dutiyikā āsi, brāhmaṇī kanakasannibhā;
сааби ваддз анабзгкаа, нзгкаммам̣ абхинигками.
Sāpi vaṭṭe anapekkhā, nekkhammaṃ abhinikkhami.
28.
28.
‘‘нираалаяаа чиннаб̣анд̇хуу, анабзгкаа гулз г̇ан̣з;
‘‘Nirālayā chinnabandhū, anapekkhā kule gaṇe;
жаранд̇аа г̇ааманиг̇амам̣, б̣аараан̣асимубааг̇амум̣.
Carantā gāmanigamaṃ, bārāṇasimupāgamuṃ.
29.
29.
‘‘д̇ад̇т̇а васаама нибагаа, асам̣садтаа гулз г̇ан̣з;
‘‘Tattha vasāma nipakā, asaṃsaṭṭhā kule gaṇe;
нираагулз аббасад̣̇д̣̇з, рааж̇уяяаанз васаамубхо.
Nirākule appasadde, rājuyyāne vasāmubho.
30.
30.
‘‘уяяаанад̣̇ассанам̣ г̇анд̇ваа, рааж̇аа ад̣̇д̣̇аса б̣раахман̣им̣;
‘‘Uyyānadassanaṃ gantvā, rājā addasa brāhmaṇiṃ;
убаг̇амма мамам̣ бужчи, ‘д̇уяхзсаа гаа гасса бхарияаа’.
Upagamma mamaṃ pucchi, ‘tuyhesā kā kassa bhariyā’.
31.
31.
‘‘звам̣ вуд̇д̇з ахам̣ д̇асса, ид̣̇ам̣ важанамаб̣равим̣;
‘‘Evaṃ vutte ahaṃ tassa, idaṃ vacanamabraviṃ;
‘на маяхам̣ бхарияаа зсаа, сахад̇хаммаа згасаасаний’.
‘Na mayhaṃ bhariyā esā, sahadhammā ekasāsanī’.
32.
32.
‘‘д̇иссаа 1 саарад̇д̇аг̇ад̇хид̇о, г̇аахаабзд̇ваана жздагз;
‘‘Tissā 2 sārattagadhito, gāhāpetvāna ceṭake;
ниббийл̣аяанд̇о б̣аласаа, анд̇збурам̣ бавзсаяи.
Nippīḷayanto balasā, antepuraṃ pavesayi.
33.
33.
‘‘од̣̇абад̇д̇агияаа маяхам̣, сахаж̇аа згасаасаний;
‘‘Odapattakiyā mayhaṃ, sahajā ekasāsanī;
аагад̣дхид̇ваа наяанд̇ияаа, гобо мз убабаж̇ж̇ат̇а.
Ākaḍḍhitvā nayantiyā, kopo me upapajjatha.
34.
34.
‘‘саха гобз самуббаннз, сийлаб̣б̣ад̇амануссарим̣;
‘‘Saha kope samuppanne, sīlabbatamanussariṃ;
д̇ад̇т̇зва гобам̣ ниг̇г̇ан̣хим̣, наад̣̇аасим̣ вад̣дхид̇уубари.
Tattheva kopaṃ niggaṇhiṃ, nādāsiṃ vaḍḍhitūpari.
35.
35.
‘‘яад̣̇и нам̣ б̣раахман̣им̣ гожи, годдзяяа д̇ин̣хасад̇д̇ияаа;
‘‘Yadi naṃ brāhmaṇiṃ koci, koṭṭeyya tiṇhasattiyā;
нзва сийлам̣ бабхинд̣̇зяяам̣, б̣од̇хияааязва гааран̣аа.
Neva sīlaṃ pabhindeyyaṃ, bodhiyāyeva kāraṇā.
36.
36.
‘‘на мзсаа б̣раахман̣ий д̣̇зссаа, наби мз б̣алам̣ на виж̇ж̇ад̇и;
‘‘Na mesā brāhmaṇī dessā, napi me balaṃ na vijjati;
саб̣б̣ан̃н̃уд̇ам̣ бияам̣ маяхам̣, д̇асмаа сийлаанурагкиса’’нд̇и.
Sabbaññutaṃ piyaṃ mayhaṃ, tasmā sīlānurakkhisa’’nti.
жуул̣аб̣од̇хижарияам̣ жад̇уд̇т̇ам̣.
Cūḷabodhicariyaṃ catutthaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / жарияаабидага-адтагат̇аа • Cariyāpiṭaka-aṭṭhakathā / 4. жуул̣аб̣од̇хижарияааван̣н̣анаа • 4. Cūḷabodhicariyāvaṇṇanā
