| Library / Tipiṭaka / ತಿಪಿಟಕ • Tipiṭaka / ಜಾತಕಪಾಳಿ • Jātakapāḷi |
೪೯೮. ಚಿತ್ತಸಮ್ಭೂತಜಾತಕಂ (೨)
498. Cittasambhūtajātakaṃ (2)
೨೪.
24.
ಸಬ್ಬಂ ನರಾನಂ ಸಫಲಂ ಸುಚಿಣ್ಣಂ, ನ ಕಮ್ಮುನಾ ಕಿಞ್ಚನ ಮೋಘಮತ್ಥಿ।
Sabbaṃ narānaṃ saphalaṃ suciṇṇaṃ, na kammunā kiñcana moghamatthi;
ಪಸ್ಸಾಮಿ ಸಮ್ಭೂತಂ ಮಹಾನುಭಾವಂ, ಸಕಮ್ಮುನಾ ಪುಞ್ಞಫಲೂಪಪನ್ನಂ॥
Passāmi sambhūtaṃ mahānubhāvaṃ, sakammunā puññaphalūpapannaṃ.
೨೫.
25.
ಸಬ್ಬಂ ನರಾನಂ ಸಫಲಂ ಸುಚಿಣ್ಣಂ, ನ ಕಮ್ಮುನಾ ಕಿಞ್ಚನ ಮೋಘಮತ್ಥಿ।
Sabbaṃ narānaṃ saphalaṃ suciṇṇaṃ, na kammunā kiñcana moghamatthi;
ಕಚ್ಚಿನ್ನು ಚಿತ್ತಸ್ಸಪಿ ಏವಮೇವಂ, ಇದ್ಧೋ ಮನೋ ತಸ್ಸ ಯಥಾಪಿ ಮಯ್ಹಂ॥
Kaccinnu cittassapi evamevaṃ, iddho mano tassa yathāpi mayhaṃ.
೨೬.
26.
ಸಬ್ಬಂ ನರಾನಂ ಸಫಲಂ ಸುಚಿಣ್ಣಂ, ನ ಕಮ್ಮುನಾ ಕಿಞ್ಚನ ಮೋಘಮತ್ಥಿ।
Sabbaṃ narānaṃ saphalaṃ suciṇṇaṃ, na kammunā kiñcana moghamatthi;
ಚಿತ್ತಮ್ಪಿ ಜಾನಾಹಿ 1 ತಥೇವ ದೇವ, ಇದ್ಧೋ ಮನೋ ತಸ್ಸ ಯಥಾಪಿ ತುಯ್ಹಂ॥
Cittampi jānāhi 2 tatheva deva, iddho mano tassa yathāpi tuyhaṃ.
೨೭.
27.
ಭವಂ ನು ಚಿತ್ತೋ ಸುತಮಞ್ಞತೋ ತೇ, ಉದಾಹು ತೇ ಕೋಚಿ ನಂ ಏತದಕ್ಖಾ।
Bhavaṃ nu citto sutamaññato te, udāhu te koci naṃ etadakkhā;
ಗಾಥಾ ಸುಗೀತಾ ನ ಮಮತ್ಥಿ ಕಙ್ಖಾ, ದದಾಮಿ ತೇ ಗಾಮವರಂ ಸತಞ್ಚ॥
Gāthā sugītā na mamatthi kaṅkhā, dadāmi te gāmavaraṃ satañca.
೨೮.
28.
ನ ಚಾಹಂ ಚಿತ್ತೋ ಸುತಮಞ್ಞತೋ ಮೇ, ಇಸೀ ಚ ಮೇ ಏತಮತ್ಥಂ ಅಸಂಸಿ।
Na cāhaṃ citto sutamaññato me, isī ca me etamatthaṃ asaṃsi;
೨೯.
29.
ಯೋಜೇನ್ತು ವೇ ರಾಜರಥೇ, ಸುಕತೇ ಚಿತ್ತಸಿಬ್ಬನೇ।
Yojentu ve rājarathe, sukate cittasibbane;
ಕಚ್ಛಂ ನಾಗಾನಂ ಬನ್ಧಥ, ಗೀವೇಯ್ಯಂ ಪಟಿಮುಞ್ಚಥ॥
Kacchaṃ nāgānaṃ bandhatha, gīveyyaṃ paṭimuñcatha.
೩೦.
30.
ಅಜ್ಜೇವಹಂ ಅಸ್ಸಮಂ ತಂ ಗಮಿಸ್ಸಂ, ಯತ್ಥೇವ ದಕ್ಖಿಸ್ಸಮಿಸಿಂ ನಿಸಿನ್ನಂ॥
Ajjevahaṃ assamaṃ taṃ gamissaṃ, yattheva dakkhissamisiṃ nisinnaṃ.
೩೧.
31.
ಸುಲದ್ಧಲಾಭೋ ವತ ಮೇ ಅಹೋಸಿ, ಗಾಥಾ ಸುಗೀತಾ ಪರಿಸಾಯ ಮಜ್ಝೇ।
Suladdhalābho vata me ahosi, gāthā sugītā parisāya majjhe;
ಸ್ವಾಹಂ ಇಸಿಂ ಸೀಲವತೂಪಪನ್ನಂ, ದಿಸ್ವಾ ಪತೀತೋ ಸುಮನೋಹಮಸ್ಮಿ॥
Svāhaṃ isiṃ sīlavatūpapannaṃ, disvā patīto sumanohamasmi.
೩೨.
32.
ಆಸನಂ ಉದಕಂ ಪಜ್ಜಂ, ಪಟಿಗ್ಗಣ್ಹಾತು ನೋ ಭವಂ।
Āsanaṃ udakaṃ pajjaṃ, paṭiggaṇhātu no bhavaṃ;
ಅಗ್ಘೇ ಭವನ್ತಂ ಪುಚ್ಛಾಮ, ಅಗ್ಘಂ ಕುರುತು ನೋ ಭವಂ॥
Agghe bhavantaṃ pucchāma, agghaṃ kurutu no bhavaṃ.
೩೩.
33.
ರಮ್ಮಞ್ಚ ತೇ ಆವಸಥಂ ಕರೋನ್ತು, ನಾರೀಗಣೇಹಿ ಪರಿಚಾರಯಸ್ಸು।
Rammañca te āvasathaṃ karontu, nārīgaṇehi paricārayassu;
ಕರೋಹಿ ಓಕಾಸಮನುಗ್ಗಹಾಯ, ಉಭೋಪಿ ಮಂ ಇಸ್ಸರಿಯಂ ಕರೋಮ॥
Karohi okāsamanuggahāya, ubhopi maṃ issariyaṃ karoma.
೩೪.
34.
ದಿಸ್ವಾ ಫಲಂ ದುಚ್ಚರಿತಸ್ಸ ರಾಜ, ಅಥೋ ಸುಚಿಣ್ಣಸ್ಸ ಮಹಾವಿಪಾಕಂ।
Disvā phalaṃ duccaritassa rāja, atho suciṇṇassa mahāvipākaṃ;
ಅತ್ತಾನಮೇವ ಪಟಿಸಂಯಮಿಸ್ಸಂ, ನ ಪತ್ಥಯೇ ಪುತ್ತ 11 ಪಸುಂ ಧನಂ ವಾ॥
Attānameva paṭisaṃyamissaṃ, na patthaye putta 12 pasuṃ dhanaṃ vā.
೩೫.
35.
ದಸೇವಿಮಾ ವಸ್ಸದಸಾ, ಮಚ್ಚಾನಂ ಇಧ ಜೀವಿತಂ।
Dasevimā vassadasā, maccānaṃ idha jīvitaṃ;
ಅಪತ್ತಞ್ಞೇವ ತಂ ಓಧಿಂ, ನಳೋ ಛಿನ್ನೋವ ಸುಸ್ಸತಿ॥
Apattaññeva taṃ odhiṃ, naḷo chinnova sussati.
೩೬.
36.
ತತ್ಥ ಕಾ ನನ್ದಿ ಕಾ ಖಿಡ್ಡಾ, ಕಾ ರತೀ ಕಾ ಧನೇಸನಾ।
Tattha kā nandi kā khiḍḍā, kā ratī kā dhanesanā;
ಕಿಂ ಮೇ ಪುತ್ತೇಹಿ ದಾರೇಹಿ, ರಾಜ ಮುತ್ತೋಸ್ಮಿ ಬನ್ಧನಾ॥
Kiṃ me puttehi dārehi, rāja muttosmi bandhanā.
೩೭.
37.
ಅನ್ತಕೇನಾಧಿಪನ್ನಸ್ಸ, ಕಾ ರತೀ ಕಾ ಧನೇಸನಾ॥
Antakenādhipannassa, kā ratī kā dhanesanā.
೩೮.
38.
ಜಾತಿ ನರಾನಂ ಅಧಮಾ ಜನಿನ್ದ, ಚಣ್ಡಾಲಯೋನಿ ದ್ವಿಪದಾಕನಿಟ್ಠಾ 15।
Jāti narānaṃ adhamā janinda, caṇḍālayoni dvipadākaniṭṭhā 16;
ಸಕೇಹಿ ಕಮ್ಮೇಹಿ ಸುಪಾಪಕೇಹಿ, ಚಣ್ಡಾಲಗಬ್ಭೇ 17 ಅವಸಿಮ್ಹ ಪುಬ್ಬೇ॥
Sakehi kammehi supāpakehi, caṇḍālagabbhe 18 avasimha pubbe.
೩೯.
39.
ಚಣ್ಡಾಲಾಹುಮ್ಹ ಅವನ್ತೀಸು, ಮಿಗಾ ನೇರಞ್ಜರಂ ಪತಿ।
Caṇḍālāhumha avantīsu, migā nerañjaraṃ pati;
೪೦.
40.
ಉಪನೀಯತಿ ಜೀವಿತಮಪ್ಪಮಾಯು, ಜರೂಪನೀತಸ್ಸ ನ ಸನ್ತಿ ತಾಣಾ।
Upanīyati jīvitamappamāyu, jarūpanītassa na santi tāṇā;
ಕರೋಹಿ ಪಞ್ಚಾಲ ಮಮೇತ 21 ವಾಕ್ಯಂ, ಮಾಕಾಸಿ ಕಮ್ಮಾನಿ ದುಕ್ಖುದ್ರಯಾನಿ॥
Karohi pañcāla mameta 22 vākyaṃ, mākāsi kammāni dukkhudrayāni.
೪೧.
41.
ಉಪನೀಯತಿ ಜೀವಿತಮಪ್ಪಮಾಯು, ಜರೂಪನೀತಸ್ಸ ನ ಸನ್ತಿ ತಾಣಾ।
Upanīyati jīvitamappamāyu, jarūpanītassa na santi tāṇā;
ಕರೋಹಿ ಪಞ್ಚಾಲ ಮಮೇತ ವಾಕ್ಯಂ, ಮಾಕಾಸಿ ಕಮ್ಮಾನಿ ದುಕ್ಖಪ್ಫಲಾನಿ॥
Karohi pañcāla mameta vākyaṃ, mākāsi kammāni dukkhapphalāni.
೪೨.
42.
ಉಪನೀಯತಿ ಜೀವಿತಮಪ್ಪಮಾಯು, ಜರೂಪನೀತಸ್ಸ ನ ಸನ್ತಿ ತಾಣಾ।
Upanīyati jīvitamappamāyu, jarūpanītassa na santi tāṇā;
ಕರೋಹಿ ಪಞ್ಚಾಲ ಮಮೇತ ವಾಕ್ಯಂ, ಮಾಕಾಸಿ ಕಮ್ಮಾನಿ ರಜಸ್ಸಿರಾನಿ॥
Karohi pañcāla mameta vākyaṃ, mākāsi kammāni rajassirāni.
೪೩.
43.
ಉಪನೀಯತಿ ಜೀವಿತಮಪ್ಪಮಾಯು, ವಣ್ಣಂ ಜರಾ ಹನ್ತಿ ನರಸ್ಸ ಜಿಯ್ಯತೋ।
Upanīyati jīvitamappamāyu, vaṇṇaṃ jarā hanti narassa jiyyato;
ಕರೋಹಿ ಪಞ್ಚಾಲ ಮಮೇತ ವಾಕ್ಯಂ, ಮಾಕಾಸಿ ಕಮ್ಮಂ ನಿರಯೂಪಪತ್ತಿಯಾ॥
Karohi pañcāla mameta vākyaṃ, mākāsi kammaṃ nirayūpapattiyā.
೪೪.
44.
ಅದ್ಧಾ ಹಿ ಸಚ್ಚಂ ವಚನಂ ತವೇತಂ, ಯಥಾ ಇಸೀ ಭಾಸಸಿ ಏವಮೇತಂ।
Addhā hi saccaṃ vacanaṃ tavetaṃ, yathā isī bhāsasi evametaṃ;
ಕಾಮಾ ಚ ಮೇ ಸನ್ತಿ ಅನಪ್ಪರೂಪಾ, ತೇ ದುಚ್ಚಜಾ ಮಾದಿಸಕೇನ ಭಿಕ್ಖು॥
Kāmā ca me santi anapparūpā, te duccajā mādisakena bhikkhu.
೪೫.
45.
ನಾಗೋ ಯಥಾ ಪಙ್ಕಮಜ್ಝೇ ಬ್ಯಸನ್ನೋ, ಪಸ್ಸಂ ಥಲಂ ನಾಭಿಸಮ್ಭೋತಿ ಗನ್ತುಂ।
Nāgo yathā paṅkamajjhe byasanno, passaṃ thalaṃ nābhisambhoti gantuṃ;
ಏವಮ್ಪಹಂ 23 ಕಾಮಪಙ್ಕೇ ಬ್ಯಸನ್ನೋ, ನ ಭಿಕ್ಖುನೋ ಮಗ್ಗಮನುಬ್ಬಜಾಮಿ॥
Evampahaṃ 24 kāmapaṅke byasanno, na bhikkhuno maggamanubbajāmi.
೪೬.
46.
ಯಥಾಪಿ ಮಾತಾ ಚ ಪಿತಾ ಚ ಪುತ್ತಂ, ಅನುಸಾಸರೇ ಕಿನ್ತಿ ಸುಖೀ ಭವೇಯ್ಯ।
Yathāpi mātā ca pitā ca puttaṃ, anusāsare kinti sukhī bhaveyya;
ಏವಮ್ಪಿ ಮಂ ತ್ವಂ ಅನುಸಾಸ ಭನ್ತೇ, ಯಥಾ ಚಿರಂ 25 ಪೇಚ್ಚ ಸುಖೀ ಭವೇಯ್ಯಂ॥
Evampi maṃ tvaṃ anusāsa bhante, yathā ciraṃ 26 pecca sukhī bhaveyyaṃ.
೪೭.
47.
ನೋ ಚೇ ತುವಂ ಉಸ್ಸಹಸೇ ಜನಿನ್ದ, ಕಾಮೇ ಇಮೇ ಮಾನುಸಕೇ ಪಹಾತುಂ।
No ce tuvaṃ ussahase janinda, kāme ime mānusake pahātuṃ;
೪೮.
48.
ದೂತಾ ವಿಧಾವನ್ತು ದಿಸಾ ಚತಸ್ಸೋ, ನಿಮನ್ತಕಾ ಸಮಣಬ್ರಾಹ್ಮಣಾನಂ।
Dūtā vidhāvantu disā catasso, nimantakā samaṇabrāhmaṇānaṃ;
ತೇ ಅನ್ನಪಾನೇನ ಉಪಟ್ಠಹಸ್ಸು, ವತ್ಥೇನ ಸೇನಾಸನಪಚ್ಚಯೇನ ಚ॥
Te annapānena upaṭṭhahassu, vatthena senāsanapaccayena ca.
೪೯.
49.
ಅನ್ನೇನ ಪಾನೇನ ಪಸನ್ನಚಿತ್ತೋ, ಸನ್ತಪ್ಪಯ ಸಮಣಬ್ರಾಹ್ಮಣೇ ಚ।
Annena pānena pasannacitto, santappaya samaṇabrāhmaṇe ca;
ದತ್ವಾ ಚ ಭುತ್ವಾ ಚ ಯಥಾನುಭಾವಂ, ಅನಿನ್ದಿತೋ ಸಗ್ಗಮುಪೇಹಿ 31 ಠಾನಂ॥
Datvā ca bhutvā ca yathānubhāvaṃ, anindito saggamupehi 32 ṭhānaṃ.
೫೦.
50.
ಸಚೇ ಚ ತಂ ರಾಜ ಮದೋ ಸಹೇಯ್ಯ, ನಾರೀಗಣೇಹಿ ಪರಿಚಾರಯನ್ತಂ।
Sace ca taṃ rāja mado saheyya, nārīgaṇehi paricārayantaṃ;
ಇಮಮೇವ ಗಾಥಂ ಮನಸೀ ಕರೋಹಿ, ಭಾಸೇಸಿ 33 ಚೇನಂ ಪರಿಸಾಯ ಮಜ್ಝೇ॥
Imameva gāthaṃ manasī karohi, bhāsesi 34 cenaṃ parisāya majjhe.
೫೧.
51.
ಅಬ್ಭೋಕಾಸಸಯೋ ಜನ್ತು, ವಜನ್ತ್ಯಾ ಖೀರಪಾಯಿತೋ।
Abbhokāsasayo jantu, vajantyā khīrapāyito;
ಚಿತ್ತಸಮ್ಭೂತಜಾತಕಂ ದುತಿಯಂ।
Cittasambhūtajātakaṃ dutiyaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಜಾತಕ-ಅಟ್ಠಕಥಾ • Jātaka-aṭṭhakathā / [೪೯೮] ೨. ಚಿತ್ತಸಮ್ಭೂತಜಾತಕವಣ್ಣನಾ • [498] 2. Cittasambhūtajātakavaṇṇanā
