| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
៣. ចិតកបូជកត្ថេរអបទានំ
3. Citakapūjakattheraapadānaṃ
៩.
9.
‘‘អានន្ទោ នាម សម្ពុទ្ធោ, សយម្ភូ អបរាជិតោ;
‘‘Ānando nāma sambuddho, sayambhū aparājito;
អរញ្ញេ បរិនិព្ពាយិ, អមនុស្សម្ហិ កាននេ។
Araññe parinibbāyi, amanussamhi kānane.
១០.
10.
‘‘ទេវលោកា ឥធាគន្ត្វា, ចិតំ កត្វានហំ តទា;
‘‘Devalokā idhāgantvā, citaṃ katvānahaṃ tadā;
សរីរំ តត្ថ ឈាបេសិំ, សក្ការញ្ច អកាសហំ។
Sarīraṃ tattha jhāpesiṃ, sakkārañca akāsahaṃ.
១១.
11.
‘‘ឯកនវុតិតោ កប្បេ, យំ កម្មមករិំ តទា;
‘‘Ekanavutito kappe, yaṃ kammamakariṃ tadā;
ទុគ្គតិំ នាភិជានាមិ, ពុទ្ធបូជាយិទំ ផលំ។
Duggatiṃ nābhijānāmi, buddhapūjāyidaṃ phalaṃ.
១២.
12.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា ចិតកបូជកោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā citakapūjako thero imā gāthāyo abhāsitthāti.
ចិតកបូជកត្ថេរស្សាបទានំ តតិយំ។
Citakapūjakattherassāpadānaṃ tatiyaṃ.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / អបទាន-អដ្ឋកថា • Apadāna-aṭṭhakathā / ១-១០. ថោមកត្ថេរអបទានាទិវណ្ណនា • 1-10. Thomakattheraapadānādivaṇṇanā
