| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၇. ဆဖသ္သာယတနသုတ္တဝဏ္ဏနာ
7. Chaphassāyatanasuttavaṇṇanā
၁၅၃. သဉ္ဇာယတိ ဧတသ္မာတိ သဉ္ဇာတိ, သော ဧဝ သမ္ပယုတ္တဓမ္မော သမောသရတိ ဧတ္ထာတိ သမောသရဏံ, သော ဧဝ အတ္ထော, တေန သဉ္ဇာတိသမောသရဏဋ္ဌေန။ ဘယဘေရဝံ သဒ္ဒန္တိ ဘာယတိ ဧတသ္မာတိ ဘယံ, တဒေဝ ယသ္သ ကသ္သစိ ဘေရဝာဝဟတ္တာ ဘေရဝံ, ဒေဝာဒိသဒ္ဒန္တိ အတ္ထော။ ဝိဂတဝလာဟကေ ဒေဝေ ဥပ္ပာတဝသေန ဥပ္ပဇ္ဇနကသဒ္ဒော ဒေဝဒုန္ဒုဘိ။ အသနိပာတာဒိသဒ္ဒော အသနိပာတသဒ္ဒော။ ဥန္ဒ္ရီယတီတိ ဝိပရိဝတ္တတိ။ လောကော အဓိမုစ္ဆိတောတိ အတိထဒ္ဓကာယော ဝိယ မုစ္ဆံ အာပန္နော။ မာရသ္သာတိ ကိလေသမာရသ္သ။ ဌာနဘူတန္တိ ပဝတ္တိဋ္ဌာနဘူတံ။
153. Sañjāyati etasmāti sañjāti, so eva sampayuttadhammo samosarati etthāti samosaraṇaṃ, so eva attho, tena sañjātisamosaraṇaṭṭhena. Bhayabheravaṃ saddanti bhāyati etasmāti bhayaṃ, tadeva yassa kassaci bheravāvahattā bheravaṃ, devādisaddanti attho. Vigatavalāhake deve uppātavasena uppajjanakasaddo devadundubhi. Asanipātādisaddo asanipātasaddo. Undrīyatīti viparivattati. Loko adhimucchitoti atithaddhakāyo viya mucchaṃ āpanno. Mārassāti kilesamārassa. Ṭhānabhūtanti pavattiṭṭhānabhūtaṃ.
ဆဖသ္သာယတနသုတ္တဝဏ္ဏနာ နိဋ္ဌိတာ။
Chaphassāyatanasuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၇. ဆဖသ္သာယတနသုတ္တံ • 7. Chaphassāyatanasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၇. ဆဖသ္သာယတနသုတ္တဝဏ္ဏနာ • 7. Chaphassāyatanasuttavaṇṇanā
