| Library / Tipiṭaka / д̇ибидага • Tipiṭaka / бариваарабаал̣и • Parivārapāḷi |
2. жод̣̇агаад̣̇ибадибад̇д̇и
2. Codakādipaṭipatti
363. жод̣̇агзна гат̇ам̣ бадибаж̇ж̇ид̇аб̣б̣ам̣? жуд̣̇ид̇агзна гат̇ам̣ бадибаж̇ж̇ид̇аб̣б̣ам̣? сан̇гхзна гат̇ам̣ бадибаж̇ж̇ид̇аб̣б̣ам̣? анувиж̇ж̇агзна гат̇ам̣ бадибаж̇ж̇ид̇аб̣б̣ам̣? жод̣̇агзна гат̇ам̣ бадибаж̇ж̇ид̇аб̣б̣анд̇и? жод̣̇агзна бан̃жасу д̇хаммзсу бад̇идтааяа баро жод̣̇зд̇аб̣б̣о. гаалзна вагкаами но агаалзна, бхууд̇зна вагкаами но абхууд̇зна, сан̣хзна вагкаами но парусзна, ад̇т̇асам̣хид̇зна вагкаами но анад̇т̇асам̣хид̇зна, мзд̇д̇аажид̇д̇о вагкаами но д̣̇осанд̇арод̇и – жод̣̇агзна звам̣ бадибаж̇ж̇ид̇аб̣б̣ам̣. жуд̣̇ид̇агзна гат̇ам̣ бадибаж̇ж̇ид̇аб̣б̣анд̇и? жуд̣̇ид̇агзна д̣̇вийсу д̇хаммзсу бадибаж̇ж̇ид̇аб̣б̣ам̣. сажжз жа агуббз жа – жуд̣̇ид̇агзна звам̣ бадибаж̇ж̇ид̇аб̣б̣ам̣. сан̇гхзна гат̇ам̣ бадибаж̇ж̇ид̇аб̣б̣анд̇и? сан̇гхзна од̇ин̣н̣аанод̇ин̣н̣ам̣ ж̇аанид̇аб̣б̣ам̣. сан̇гхзна звам̣ бадибаж̇ж̇ид̇аб̣б̣ам̣. анувиж̇ж̇агзна гат̇ам̣ бадибаж̇ж̇ид̇аб̣б̣анд̇и? анувиж̇ж̇агзна язна д̇хаммзна язна винаязна язна сад̇т̇усаасанзна д̇ам̣ ад̇хигаран̣ам̣ вуубасаммад̇и д̇ат̇аа д̇ам̣ ад̇хигаран̣ам̣ вуубасамзд̇аб̣б̣ам̣. анувиж̇ж̇агзна звам̣ бадибаж̇ж̇ид̇аб̣б̣ам̣.
363. Codakena kathaṃ paṭipajjitabbaṃ? Cuditakena kathaṃ paṭipajjitabbaṃ? Saṅghena kathaṃ paṭipajjitabbaṃ? Anuvijjakena kathaṃ paṭipajjitabbaṃ? Codakena kathaṃ paṭipajjitabbanti? Codakena pañcasu dhammesu patiṭṭhāya paro codetabbo. Kālena vakkhāmi no akālena, bhūtena vakkhāmi no abhūtena, saṇhena vakkhāmi no pharusena, atthasaṃhitena vakkhāmi no anatthasaṃhitena, mettācitto vakkhāmi no dosantaroti – codakena evaṃ paṭipajjitabbaṃ. Cuditakena kathaṃ paṭipajjitabbanti? Cuditakena dvīsu dhammesu paṭipajjitabbaṃ. Sacce ca akuppe ca – cuditakena evaṃ paṭipajjitabbaṃ. Saṅghena kathaṃ paṭipajjitabbanti? Saṅghena otiṇṇānotiṇṇaṃ jānitabbaṃ. Saṅghena evaṃ paṭipajjitabbaṃ. Anuvijjakena kathaṃ paṭipajjitabbanti? Anuvijjakena yena dhammena yena vinayena yena satthusāsanena taṃ adhikaraṇaṃ vūpasammati tathā taṃ adhikaraṇaṃ vūpasametabbaṃ. Anuvijjakena evaṃ paṭipajjitabbaṃ.
364.
364.
убосат̇о гимад̇т̇ааяа, бавааран̣аа гисса гааран̣аа;
Uposatho kimatthāya, pavāraṇā kissa kāraṇā;
бариваасо гимад̇т̇ааяа, муулааяабадигассанаа гисса гааран̣аа;
Parivāso kimatthāya, mūlāyapaṭikassanā kissa kāraṇā;
маанад̇д̇ам̣ гимад̇т̇ааяа, аб̣бхаанам̣ гисса гааран̣аа.
Mānattaṃ kimatthāya, abbhānaṃ kissa kāraṇā.
убосат̇о саамаг̇г̇ад̇т̇ааяа, висуд̣̇д̇хад̇т̇ааяа бавааран̣аа;
Uposatho sāmaggatthāya, visuddhatthāya pavāraṇā;
бариваасо маанад̇д̇ад̇т̇ааяа, муулааяабадигассанаа ниг̇г̇ахад̇т̇ааяа;
Parivāso mānattatthāya, mūlāyapaṭikassanā niggahatthāya;
маанад̇д̇ам̣ аб̣бхаанад̇т̇ааяа, висуд̣̇д̇хад̇т̇ааяа аб̣бхаанам̣.
Mānattaṃ abbhānatthāya, visuddhatthāya abbhānaṃ.
чанд̣̇аа д̣̇осаа бхаяаа мохаа, т̇зрз жа барибхаасад̇и;
Chandā dosā bhayā mohā, there ca paribhāsati;
гааяасса бхзд̣̇аа д̣̇уббан̃н̃о, кад̇о убахад̇инд̣̇рияо;
Kāyassa bhedā duppañño, khato upahatindriyo;
нираяам̣ г̇ажчад̇и д̣̇уммзд̇хо, на жа сигкааяа г̇аараво.
Nirayaṃ gacchati dummedho, na ca sikkhāya gāravo.
на жа аамисам̣ ниссааяа;
Na ca āmisaṃ nissāya;
на жа ниссааяа буг̇г̇алам̣;
Na ca nissāya puggalaṃ;
убхо зд̇з виваж̇ж̇зд̇ваа;
Ubho ete vivajjetvā;
яат̇аад̇хаммо д̇ат̇аа гарз.
Yathādhammo tathā kare.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā / жод̣̇агабужчаависсаж̇ж̇анааван̣н̣анаа • Codakapucchāvissajjanāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / анувиж̇ж̇агагижжаван̣н̣анаа • Anuvijjakakiccavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / анувиж̇ж̇агагижжаван̣н̣анаа • Anuvijjakakiccavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / жод̣̇агабужчаависсаж̇ж̇анаа • Codakapucchāvissajjanā
