| Library / Tipiṭaka / ತಿಪಿಟಕ • Tipiṭaka / ಪಞ್ಚಪಕರಣ-ಮೂಲಟೀಕಾ • Pañcapakaraṇa-mūlaṭīkā |
೧೪. ಚುದ್ದಸಮನಯೋ ವಿಪ್ಪಯುತ್ತೇನಸಙ್ಗಹಿತಾಸಙ್ಗಹಿತಪದವಣ್ಣನಾ
14. Cuddasamanayo vippayuttenasaṅgahitāsaṅgahitapadavaṇṇanā
೪೫೬. ಚುದ್ದಸಮನಯೇ ಧಮ್ಮಾಯತನಾದೀನಂ ಅನಾರಮ್ಮಣಮಿಸ್ಸಕಸಬ್ಬಚಿತ್ತುಪ್ಪಾದಗತಧಮ್ಮಭಾವತೋ ವಿಪ್ಪಯೋಗಸ್ಸ ಅರುಹಣಂ ದಟ್ಠಬ್ಬಂ। ಜಾತಿಆದಿತ್ತಯಸ್ಸ ಚೇತ್ಥ ಧಮ್ಮಸಭಾವಮತ್ತತ್ತಾ ನ ಕಥಞ್ಚಿ ಸಮ್ಪಯೋಗೋ ವಿಪ್ಪಯೋಗೋ ಚ ರುಹತಿ ಅಜ್ಝತ್ತಬಹಿದ್ಧಧಮ್ಮಾನಂ ಸಬ್ಬಧಮ್ಮಸಮೋಧಾನತ್ತಾ, ಅನಿದಸ್ಸನಅಪ್ಪಟಿಘಾದೀನಂ ಅನಾರಮ್ಮಣಮಿಸ್ಸಕಸಬ್ಬಚಿತ್ತುಪ್ಪಾದತ್ತಾ। ದುಕ್ಖಸಚ್ಚಾದಿಧಮ್ಮಾವ ಇಧ ತೇಹಿ ವಿಪ್ಪಯುತ್ತಾನಂ ಸಙ್ಗಹಾಸಙ್ಗಹಸಬ್ಭಾವಾ ಗಹಿತಾತಿ।
456. Cuddasamanaye dhammāyatanādīnaṃ anārammaṇamissakasabbacittuppādagatadhammabhāvato vippayogassa aruhaṇaṃ daṭṭhabbaṃ. Jātiādittayassa cettha dhammasabhāvamattattā na kathañci sampayogo vippayogo ca ruhati ajjhattabahiddhadhammānaṃ sabbadhammasamodhānattā, anidassanaappaṭighādīnaṃ anārammaṇamissakasabbacittuppādattā. Dukkhasaccādidhammāva idha tehi vippayuttānaṃ saṅgahāsaṅgahasabbhāvā gahitāti.
ಪಾಳಿಉದ್ದಾನಗಾಥಾಯಂ ಸಮುಚ್ಛೇದೇ ನ ಲಬ್ಭನ್ತೀತಿ ಪರಿಯೋಸಾನೇ ನಯೇ ನ ಲಬ್ಭನ್ತೀತಿ ಅತ್ಥೋ। ಮೋಘಪುಚ್ಛಕೇನ ಚಾತಿ ಅಲಬ್ಭಮಾನಾ ಚ ತೇ ಮೋಘಪುಚ್ಛಕೇನ ಹೇತುನಾ ನ ಲಬ್ಭನ್ತಿ ತೇಸಂ ಪುಚ್ಛಾಯ ಮೋಘತ್ತಾತಿ ವುತ್ತಂ ಹೋತಿ। ಅಥ ವಾ ಮೋಘಪುಚ್ಛಕೋ ಅಟ್ಠಮೋ ನಯೋ, ತೇನ ಚ ಸಹ ಓಸಾನನಯೇ ಏತೇ ಧಮ್ಮಾ ವಿಪ್ಪಯೋಗಸ್ಸಪಿ ಅಭಾವಾ ಸಬ್ಬಥಾಪಿ ನ ಲಬ್ಭನ್ತೀತಿ ಅತ್ಥೋ।
Pāḷiuddānagāthāyaṃ samucchede na labbhantīti pariyosāne naye na labbhantīti attho. Moghapucchakena cāti alabbhamānā ca te moghapucchakena hetunā na labbhanti tesaṃ pucchāya moghattāti vuttaṃ hoti. Atha vā moghapucchako aṭṭhamo nayo, tena ca saha osānanaye ete dhammā vippayogassapi abhāvā sabbathāpi na labbhantīti attho.
ಚುದ್ದಸಮನಯವಿಪ್ಪಯುತ್ತೇನಸಙ್ಗಹಿತಾಸಙ್ಗಹಿತಪದವಣ್ಣನಾ ನಿಟ್ಠಿತಾ।
Cuddasamanayavippayuttenasaṅgahitāsaṅgahitapadavaṇṇanā niṭṭhitā.
ಧಾತುಕಥಾಪಕರಣ-ಮೂಲಟೀಕಾ ಸಮತ್ತಾ।
Dhātukathāpakaraṇa-mūlaṭīkā samattā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಅಭಿಧಮ್ಮಪಿಟಕ • Abhidhammapiṭaka / ಧಾತುಕಥಾಪಾಳಿ • Dhātukathāpāḷi / ೧೪. ವಿಪ್ಪಯುತ್ತೇನಸಙ್ಗಹಿತಾಸಙ್ಗಹಿತಪದನಿದ್ದೇಸೋ • 14. Vippayuttenasaṅgahitāsaṅgahitapadaniddeso
ಅಟ್ಠಕಥಾ • Aṭṭhakathā / ಅಭಿಧಮ್ಮಪಿಟಕ (ಅಟ್ಠಕಥಾ) • Abhidhammapiṭaka (aṭṭhakathā) / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā / ೧೪. ಚುದ್ದಸಮನಯೋ ವಿಪ್ಪಯುತ್ತೇನಸಙ್ಗಹಿತಾಸಙ್ಗಹಿತಪದವಣ್ಣನಾ • 14. Cuddasamanayo vippayuttenasaṅgahitāsaṅgahitapadavaṇṇanā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಅನುಟೀಕಾ • Pañcapakaraṇa-anuṭīkā / ೧೪. ಚುದ್ದಸಮನಯೋ ವಿಪ್ಪಯುತ್ತೇನಸಙ್ಗಹಿತಾಸಙ್ಗಹಿತಪದವಣ್ಣನಾ • 14. Cuddasamanayo vippayuttenasaṅgahitāsaṅgahitapadavaṇṇanā
