| Library / Tipiṭaka / ཏིཔིཊཀ • Tipiṭaka / ཝཛིརབུདྡྷི-ཊཱིཀཱ • Vajirabuddhi-ṭīkā |
ཚནྡདཱནཱདིཀཐཱཝཎྞནཱ
Chandadānādikathāvaṇṇanā
༡༦༥-༧. ‘‘ཚནྡཾ དཏྭཱ ཁཎྜསཱིམཾ ཝཱ སཱིམནྟརིཀཾ ཝཱ བཧིསཱིམཾ ཝཱ གནྟྭཱ ཨཱགཏོ བྷིཀྑུ ཀམྨཾ ན ཀོཔེཏི, ཏསྨཱ གམིཀབྷིཀྑཱུནཾ ཚནྡཾ གཎྷིཏྭཱ ཁཎྜསཱིམཾ བནྡྷིཏྭཱ པུན ཝིཧཱརསཱིམཾ བནྡྷིཏུཾ ཏེསཾ ཚནྡཾ ན གཎྷནྟཱི’’ཏི ཝདནྟི། ‘‘མུཧུཏྟཾ ཨེཀམནྟཾ ཧོཐཱ’’ཏིཨཱདིཝཙནཏོ ཡཾ ཀིཉྩི བྷིཀྑུཀམྨཾ གཧཊྛཱདཱིསུ ཧཏྠཔཱསགཏེསུ ན ཝཊྚཏཱིཏི སིདྡྷཾ། ནིསྶཱིམནྟི བཧིསཱིམཾ། ཏསྶ སམྨུཏིདཱནཀིཙྩཾ ནཏྠཱིཏི ཏསྨིཾ སཏིཔི ཝཊྚཏཱིཏི ཨཏྠོ། ཨཱསནེན སཧ ཨུདཀནྟི ཨཏྠོ། པནྣརསོཔཱིཏི ཨཔི-སདྡོ ཙཱཏུདྡསིཾ སམྤིཎྜེཏི, ཏེན ཝུཏྟཾ མཧཱཨཊྛཀཐཱཡཾ ‘‘ཡདི ནོ ཨེཏ’’ནྟི། ‘‘ཨཛྫ མེ ཨུཔོསཐོ པནྣརསོ’’ཏི ཨདྷིཊྛཱནཾ སདཱ ན ཀིཉྩི, ན ཨཉྙཐཱཏི ཨེཀེ།
165-7. ‘‘Chandaṃ datvā khaṇḍasīmaṃ vā sīmantarikaṃ vā bahisīmaṃ vā gantvā āgato bhikkhu kammaṃ na kopeti, tasmā gamikabhikkhūnaṃ chandaṃ gaṇhitvā khaṇḍasīmaṃ bandhitvā puna vihārasīmaṃ bandhituṃ tesaṃ chandaṃ na gaṇhantī’’ti vadanti. ‘‘Muhuttaṃ ekamantaṃ hothā’’tiādivacanato yaṃ kiñci bhikkhukammaṃ gahaṭṭhādīsu hatthapāsagatesu na vaṭṭatīti siddhaṃ. Nissīmanti bahisīmaṃ. Tassa sammutidānakiccaṃ natthīti tasmiṃ satipi vaṭṭatīti attho. Āsanena saha udakanti attho. Pannarasopīti api-saddo cātuddasiṃ sampiṇḍeti, tena vuttaṃ mahāaṭṭhakathāyaṃ ‘‘yadi no eta’’nti. ‘‘Ajja me uposatho pannaraso’’ti adhiṭṭhānaṃ sadā na kiñci, na aññathāti eke.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / མཧཱཝགྒཔཱལི༹ • Mahāvaggapāḷi
༨༨. ཚནྡདཱནཀཐཱ • 88. Chandadānakathā
༨༩. ཉཱཏཀཱདིགྒཧཎཀཐཱ • 89. Ñātakādiggahaṇakathā
༩༠. ཨུམྨཏྟཀསམྨུཏི • 90. Ummattakasammuti
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / མཧཱཝགྒ-ཨཊྛཀཐཱ • Mahāvagga-aṭṭhakathā / ཚནྡདཱནཀཐཱ • Chandadānakathā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / ཚནྡདཱནཀཐཱཝཎྞནཱ • Chandadānakathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / ཚནྡདཱནཀཐཱདིཝཎྞནཱ • Chandadānakathādivaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༨༨. ཚནྡདཱནཀཐཱ • 88. Chandadānakathā
