| Library / Tipiṭaka / ತಿಪಿಟಕ • Tipiṭaka / ಜಾತಕಪಾಳಿ • Jātakapāḷi |
೪೯೯. ಸಿವಿಜಾತಕಂ (೩)
499. Sivijātakaṃ (3)
೫೨.
52.
ದೂರೇ ಅಪಸ್ಸಂ ಥೇರೋವ, ಚಕ್ಖುಂ ಯಾಚಿತುಮಾಗತೋ।
Dūre apassaṃ therova, cakkhuṃ yācitumāgato;
ಏಕನೇತ್ತಾ ಭವಿಸ್ಸಾಮ, ಚಕ್ಖುಂ ಮೇ ದೇಹಿ ಯಾಚಿತೋ॥
Ekanettā bhavissāma, cakkhuṃ me dehi yācito.
೫೩.
53.
ಕೇನಾನುಸಿಟ್ಠೋ ಇಧ ಮಾಗತೋಸಿ, ವನಿಬ್ಬಕ 1 ಚಕ್ಖುಪಥಾನಿ ಯಾಚಿತುಂ।
Kenānusiṭṭho idha māgatosi, vanibbaka 2 cakkhupathāni yācituṃ;
ಸುದುಚ್ಚಜಂ ಯಾಚಸಿ ಉತ್ತಮಙ್ಗಂ, ಯಮಾಹು ನೇತ್ತಂ ಪುರಿಸೇನ ದುಚ್ಚಜಂ॥
Suduccajaṃ yācasi uttamaṅgaṃ, yamāhu nettaṃ purisena duccajaṃ.
೫೪.
54.
ಯಮಾಹು ದೇವೇಸು ಸುಜಮ್ಪತೀತಿ, ಮಘವಾತಿ ನಂ ಆಹು ಮನುಸ್ಸಲೋಕೇ।
Yamāhu devesu sujampatīti, maghavāti naṃ āhu manussaloke;
ತೇನಾನುಸಿಟ್ಠೋ ಇಧ ಮಾಗತೋಸ್ಮಿ, ವನಿಬ್ಬಕೋ ಚಕ್ಖುಪಥಾನಿ ಯಾಚಿತುಂ॥
Tenānusiṭṭho idha māgatosmi, vanibbako cakkhupathāni yācituṃ.
೫೫.
55.
ದದಾಹಿ ಮೇ ಚಕ್ಖುಪಥಂ ಅನುತ್ತರಂ, ಯಮಾಹು ನೇತ್ತಂ ಪುರಿಸೇನ ದುಚ್ಚಜಂ॥
Dadāhi me cakkhupathaṃ anuttaraṃ, yamāhu nettaṃ purisena duccajaṃ.
೫೬.
56.
ತೇ ತೇ ಇಜ್ಝನ್ತು ಸಙ್ಕಪ್ಪಾ, ಲಭ ಚಕ್ಖೂನಿ ಬ್ರಾಹ್ಮಣ॥
Te te ijjhantu saṅkappā, labha cakkhūni brāhmaṇa.
೫೭.
57.
ಏಕಂ ತೇ ಯಾಚಮಾನಸ್ಸ, ಉಭಯಾನಿ ದದಾಮಹಂ।
Ekaṃ te yācamānassa, ubhayāni dadāmahaṃ;
ಸ ಚಕ್ಖುಮಾ ಗಚ್ಛ ಜನಸ್ಸ ಪೇಕ್ಖತೋ, ಯದಿಚ್ಛಸೇ ತ್ವಂ ತದತೇ ಸಮಿಜ್ಝತು॥
Sa cakkhumā gaccha janassa pekkhato, yadicchase tvaṃ tadate samijjhatu.
೫೮.
58.
ಧನಂ ದೇಹಿ ಮಹಾರಾಜ, ಮುತ್ತಾ ವೇಳುರಿಯಾ ಬಹೂ॥
Dhanaṃ dehi mahārāja, muttā veḷuriyā bahū.
೫೯.
59.
ಯುತ್ತೇ ದೇವ ರಥೇ ದೇಹಿ, ಆಜಾನೀಯೇ ಚಲಙ್ಕತೇ।
Yutte deva rathe dehi, ājānīye calaṅkate;
ನಾಗೇ ದೇಹಿ ಮಹಾರಾಜ, ಹೇಮಕಪ್ಪನವಾಸಸೇ॥
Nāge dehi mahārāja, hemakappanavāsase.
೬೦.
60.
೬೧.
61.
ಯೋ ವೇ ದಸ್ಸನ್ತಿ ವತ್ವಾನ, ಅದಾನೇ ಕುರುತೇ ಮನೋ।
Yo ve dassanti vatvāna, adāne kurute mano;
೬೨.
62.
ಯೋ ವೇ ದಸ್ಸನ್ತಿ ವತ್ವಾನ, ಅದಾನೇ ಕುರುತೇ ಮನೋ।
Yo ve dassanti vatvāna, adāne kurute mano;
ಪಾಪಾ ಪಾಪತರೋ ಹೋತಿ, ಸಮ್ಪತ್ತೋ ಯಮಸಾಧನಂ॥
Pāpā pāpataro hoti, sampatto yamasādhanaṃ.
೬೩.
63.
ಯಞ್ಹಿ ಯಾಚೇ ತಞ್ಹಿ ದದೇ, ಯಂ ನ ಯಾಚೇ ನ ತಂ ದದೇ।
Yañhi yāce tañhi dade, yaṃ na yāce na taṃ dade;
ಸ್ವಾಹಂ ತಮೇವ ದಸ್ಸಾಮಿ, ಯಂ ಮಂ ಯಾಚತಿ ಬ್ರಾಹ್ಮಣೋ॥
Svāhaṃ tameva dassāmi, yaṃ maṃ yācati brāhmaṇo.
೬೪.
64.
ಆಯುಂ ನು ವಣ್ಣಂ ನು ಸುಖಂ ಬಲಂ ನು, ಕಿಂ ಪತ್ಥಯಾನೋ ನು ಜನಿನ್ದ ದೇಸಿ।
Āyuṃ nu vaṇṇaṃ nu sukhaṃ balaṃ nu, kiṃ patthayāno nu janinda desi;
ಕಥಞ್ಹಿ ರಾಜಾ ಸಿವಿನಂ ಅನುತ್ತರೋ, ಚಕ್ಖೂನಿ ದಜ್ಜಾ ಪರಲೋಕಹೇತು॥
Kathañhi rājā sivinaṃ anuttaro, cakkhūni dajjā paralokahetu.
೬೫.
65.
ನ ವಾಹಮೇತಂ ಯಸಸಾ ದದಾಮಿ, ನ ಪುತ್ತಮಿಚ್ಛೇ ನ ಧನಂ ನ ರಟ್ಠಂ।
Na vāhametaṃ yasasā dadāmi, na puttamicche na dhanaṃ na raṭṭhaṃ;
ಸತಞ್ಚ ಧಮ್ಮೋ ಚರಿತೋ ಪುರಾಣೋ, ಇಚ್ಚೇವ ದಾನೇ ರಮತೇ ಮನೋ ಮಮ 17॥
Satañca dhammo carito purāṇo, icceva dāne ramate mano mama 18.
೬೬.
66.
ಸಖಾ ಚ ಮಿತ್ತೋ ಚ ಮಮಾಸಿ ಸೀವಿಕ 19, ಸುಸಿಕ್ಖಿತೋ ಸಾಧು ಕರೋಹಿ ಮೇ ವಚೋ।
Sakhā ca mitto ca mamāsi sīvika 20, susikkhito sādhu karohi me vaco;
೬೭.
67.
ಚೋದಿತೋ ಸಿವಿರಾಜೇನ, ಸಿವಿಕೋ ವಚನಙ್ಕರೋ।
Codito sivirājena, siviko vacanaṅkaro;
ಸಚಕ್ಖು ಬ್ರಾಹ್ಮಣೋ ಆಸಿ, ಅನ್ಧೋ ರಾಜಾ ಉಪಾವಿಸಿ॥
Sacakkhu brāhmaṇo āsi, andho rājā upāvisi.
೬೮.
68.
ತತೋ ಸೋ ಕತಿಪಾಹಸ್ಸ, ಉಪರೂಳ್ಹೇಸು ಚಕ್ಖುಸು।
Tato so katipāhassa, uparūḷhesu cakkhusu;
ಸೂತಂ ಆಮನ್ತಯೀ ರಾಜಾ, ಸಿವೀನಂ ರಟ್ಠವಡ್ಢನೋ॥
Sūtaṃ āmantayī rājā, sivīnaṃ raṭṭhavaḍḍhano.
೬೯.
69.
ಯೋಜೇಹಿ ಸಾರಥಿ ಯಾನಂ, ಯುತ್ತಞ್ಚ ಪಟಿವೇದಯ।
Yojehi sārathi yānaṃ, yuttañca paṭivedaya;
ಉಯ್ಯಾನಭೂಮಿಂ ಗಚ್ಛಾಮ, ಪೋಕ್ಖರಞ್ಞೋ ವನಾನಿ ಚ॥
Uyyānabhūmiṃ gacchāma, pokkharañño vanāni ca.
೭೦.
70.
ತಸ್ಸ ಸಕ್ಕೋ ಪಾತುರಹು, ದೇವರಾಜಾ ಸುಜಮ್ಪತಿ॥
Tassa sakko pāturahu, devarājā sujampati.
೭೧.
71.
ಸಕ್ಕೋಹಮಸ್ಮಿ ದೇವಿನ್ದೋ, ಆಗತೋಸ್ಮಿ ತವನ್ತಿಕೇ।
Sakkohamasmi devindo, āgatosmi tavantike;
ವರಂ ವರಸ್ಸು ರಾಜೀಸಿ, ಯಂ ಕಿಞ್ಚಿ ಮನಸಿಚ್ಛಸಿ॥
Varaṃ varassu rājīsi, yaṃ kiñci manasicchasi.
೭೨.
72.
ಪಹೂತಂ ಮೇ ಧನಂ ಸಕ್ಕ, ಬಲಂ ಕೋಸೋ ಚನಪ್ಪಕೋ।
Pahūtaṃ me dhanaṃ sakka, balaṃ koso canappako;
ಅನ್ಧಸ್ಸ ಮೇ ಸತೋ ದಾನಿ, ಮರಣಞ್ಞೇವ ರುಚ್ಚತಿ॥
Andhassa me sato dāni, maraṇaññeva ruccati.
೭೩.
73.
ಯಾನಿ ಸಚ್ಚಾನಿ ದ್ವಿಪದಿನ್ದ, ತಾನಿ ಭಾಸಸ್ಸು ಖತ್ತಿಯ।
Yāni saccāni dvipadinda, tāni bhāsassu khattiya;
ಸಚ್ಚಂ ತೇ ಭಣಮಾನಸ್ಸ, ಪುನ ಚಕ್ಖು ಭವಿಸ್ಸತಿ॥
Saccaṃ te bhaṇamānassa, puna cakkhu bhavissati.
೭೪.
74.
ಯೇ ಮಂ ಯಾಚಿತುಮಾಯನ್ತಿ, ನಾನಾಗೋತ್ತಾ ವನಿಬ್ಬಕಾ।
Ye maṃ yācitumāyanti, nānāgottā vanibbakā;
ಯೋಪಿ ಮಂ ಯಾಚತೇ ತತ್ಥ, ಸೋಪಿ ಮೇ ಮನಸೋ ಪಿಯೋ।
Yopi maṃ yācate tattha, sopi me manaso piyo;
ಏತೇನ ಸಚ್ಚವಜ್ಜೇನ, ಚಕ್ಖು ಮೇ ಉಪಪಜ್ಜಥ॥
Etena saccavajjena, cakkhu me upapajjatha.
೭೫.
75.
ಯಂ ಮಂ ಸೋ ಯಾಚಿತುಂ ಆಗಾ, ದೇಹಿ ಚಕ್ಖುನ್ತಿ ಬ್ರಾಹ್ಮಣೋ।
Yaṃ maṃ so yācituṃ āgā, dehi cakkhunti brāhmaṇo;
೭೬.
76.
ಭಿಯ್ಯೋ ಮಂ ಆವಿಸೀ ಪೀತಿ, ಸೋಮನಸ್ಸಞ್ಚನಪ್ಪಕಂ।
Bhiyyo maṃ āvisī pīti, somanassañcanappakaṃ;
ಏತೇನ ಸಚ್ಚವಜ್ಜೇನ, ದುತಿಯಂ ಮೇ ಉಪಪಜ್ಜಥ॥
Etena saccavajjena, dutiyaṃ me upapajjatha.
೭೭.
77.
ಧಮ್ಮೇನ ಭಾಸಿತಾ ಗಾಥಾ, ಸಿವೀನಂ ರಟ್ಠವಡ್ಢನ।
Dhammena bhāsitā gāthā, sivīnaṃ raṭṭhavaḍḍhana;
ಏತಾನಿ ತವ ನೇತ್ತಾನಿ, ದಿಬ್ಬಾನಿ ಪಟಿದಿಸ್ಸರೇ॥
Etāni tava nettāni, dibbāni paṭidissare.
೭೮.
78.
ತಿರೋಕುಟ್ಟಂ ತಿರೋಸೇಲಂ, ಸಮತಿಗ್ಗಯ್ಹ ಪಬ್ಬತಂ।
Tirokuṭṭaṃ tiroselaṃ, samatiggayha pabbataṃ;
ಸಮನ್ತಾ ಯೋಜನಸತಂ, ದಸ್ಸನಂ ಅನುಭೋನ್ತು ತೇ॥
Samantā yojanasataṃ, dassanaṃ anubhontu te.
೭೯.
79.
ಕೋ ನೀಧ ವಿತ್ತಂ ನ ದದೇಯ್ಯ ಯಾಚಿತೋ, ಅಪಿ ವಿಸಿಟ್ಠಂ ಸುಪಿಯಮ್ಪಿ ಅತ್ತನೋ।
Ko nīdha vittaṃ na dadeyya yācito, api visiṭṭhaṃ supiyampi attano;
ತದಿಙ್ಘ ಸಬ್ಬೇ ಸಿವಯೋ ಸಮಾಗತಾ, ದಿಬ್ಬಾನಿ ನೇತ್ತಾನಿ ಮಮಜ್ಜ ಪಸ್ಸಥ॥
Tadiṅgha sabbe sivayo samāgatā, dibbāni nettāni mamajja passatha.
೮೦.
80.
ತಿರೋಕುಟ್ಟಂ ತಿರೋಸೇಲಂ, ಸಮತಿಗ್ಗಯ್ಹ ಪಬ್ಬತಂ।
Tirokuṭṭaṃ tiroselaṃ, samatiggayha pabbataṃ;
ಸಮನ್ತಾ ಯೋಜನಸತಂ, ದಸ್ಸನಂ ಅನುಭೋನ್ತಿ ಮೇ॥
Samantā yojanasataṃ, dassanaṃ anubhonti me.
೮೧.
81.
ನ ಚಾಗಮತ್ತಾ ಪರಮತ್ಥಿ ಕಿಞ್ಚಿ, ಮಚ್ಚಾನಂ ಇಧ ಜೀವಿತೇ।
Na cāgamattā paramatthi kiñci, maccānaṃ idha jīvite;
೮೨.
82.
ಏತಮ್ಪಿ ದಿಸ್ವಾ ಸಿವಯೋ, ದೇಥ ದಾನಾನಿ ಭುಞ್ಜಥ।
Etampi disvā sivayo, detha dānāni bhuñjatha;
ದತ್ವಾ ಚ ಭುತ್ವಾ ಚ ಯಥಾನುಭಾವಂ, ಅನಿನ್ದಿತಾ ಸಗ್ಗಮುಪೇಥ ಠಾನನ್ತಿ॥
Datvā ca bhutvā ca yathānubhāvaṃ, aninditā saggamupetha ṭhānanti.
ಸಿವಿಜಾತಕಂ ತತಿಯಂ।
Sivijātakaṃ tatiyaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಜಾತಕ-ಅಟ್ಠಕಥಾ • Jātaka-aṭṭhakathā / [೪೯೯] ೩. ಸಿವಿಜಾತಕವಣ್ಣನಾ • [499] 3. Sivijātakavaṇṇanā
