| Library / Tipiṭaka / തിപിടക • Tipiṭaka / അങ്ഗുത്തരനികായ (ടീകാ) • Aṅguttaranikāya (ṭīkā) |
൭-൯. ചോദനാസുത്താദിവണ്ണനാ
7-9. Codanāsuttādivaṇṇanā
൧൬൭-൯. സത്തമേ വത്ഥുസന്ദസ്സനാതി യസ്മിം വത്ഥുസ്മിം ആപത്തി, തസ്സ സരൂപതോ ദസ്സനം. ആപത്തിസന്ദസ്സനാതി യം ആപത്തിം സോ ആപന്നോ, തസ്സാ ദസ്സനം. സംവാസപ്പടിക്ഖേപോതി ഉപോസഥപ്പവാരണാദിസംവാസസ്സ പടിക്ഖിപനം അകരണം. സാമീചിപ്പടിക്ഖേപോതി അഭിവാദനാദിസാമീചികിരിയായ അകരണം. ചോദയമാനേനാതി ചോദേന്തേന. ചുദിതകസ്സ കാലോതി ചുദിതകസ്സ ചോദേതബ്ബകാലോ. പുഗ്ഗലന്തി ചോദേതബ്ബപുഗ്ഗലം. ഉപപരിക്ഖിത്വാതി ‘‘അയം ചുദിതകലക്ഖണേ തിട്ഠതി, ന തിട്ഠതീ’’തി വീമംസിത്വാ. അയസം ആരോപേതീതി ‘‘ഇമേ മം അഭൂതേന അബ്ഭാചിക്ഖന്താ അയസം ബ്യസനം ഉപ്പാദേന്തീ’’തി ഭിക്ഖൂനം അയസം ഉപ്പാദേതി. അട്ഠമനവമാനി ഉത്താനത്ഥാനേവ.
167-9. Sattame vatthusandassanāti yasmiṃ vatthusmiṃ āpatti, tassa sarūpato dassanaṃ. Āpattisandassanāti yaṃ āpattiṃ so āpanno, tassā dassanaṃ. Saṃvāsappaṭikkhepoti uposathappavāraṇādisaṃvāsassa paṭikkhipanaṃ akaraṇaṃ. Sāmīcippaṭikkhepoti abhivādanādisāmīcikiriyāya akaraṇaṃ. Codayamānenāti codentena. Cuditakassa kāloti cuditakassa codetabbakālo. Puggalanti codetabbapuggalaṃ. Upaparikkhitvāti ‘‘ayaṃ cuditakalakkhaṇe tiṭṭhati, na tiṭṭhatī’’ti vīmaṃsitvā. Ayasaṃ āropetīti ‘‘ime maṃ abhūtena abbhācikkhantā ayasaṃ byasanaṃ uppādentī’’ti bhikkhūnaṃ ayasaṃ uppādeti. Aṭṭhamanavamāni uttānatthāneva.
ചോദനാസുത്താദിവണ്ണനാ നിട്ഠിതാ.
Codanāsuttādivaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / അങ്ഗുത്തരനികായ • Aṅguttaranikāya
൭. ചോദനാസുത്തം • 7. Codanāsuttaṃ
൮. സീലസുത്തം • 8. Sīlasuttaṃ
൯. ഖിപ്പനിസന്തിസുത്തം • 9. Khippanisantisuttaṃ
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā)
൭. ചോദനാസുത്തവണ്ണനാ • 7. Codanāsuttavaṇṇanā
൯. ഖിപ്പനിസന്തിസുത്തവണ്ണനാ • 9. Khippanisantisuttavaṇṇanā
