| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
30. சிதகபூஜகவக்³கோ³
30. Citakapūjakavaggo
1. சிதகபூஜகத்தே²ரஅபதா³னங்
1. Citakapūjakattheraapadānaṃ
1.
1.
‘‘அஜிதோ நாம நாமேன, அஹோஸிங் ப்³ராஹ்மணோ ததா³;
‘‘Ajito nāma nāmena, ahosiṃ brāhmaṇo tadā;
ஆஹுதிங் யிட்டு²காமோஹங், நானாபுப்ப²ங் ஸமானயிங்.
Āhutiṃ yiṭṭhukāmohaṃ, nānāpupphaṃ samānayiṃ.
2.
2.
‘‘ஜலந்தங் சிதகங் தி³ஸ்வா, ஸிகி²னோ லோகப³ந்து⁴னோ;
‘‘Jalantaṃ citakaṃ disvā, sikhino lokabandhuno;
தஞ்ச புப்ப²ங் ஸமானெத்வா, சிதகே ஓகிரிங் அஹங்.
Tañca pupphaṃ samānetvā, citake okiriṃ ahaṃ.
3.
3.
‘‘ஏகத்திங்ஸே இதோ கப்பே, யங் புப்ப²மபி⁴பூஜயிங்;
‘‘Ekattiṃse ito kappe, yaṃ pupphamabhipūjayiṃ;
து³க்³க³திங் நாபி⁴ஜானாமி, பு³த்³த⁴பூஜாயித³ங் ப²லங்.
Duggatiṃ nābhijānāmi, buddhapūjāyidaṃ phalaṃ.
4.
4.
ஸுபஜ்ஜலிதனாமா தே, சக்கவத்தீ மஹப்³ப³லா.
Supajjalitanāmā te, cakkavattī mahabbalā.
5.
5.
‘‘படிஸம்பி⁴தா³ சதஸ்ஸோ, விமொக்கா²பி ச அட்டி²மே;
‘‘Paṭisambhidā catasso, vimokkhāpi ca aṭṭhime;
ச²ளபி⁴ஞ்ஞா ஸச்சி²கதா, கதங் பு³த்³த⁴ஸ்ஸ ஸாஸனங்’’.
Chaḷabhiññā sacchikatā, kataṃ buddhassa sāsanaṃ’’.
இத்த²ங் ஸுத³ங் ஆயஸ்மா சிதகபூஜகோ தே²ரோ இமா கா³தா²யோ அபா⁴ஸித்தா²தி.
Itthaṃ sudaṃ āyasmā citakapūjako thero imā gāthāyo abhāsitthāti.
சிதகபூஜகத்தே²ரஸ்ஸாபதா³னங் பட²மங்.
Citakapūjakattherassāpadānaṃ paṭhamaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / அபதா³ன-அட்ட²கதா² • Apadāna-aṭṭhakathā / 1-10. சிதகபூஜகத்தே²ரஅபதா³னாதி³வண்ணனா • 1-10. Citakapūjakattheraapadānādivaṇṇanā
