| Library / Tipiṭaka / តិបិដក • Tipiṭaka / សំយុត្តនិកាយ (អដ្ឋកថា) • Saṃyuttanikāya (aṭṭhakathā) |
៦-១១. ឆេទនសុត្តាទិវណ្ណនា
6-11. Chedanasuttādivaṇṇanā
១១៦៦-៧១. ឆេទនាទីសុ ឆេទនន្តិ ហត្ថច្ឆេទនាទិ។ វធោតិ មរណំ។ ពន្ធោតិ រជ្ជុពន្ធនាទីហិ ពន្ធនំ។ វិបរាមោសោតិ ហិមវិបរាមោសោ, គុម្ពវិបរាមោសោតិ ទុវិធោ។ យំ ហិមបាតសមយេ ហិមេន បដិច្ឆន្នា ហុត្វា មគ្គបដិបន្នំ ជនំ មុសន្តិ, អយំ ហិមវិបរាមោសោ។ យំ គុម្ពាទិបដិច្ឆន្នា មុសន្តិ, អយំ គុម្ពវិបរាមោសោ។
1166-71.Chedanādīsu chedananti hatthacchedanādi. Vadhoti maraṇaṃ. Bandhoti rajjubandhanādīhi bandhanaṃ. Viparāmosoti himaviparāmoso, gumbaviparāmosoti duvidho. Yaṃ himapātasamaye himena paṭicchannā hutvā maggapaṭipannaṃ janaṃ musanti, ayaṃ himaviparāmoso. Yaṃ gumbādipaṭicchannā musanti, ayaṃ gumbaviparāmoso.
អាលោបោ វុច្ចតិ គាមនិគមាទីនំ វិលោបករណំ។ សហសាការោតិ សាហសកិរិយា, គេហំ បវិសិត្វា, មនុស្សានំ ឧរេ សត្ថំ ឋបេត្វា, ឥច្ឆិតភណ្ឌគ្គហណំ។ ឯវមេតស្មា ឆេទនវធពន្ធនវិបរាមោសអាលោបសហសាការា បដិវិរតា។ សេសំ សព្ពត្ថ ឧត្តានត្ថមេវាតិ។
Ālopo vuccati gāmanigamādīnaṃ vilopakaraṇaṃ. Sahasākāroti sāhasakiriyā, gehaṃ pavisitvā, manussānaṃ ure satthaṃ ṭhapetvā, icchitabhaṇḍaggahaṇaṃ. Evametasmā chedanavadhabandhanaviparāmosaālopasahasākārā paṭiviratā. Sesaṃ sabbattha uttānatthamevāti.
អាមកធញ្ញបេយ្យាលវណ្ណនា និដ្ឋិតា។
Āmakadhaññapeyyālavaṇṇanā niṭṭhitā.
ឥតិ សារត្ថប្បកាសិនិយា សំយុត្តនិកាយ-អដ្ឋកថាយ
Iti sāratthappakāsiniyā saṃyuttanikāya-aṭṭhakathāya
មហាវគ្គវណ្ណនា និដ្ឋិតា។
Mahāvaggavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ៦-១១. ឆេទនាទិសុត្តំ • 6-11. Chedanādisuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ៦-១១. ឆេទនសុត្តាទិវណ្ណនា • 6-11. Chedanasuttādivaṇṇanā
