| Library / Tipiṭaka / តិបិដក • Tipiṭaka / ចូឡវគ្គ-អដ្ឋកថា • Cūḷavagga-aṭṭhakathā |
ចោទកេនឧបដ្ឋាបេតព្ពកថា
Codakenaupaṭṭhāpetabbakathā
៤០០. កាលេន វក្ខាមីតិអាទីសុ ឯកោ ឯកំ ឱកាសំ ការេត្វា ចោទេន្តោ កាលេន វទតិ នាម។ សង្ឃមជ្ឈគណមជ្ឈសលាកគ្គយាគុអគ្គវិតក្កមាឡកភិក្ខាចារមគ្គអាសនសាលាទីសុ ឧបដ្ឋាកេហិ បរិវារិតក្ខណេ វា ចោទេន្តោ អកាលេន វទតិ នាម។ តច្ឆេន វទន្តោ ភូតេន វទតិ នាម។ ‘‘អម្ភោ មហល្លក, បរិសាវចរ, បំសុកូលិក, ធម្មកថិក, បតិរូបំ តវ ឥទ’’ន្តិ វទន្តោ ផរុសេន វទតិ នាម។ ការណនិស្សិតំ បន កត្វា ‘‘ភន្តេ មហល្លកត្ថ, បរិសាវចរា, បំសុកូលិកា, ធម្មកថិកត្ថ, បតិរូបំ តុម្ហាកំ ឥទ’’ន្តិ វទន្តោ សណ្ហេន វទតិ នាម។ ការណនិស្សិតំ កត្វា វទន្តោ អត្ថសំហិតេន វទតិ នាម។ មេត្តចិត្តោ វក្ខាមិ នោ ទោសន្តរោតិ មេត្តចិត្តំ ឧបដ្ឋបេត្វា វក្ខាមិ, ន ទុដ្ឋចិត្តោ ហុត្វា។
400.Kālenavakkhāmītiādīsu eko ekaṃ okāsaṃ kāretvā codento kālena vadati nāma. Saṅghamajjhagaṇamajjhasalākaggayāguaggavitakkamāḷakabhikkhācāramaggaāsanasālādīsu upaṭṭhākehi parivāritakkhaṇe vā codento akālena vadati nāma. Tacchena vadanto bhūtena vadati nāma. ‘‘Ambho mahallaka, parisāvacara, paṃsukūlika, dhammakathika, patirūpaṃ tava ida’’nti vadanto pharusena vadati nāma. Kāraṇanissitaṃ pana katvā ‘‘bhante mahallakattha, parisāvacarā, paṃsukūlikā, dhammakathikattha, patirūpaṃ tumhākaṃ ida’’nti vadanto saṇhenavadati nāma. Kāraṇanissitaṃ katvā vadanto atthasaṃhitena vadati nāma. Mettacitto vakkhāmi no dosantaroti mettacittaṃ upaṭṭhapetvā vakkhāmi, na duṭṭhacitto hutvā.
ចោទកេនឧបដ្ឋាបេតព្ពកថា និដ្ឋិតា។
Codakenaupaṭṭhāpetabbakathā niṭṭhitā.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / ចូឡវគ្គបាឡិ • Cūḷavaggapāḷi / ៩. ចោទកេនឧបដ្ឋាបេតព្ពធម្មា • 9. Codakenaupaṭṭhāpetabbadhammā
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / ចោទកេន ឧបដ្ឋាបេតព្ពធម្មកថាវណ្ណនា • Codakena upaṭṭhāpetabbadhammakathāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / អត្តាទានអង្គកថាទិវណ្ណនា • Attādānaaṅgakathādivaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi / ៩. ចោទកេន ឧបដ្ឋាបេតព្ពកថា • 9. Codakena upaṭṭhāpetabbakathā
