| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
៦. ចិតកបូជកត្ថេរអបទានំ
6. Citakapūjakattheraapadānaṃ
៤៩.
49.
‘‘វសាមិ រាជាយតនេ, សាមច្ចោ សបរិជ្ជនោ;
‘‘Vasāmi rājāyatane, sāmacco saparijjano;
បរិនិព្ពុតេ ភគវតិ, សិខិនោ លោកពន្ធុនោ។
Parinibbute bhagavati, sikhino lokabandhuno.
៥០.
50.
‘‘បសន្នចិត្តោ សុមនោ, ចិតកំ អគមាសហំ;
‘‘Pasannacitto sumano, citakaṃ agamāsahaṃ;
តូរិយំ តត្ថ វាទេត្វា, គន្ធមាលំ សមោកិរិំ។
Tūriyaṃ tattha vādetvā, gandhamālaṃ samokiriṃ.
៥១.
51.
‘‘ចិតម្ហិ បូជំ កត្វាន, វន្ទិត្វា ចិតកំ អហំ;
‘‘Citamhi pūjaṃ katvāna, vanditvā citakaṃ ahaṃ;
បសន្នចិត្តោ សុមនោ, សកំ ភវនុបាគមិំ។
Pasannacitto sumano, sakaṃ bhavanupāgamiṃ.
៥២.
52.
‘‘ភវនេ ឧបវិដ្ឋោហំ, ចិតបូជំ អនុស្សរិំ;
‘‘Bhavane upaviṭṭhohaṃ, citapūjaṃ anussariṃ;
តេន កម្មេន ទ្វិបទិន្ទ, លោកជេដ្ឋ នរាសភ។
Tena kammena dvipadinda, lokajeṭṭha narāsabha.
៥៣.
53.
‘‘អនុភោត្វាន សម្បត្តិំ, ទេវេសុ មានុសេសុ ច;
‘‘Anubhotvāna sampattiṃ, devesu mānusesu ca;
បត្តោម្ហិ អចលំ ឋានំ, ហិត្វា ជយបរាជយំ។
Pattomhi acalaṃ ṭhānaṃ, hitvā jayaparājayaṃ.
៥៤.
54.
‘‘ឯកត្តិំសេ ឥតោ កប្បេ, យំ បុប្ផមភិរោបយិំ;
‘‘Ekattiṃse ito kappe, yaṃ pupphamabhiropayiṃ;
ទុគ្គតិំ នាភិជានាមិ, ចិតបូជាយិទំ ផលំ។
Duggatiṃ nābhijānāmi, citapūjāyidaṃ phalaṃ.
៥៥.
55.
‘‘ឯកូនតិំសកប្បម្ហិ, ឥតោ សោឡស រាជានោ;
‘‘Ekūnatiṃsakappamhi, ito soḷasa rājāno;
ឧគ្គតា នាម នាមេន, ចក្កវត្តី មហព្ពលា។
Uggatā nāma nāmena, cakkavattī mahabbalā.
៥៦.
56.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា ចិតកបូជកោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā citakapūjako thero imā gāthāyo abhāsitthāti.
ចិតកបូជកត្ថេរស្សាបទានំ ឆដ្ឋំ។
Citakapūjakattherassāpadānaṃ chaṭṭhaṃ.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / អបទាន-អដ្ឋកថា • Apadāna-aṭṭhakathā / ៦. ចិតកបូជកត្ថេរអបទានវណ្ណនា • 6. Citakapūjakattheraapadānavaṇṇanā
