| Library / Tipiṭaka / तिपिटक • Tipiṭaka / संयुत्तनिकाय (टीका) • Saṃyuttanikāya (ṭīkā) |
८. छेत्वावग्गो
8. Chetvāvaggo
१. छेत्वासुत्तवण्णना
1. Chetvāsuttavaṇṇanā
७१. वधित्वाति हन्त्वा विनासेत्वा। अपरिदय्हमानत्ताति अपीळियमानत्ता। विनट्ठदोमनस्सत्ता न सोचति चेतोदुक्खदुक्खाभावतो। विसं नाम दुक्खं अनिट्ठभावतो, तस्स मूलकारणं कोधो अनिट्ठफलत्ताति आह ‘‘विसमूलस्साति दुक्खविपाकस्सा’’ति। अक्कुट्ठस्साति अक्कोसापराधस्स। अक्कोसपहारत्थसम्बन्धेन हि ‘‘कुद्धस्सा’’ति उपयोगत्थे सम्पदानवचनं। सुखं उप्पज्जति कोधं नस्सति। सुखुप्पत्तिं सन्धाय एस कोधो ‘‘मधुरग्गो’’ति वुत्तो, सुखावसानोति अत्थो।
71.Vadhitvāti hantvā vināsetvā. Aparidayhamānattāti apīḷiyamānattā. Vinaṭṭhadomanassattā na socati cetodukkhadukkhābhāvato. Visaṃ nāma dukkhaṃ aniṭṭhabhāvato, tassa mūlakāraṇaṃ kodho aniṭṭhaphalattāti āha ‘‘visamūlassāti dukkhavipākassā’’ti. Akkuṭṭhassāti akkosāparādhassa. Akkosapahāratthasambandhena hi ‘‘kuddhassā’’ti upayogatthe sampadānavacanaṃ. Sukhaṃ uppajjati kodhaṃ nassati. Sukhuppattiṃ sandhāya esa kodho ‘‘madhuraggo’’ti vutto, sukhāvasānoti attho.
छेत्वासुत्तवण्णना निट्ठिता।
Chetvāsuttavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya / १. छेत्वासुत्तं • 1. Chetvāsuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / १. छेत्वासुत्तवण्णना • 1. Chetvāsuttavaṇṇanā
