| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੧੦. ਛਪ੍ਪਾਣਕੋਪਮਸੁਤ੍ਤવਣ੍ਣਨਾ
10. Chappāṇakopamasuttavaṇṇanā
੨੪੭. વਣਸਰੀਰੋਤਿ વਣਿਤਸਰੀਰੋ। ਪਕ੍ਕਤ੍ਤਾਤਿ ਕੁਥਿਤਤ੍ਤਾ। ਸਰਦਣ੍ਡੇਸੁ ਸਰਸਮਞ੍ਞਾਤਿ ਕਣ੍ਡ-ਸਦ੍ਦੋ ਸਰਪਰਿਯਾਯੋਤਿ ਆਹ – ‘‘ਸਰવਨਨ੍ਤਿ ਕਣ੍ਡવਨ’’ਨ੍ਤਿ। ਅਰੁਗਤ੍ਤੋ…ਪੇ॰… વੇਦਿਤਬ੍ਬੋ ਗੁਣਸਰੀਰਸ੍ਸ ਖਣ੍ਡਛਿਦ੍ਦਸੀਲਾਦੀਹਿ ਹੇਟ੍ਠਾ ਮਜ੍ਝੇ ਉਪਰਿਭਾਗੇ ਚ ਭੇਦવਿਸਮਚ੍ਛਿਨ੍ਨવਿਕਾਰਦੋਸਤ੍ਤਾ। ਏਤ੍ਥ ਕੁਸਾ ‘‘ਕਣ੍ਟਕਾ’’ਤਿ ਅਧਿਪ੍ਪੇਤਾ ਕਣ੍ਟਕਸਦਿਸਤ੍ਤਾ, ਕੁਸਤਿਣਾਨਂ ਏવ વਾ વੁਤ੍ਤਾਕਾਰਪਦੇਸੋ ‘‘ਕੁਸਕਣ੍ਟਕੋ’’ਤਿ વੁਤ੍ਤੋ।
247.Vaṇasarīroti vaṇitasarīro. Pakkattāti kuthitattā. Saradaṇḍesu sarasamaññāti kaṇḍa-saddo sarapariyāyoti āha – ‘‘saravananti kaṇḍavana’’nti. Arugatto…pe… veditabbo guṇasarīrassa khaṇḍachiddasīlādīhi heṭṭhā majjhe uparibhāge ca bhedavisamacchinnavikāradosattā. Ettha kusā ‘‘kaṇṭakā’’ti adhippetā kaṇṭakasadisattā, kusatiṇānaṃ eva vā vuttākārapadeso ‘‘kusakaṇṭako’’ti vutto.
ਗਾਮવਾਸੀਨਂ વਿਜ੍ਝਨਟ੍ਠੇਨਾਤਿ ਨਾਰਹੋવ ਹੁਤ੍વਾ ਤੇਸਂ ਕਾਰਾਨਂ ਪਟਿਗ੍ਗਹਣવਸੇਨ ਪੀਲ਼ਨਟ੍ਠੇਨ।
Gāmavāsīnaṃ vijjhanaṭṭhenāti nārahova hutvā tesaṃ kārānaṃ paṭiggahaṇavasena pīḷanaṭṭhena.
ਪਕ੍ਖਿਨ੍ਤਿ ਹਤ੍ਥਿਲਿਙ੍ਗਸਕੁਣਂ। ਤਸ੍ਸ ਕਿਰ ਹਤ੍ਥਿਸੋਣ੍ਡਸਦਿਸਂ ਮੁਖਂ, ਤਸ੍ਮਾ ‘‘ਹਤ੍ਥਿਸੋਣ੍ਡਸਕੁਣ’’ਨ੍ਤਿ વੁਤ੍ਤਂ। વਿਸ੍ਸਜ੍ਜੇਯ੍ਯਾਤਿ ਰਜ੍ਜੁਯਾ ਯਥਾਬਦ੍ਧਂ ਏવ વਿਸ੍ਸਜ੍ਜੇਯ੍ਯ।
Pakkhinti hatthiliṅgasakuṇaṃ. Tassa kira hatthisoṇḍasadisaṃ mukhaṃ, tasmā ‘‘hatthisoṇḍasakuṇa’’nti vuttaṃ. Vissajjeyyāti rajjuyā yathābaddhaṃ eva vissajjeyya.
ਭੋਗੇਹੀਤਿ ਅਤ੍ਤਨੋ ਸਰੀਰਭੋਗੇਹਿ। ਮਣ੍ਡਲਂ ਬਨ੍ਧਿਤ੍વਾਤਿ ਯਥਾ ਸਰੀਰਂ ਮਣ੍ਡਲਾਕਾਰੇਨ ਤਿਟ੍ਠਤਿ, ਏવਂ ਕਤ੍વਾ। ਸੁਪਿਸ੍ਸਾਮੀਤਿ ਨਿਦ੍ਦਂ ਓਕ੍ਕਮਿਸ੍ਸਾਮਿ। ਡੇਤੁਕਾਮੋਤਿ ਉਪ੍ਪਤਿਤੁਕਾਮੋ। ਦਿਸਾ ਦਿਸਨ੍ਤਿ ਦਿਸਤੋ ਦਿਸਂ।
Bhogehīti attano sarīrabhogehi. Maṇḍalaṃ bandhitvāti yathā sarīraṃ maṇḍalākārena tiṭṭhati, evaṃ katvā. Supissāmīti niddaṃ okkamissāmi. Ḍetukāmoti uppatitukāmo. Disā disanti disato disaṃ.
ਛ ਪਾਣਕਾ વਿਯ ਛ ਆਯਤਨਾਨਿ ਨਾਨਜ੍ਝਾਸਯਤ੍ਤਾ, ਨਾਨਜ੍ਝਾਸਯਤਾ ਚ ਨੇਸਂ ਨਾਨਾવਿਸਯਨਿਨ੍ਨਤਾਯ ਦਟ੍ਠਬ੍ਬਾ। ਦਲ਼੍ਹਰਜ੍ਜੁ વਿਯ ਤਣ੍ਹਾ ਤੇਸਂ ਬਨ੍ਧਨਤੋ। ਮਜ੍ਝੇ ਗਣ੍ਠਿ વਿਯ ਅવਿਜ੍ਜਾ ਬਨ੍ਧਨਸ੍ਸ ਦੁਬ੍ਬਿਨਿਮ੍ਮੋਚਨਹੇਤੁਤੋ। ਆਰਮ੍ਮਣਂ ਬਲવਂ ਹੋਤਿ ਮਨੁਞ੍ਞਭਾવੇਨ ਚੇવ ਤਤ੍ਥ ਤਣ੍ਹਾਭਿਨਿવੇਸਸ੍ਸ ਦਲ਼੍ਹਭਾવੇਨ ਚ।
Cha pāṇakā viya cha āyatanāni nānajjhāsayattā, nānajjhāsayatā ca nesaṃ nānāvisayaninnatāya daṭṭhabbā. Daḷharajju viya taṇhā tesaṃ bandhanato. Majjhe gaṇṭhi viya avijjā bandhanassa dubbinimmocanahetuto. Ārammaṇaṃ balavaṃ hoti manuññabhāvena ceva tattha taṇhābhinivesassa daḷhabhāvena ca.
ਸਰਿਕ੍ਖਕੇਨ વਾ ਉਪਮਾਯ ਆਹਰਣਪਕ੍ਖੇ। ਅਪ੍ਪਨਾਤਿ ਸਂਸਨ੍ਦਨਾ। ਪਾਲ਼ਿਯਂਯੇવ ਅਪ੍ਪਿਤਾ ਉਪਮਾ ‘‘ਏવਮੇવ ਖੋ’’ਤਿਆਦਿਨਾ। ਰੂਪਚਿਤ੍ਤਾਦਿવਿਸਮਨਿਨ੍ਨਤ੍ਤਾ ਚਕ੍ਖੁਸ੍ਸ વਿਸਮਜ੍ਝਾਸਯਤਾ। ਏਸ ਨਯੋ ਸੇਸੇਸੁਪਿ।
Sarikkhakena vā upamāya āharaṇapakkhe. Appanāti saṃsandanā. Pāḷiyaṃyeva appitā upamā ‘‘evameva kho’’tiādinā. Rūpacittādivisamaninnattā cakkhussa visamajjhāsayatā. Esa nayo sesesupi.
ਕਣ੍ਣਚ੍ਛਿਦ੍ਦਕੂਪਕੇਤਿ ਕਣ੍ਣਚ੍ਛਿਦ੍ਦਸਞ੍ਞਿਤੇ ਆવਾਟੇ। ਤਸ੍ਸਾਤਿ ਸੋਤਸ੍ਸ। ਪਚ੍ਚਯੋ ਹੋਤੀਤਿ ਉਪਨਿਸ੍ਸਯੋ ਹੋਤਿ ਤੇਨ વਿਨਾ ਸਦ੍ਦਗ੍ਗਹਣਸ੍ਸ ਅਭਾવਤੋ। ‘‘ਅਜਟਾਕਾਸੋਪਿ વਟ੍ਟਤਿ ਏવਾ’’ਤਿ વਤ੍વਾ ਤਸ੍ਸ ਪਚ੍ਚਯਭਾવਂ ਦਸ੍ਸੇਤੁਂ ‘‘ਅਨ੍ਤੋਲੇਣਸ੍ਮਿ’’ਨ੍ਤਿਆਦਿ વੁਤ੍ਤਂ। ਧਾਤੁਪਰਮ੍ਪਰਾ ਘਟ੍ਟੇਨ੍ਤੋਤਿ ਭੂਤਪਰਮ੍ਪਰਾਸਙ੍ਘਟ੍ਟੇਨ੍ਤੋ।
Kaṇṇacchiddakūpaketi kaṇṇacchiddasaññite āvāṭe. Tassāti sotassa. Paccayo hotīti upanissayo hoti tena vinā saddaggahaṇassa abhāvato. ‘‘Ajaṭākāsopi vaṭṭati evā’’ti vatvā tassa paccayabhāvaṃ dassetuṃ ‘‘antoleṇasmi’’ntiādi vuttaṃ. Dhātuparamparā ghaṭṭentoti bhūtaparamparāsaṅghaṭṭento.
ਏવਂ ਸਨ੍ਤੇਤਿ ਏવਂ ਭੂਤਪਰਮ੍ਪਰਾવਸੇਨ ਸਦ੍ਦੇ ਸੋਤਪਥਮਾਗਚ੍ਛਨ੍ਤੇ। ਸਮ੍ਪਤ੍ਤਗੋਚਰਤਾ ਹੋਤਿ ਸੋਤਸ੍ਸ। ਘਾਨਾਦੀਨਂ વਿਯ ‘‘ਦੂਰੇ ਸਦ੍ਦੋ’’ਤਿ ਜਾਨਨਂ ਨ ਸਮ੍ਭવੇਯ੍ਯ ਸਮ੍ਪਤ੍ਤਗਾਹਿਭਾવਤੋ। ਤਥਾ ਤਥਾ ਜਾਨਨਾਕਾਰੋ ਹੋਤਿ ਮਨੋવਿਞ੍ਞਾਣਸ੍ਸ ਗਹਣਾਕਾਰવਿਸੇਸਤੋ। ਸੋਤવਿਞ੍ਞਾਣਪ੍ਪવਤ੍ਤਿ ਪਨ ਉਭਯਤ੍ਥ ਸਮਾਨਾવ। ਦੂਰੇ ਠਿਤੋਪਿ ਸਦ੍ਦੋ ਤਾਦਿਸੇ ਠਾਨੇ ਪਟਿਘੋਸਾਦੀਨਂ ਪਚ੍ਚਯੋ ਹੋਤਿ ਅਯੋਕਨ੍ਤੋ વਿਯ ਅਯੋਚਲਨਸ੍ਸਾਤਿ ਦਟ੍ਠਬ੍ਬਂ। ਧਮ੍ਮਤਾਤਿ ਧਮ੍ਮਸਭਾવੋ, ਸਦ੍ਦਸ੍ਸ ਸੋ ਸਭਾવੋਤਿ ਅਤ੍ਥੋ। ਤਤੋ ਤਤੋ ਸવਨਂ ਹੋਤਿ ਆਕਾਸਸਞ੍ਞਿਤਸ੍ਸ ਉਪਨਿਸ੍ਸਯਸ੍ਸ ਲਬ੍ਭਨਤੋ। ਯਦਿ ਪਨ ਸੋਤਂ ਸਮ੍ਪਤ੍ਤਗਾਹੀ ਸਿਯਾ, ਚਿਤ੍ਤਸਮੁਟ੍ਠਾਨਸਦ੍ਦੋ ਸੋਤવਿਞ੍ਞਾਣਸ੍ਸ ਆਰਮ੍ਮਣਪਚ੍ਚਯੋ ਨ ਸਿਯਾ। ਪਟ੍ਠਾਨੇ ਚ ਅવਿਸੇਸੇਨ ‘‘ਸਦ੍ਦਾਯਤਨਂ ਸੋਤવਿਞ੍ਞਾਣਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ’’ਤਿ વੁਤ੍ਤੋ, ਬਹਿਦ੍ਧਾ ਚ ਚਿਤ੍ਤਜਸ੍ਸ ਸਦ੍ਦਸ੍ਸ ਸਮ੍ਭવੋ ਨਤ੍ਥਿ। ਅਥ વਾ ਚਿਤ੍ਤਜੋ ਸਦ੍ਦੋ ਧਾਤੁਪਰਮ੍ਪਰਾਯ ਸੋਤਪਸਾਦਂ ਘਟ੍ਟੇਤਿ, ਨ ਸੋ ਚਿਤ੍ਤਜੋ ਸਦ੍ਦੋ, ਯੋ ਪਰਮ੍ਪਰਾਯ ਪવਤ੍ਤੋ। ਉਤੁਜੋ ਹਿ ਸੋ, ਤਸ੍ਮਾ ਯਥੁਪ੍ਪਨ੍ਨੋ ਸਦ੍ਦੋ, ਤਤ੍ਥ ਠਿਤੋવ ਸੋਤਪਸਾਦਸ੍ਸ ਆਪਾਥਂ ਆਗਚ੍ਛਤੀਤਿ ਨਿਟ੍ਠਮੇਤ੍ਥ ਗਨ੍ਤਬ੍ਬਂ। ਤੇਨ વੁਤ੍ਤਂ ‘‘ਅਸਮ੍ਪਤ੍ਤਗੋਚਰਮੇવੇਤ’’ਨ੍ਤਿ।
Evaṃ santeti evaṃ bhūtaparamparāvasena sadde sotapathamāgacchante. Sampattagocaratā hoti sotassa. Ghānādīnaṃ viya ‘‘dūre saddo’’ti jānanaṃ na sambhaveyya sampattagāhibhāvato. Tathā tathā jānanākāro hoti manoviññāṇassa gahaṇākāravisesato. Sotaviññāṇappavatti pana ubhayattha samānāva. Dūre ṭhitopi saddo tādise ṭhāne paṭighosādīnaṃ paccayo hoti ayokanto viya ayocalanassāti daṭṭhabbaṃ. Dhammatāti dhammasabhāvo, saddassa so sabhāvoti attho. Tato tato savanaṃ hoti ākāsasaññitassa upanissayassa labbhanato. Yadi pana sotaṃ sampattagāhī siyā, cittasamuṭṭhānasaddo sotaviññāṇassa ārammaṇapaccayo na siyā. Paṭṭhāne ca avisesena ‘‘saddāyatanaṃ sotaviññāṇassa ārammaṇapaccayena paccayo’’ti vutto, bahiddhā ca cittajassa saddassa sambhavo natthi. Atha vā cittajo saddo dhātuparamparāya sotapasādaṃ ghaṭṭeti, na so cittajo saddo, yo paramparāya pavatto. Utujo hi so, tasmā yathuppanno saddo, tattha ṭhitova sotapasādassa āpāthaṃ āgacchatīti niṭṭhamettha gantabbaṃ. Tena vuttaṃ ‘‘asampattagocarameveta’’nti.
ਤਦਾ ਏਕਗ੍ਗਚਿਤ੍ਤਤਂ ਆਪਜ੍ਜਤਿ ਪਰਿਸ੍ਸਯਾਨਂ ਅਭਾવਤੋ। ਨਾਸਚ੍ਛਿਦ੍ਦਸਙ੍ਖਾਤਆਕਾਸਸਨ੍ਨਿਸ੍ਸਯੇ વਤ੍ਤਨਤੋ ਘਾਨਂ ਆਕਾਸਜ੍ਝਾਸਯਂ વੁਤ੍ਤਂ। વਾਤੇਨ વਿਨਾ ਗਨ੍ਧਗਹਣਸ੍ਸ ਅਸਮ੍ਭવਤੋ વਾਤੂਪਨਿਸ੍ਸਯਗਨ੍ਧਗੋਚਰਂ। ਤੇਨਾਹ ‘‘ਤਥਾ ਹੀ’’ਤਿਆਦਿ।
Tadā ekaggacittataṃ āpajjati parissayānaṃ abhāvato. Nāsacchiddasaṅkhātaākāsasannissaye vattanato ghānaṃ ākāsajjhāsayaṃ vuttaṃ. Vātena vinā gandhagahaṇassa asambhavato vātūpanissayagandhagocaraṃ. Tenāha ‘‘tathā hī’’tiādi.
ਗਾਮਤੋ ਲਦ੍ਧਬ੍ਬਂ ਆਹਾਰਂ ਗਾਮਂ, ਤਨ੍ਨਿਨ੍ਨਤਾਯ ਗਾਮਜ੍ਝਾਸਯਤਾ વੁਤ੍ਤਾ। ਤਥਾ ਹਿ ਜੀવਿਤਨਿਮਿਤ੍ਤਂ ਰਸੋ ਜੀવਿਤਂ, ਤਸ੍ਮਿਂ ਨਿਨ੍ਨਤਾਯ ਤਂ ਅવ੍ਹਾਯਤੀਤਿ ਜਿવ੍ਹਾ। ਨ ਸਕ੍ਕਾ ਖੇਲ਼ੇਨ ਅਤੇਮਿਤਸ੍ਸ ਰਸਂ ਜਾਨਿਤੁਂ, ਤਸ੍ਮਾ ਆਪੋਸਨ੍ਨਿਸ੍ਸਿਤਰਸਾਰਮ੍ਮਣਾ ਜਿવ੍ਹਾਤਿ।
Gāmato laddhabbaṃ āhāraṃ gāmaṃ, tanninnatāya gāmajjhāsayatā vuttā. Tathā hi jīvitanimittaṃ raso jīvitaṃ, tasmiṃ ninnatāya taṃ avhāyatīti jivhā. Na sakkā kheḷena atemitassa rasaṃ jānituṃ, tasmā āposannissitarasārammaṇā jivhāti.
ਆਮਕਸੁਸਾਨਤੋ ਬਹਿ। ਉਪਾਦਿਣ੍ਣਕਜ੍ਝਾਸਯੋਤਿ ਉਪਾਦਿਣ੍ਣਕਨਿਨ੍ਨੋ। ਕਾਯਪਸਾਦਸਨ੍ਨਿਸ੍ਸਯਭੂਤਾਯ ਪਥવਿਯਾ ਫੋਟ੍ਠਬ੍ਬਾਰਮ੍ਮਣੇ ਘਟਿਤੇ ਏવ ਤਤ੍ਥ વਿਞ੍ਞਾਣੁਪ੍ਪਤ੍ਤਿ, ਨ ਅਞ੍ਞਥਾਤਿ વੁਤ੍ਤਂ ‘‘ਪਥવੀਸਨ੍ਨਿਸ੍ਸਿਤਫੋਟ੍ਠਬ੍ਬਾਰਮ੍ਮਣੋ’’ਤਿ। ਤਥਾ ਹੀਤਿਆਦਿ ਕਾਯਸ੍ਸ ਉਪਾਦਿਣ੍ਣਕਜ੍ਝਾਸਯਤਾਯ ਸਾਧਕਂ । ਅਜ੍ਝਤ੍ਤਿਕਬਾਹਿਰਾਤਿ ਅਜ੍ਝਤ੍ਤਿਕਾ ਬਾਹਿਰਾ વਾ। ਅਸ੍ਸਾਤਿ ਕਾਯਸ੍ਸ। ਸੁਸਨ੍ਥਤਸ੍ਸਾਤਿਆਦਿ ਤਸ੍ਸ ਪਥવਿਯਾ ਪਚ੍ਚਯਭਾવਦਸ੍ਸਨਂ।
Āmakasusānato bahi. Upādiṇṇakajjhāsayoti upādiṇṇakaninno. Kāyapasādasannissayabhūtāya pathaviyā phoṭṭhabbārammaṇe ghaṭite eva tattha viññāṇuppatti, na aññathāti vuttaṃ ‘‘pathavīsannissitaphoṭṭhabbārammaṇo’’ti. Tathā hītiādi kāyassa upādiṇṇakajjhāsayatāya sādhakaṃ . Ajjhattikabāhirāti ajjhattikā bāhirā vā. Assāti kāyassa. Susanthatassātiādi tassa pathaviyā paccayabhāvadassanaṃ.
ਨਾਨਜ੍ਝਾਸਯੋਤਿ ਨਾਨਾਰਮ੍ਮਣਨਿਨ੍ਨੋ। ਤੇਨ ਮਨਸ੍ਸ ਮਕ੍ਕਟਸ੍ਸ વਿਯ ਅਨવਟ੍ਠਿਤਤਂ ਦਸ੍ਸੇਤਿ। ਤੇਨਾਹ ‘‘ਦਿਟ੍ਠਪੁਬ੍ਬੇਪੀ’’ਤਿਆਦਿ। ਮੂਲਭવਙ੍ਗਗ੍ਗਹਣੇਨ ਪਿਟ੍ਠਿਭવਙ੍ਗਂ ਨਿવਤ੍ਤੇਤਿ। ਅਸ੍ਸਾਤਿ ਮਨਸ੍ਸ। ਏવਂ ਕਿਰਿਯਮਯਂ વਿਞ੍ਞਾਣਂ ਦਟ੍ਠਬ੍ਬਂ। ਨਾਨਤ੍ਤਨ੍ਤਿ ਭੇਦੋ।
Nānajjhāsayoti nānārammaṇaninno. Tena manassa makkaṭassa viya anavaṭṭhitataṃ dasseti. Tenāha ‘‘diṭṭhapubbepī’’tiādi. Mūlabhavaṅgaggahaṇena piṭṭhibhavaṅgaṃ nivatteti. Assāti manassa. Evaṃ kiriyamayaṃ viññāṇaṃ daṭṭhabbaṃ. Nānattanti bhedo.
ਯਥਾਰੁਚਿਪ੍ਪવਤ੍ਤਿਯਾ ਨਿવਾਰਣવਸੇਨ ਬਦ੍ਧਾਨਂ। ਨਿਬ੍ਬਿਸੇવਨਭਾવਨ੍ਤਿ ਲੋਲਤਾਸਙ੍ਖਾਤਪਰਿਪ੍ਫਨ੍ਦਸ੍ਸ ਅਭਾવਂ। ਨਾਕਡ੍ਢਤੀਤਿ ਸવਿਸਯੇ ਰੂਪਾਰਮ੍ਮਣੇ ਚਿਤ੍ਤਸਨ੍ਤਾਨਂ, ਤਂਸਮਙ੍ਗਿਨਂ વਾ ਪੁਗ੍ਗਲਂ ਨਾਕਡ੍ਢਤਿ। ਪੁਬ੍ਬਭਾਗવਿਪਸ੍ਸਨਾવ ਕਥਿਤਾ ਆਯਤਨਮੁਖੇਨ ‘‘ਏવਞ੍ਹਿ વੋ, ਭਿਕ੍ਖવੇ, ਸਿਕ੍ਖਿਤਬ੍ਬ’’ਨ੍ਤਿ વੁਤ੍ਤਤ੍ਤਾ।
Yathārucippavattiyā nivāraṇavasena baddhānaṃ. Nibbisevanabhāvanti lolatāsaṅkhātaparipphandassa abhāvaṃ. Nākaḍḍhatīti savisaye rūpārammaṇe cittasantānaṃ, taṃsamaṅginaṃ vā puggalaṃ nākaḍḍhati. Pubbabhāgavipassanāva kathitā āyatanamukhena ‘‘evañhi vo, bhikkhave, sikkhitabba’’nti vuttattā.
ਛਪ੍ਪਾਣਕੋਪਮਸੁਤ੍ਤવਣ੍ਣਨਾ ਨਿਟ੍ਠਿਤਾ।
Chappāṇakopamasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੧੦. ਛਪ੍ਪਾਣਕੋਪਮਸੁਤ੍ਤਂ • 10. Chappāṇakopamasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧੦. ਛਪ੍ਪਾਣਕੋਪਮਸੁਤ੍ਤવਣ੍ਣਨਾ • 10. Chappāṇakopamasuttavaṇṇanā
