| Library / Tipiṭaka / តិបិដក • Tipiṭaka / បដិសម្ភិទាមគ្គបាឡិ • Paṭisambhidāmaggapāḷi |
៩. ឆពុទ្ធធម្មវារោ
9. Chabuddhadhammavāro
៣៨. ‘‘‘យាវតា ឥន្ទ្រិយបរោបរិយត្តេ ញាណំ, ញាតំ ទិដ្ឋំ វិទិតំ សច្ឆិកតំ ផស្សិតំ បញ្ញាយ។ អផស្សិតំ បញ្ញាយ ឥន្ទ្រិយបរោបរិយត្តេ ញាណំ នត្ថី’តិ – ចក្ខុំ ឧទបាទិ…បេ.… អាលោកោ ឧទបាទិ’’។ ឥន្ទ្រិយបរោបរិយត្តេ ញាណេ បញ្ចវីសតិ ធម្មា, បញ្ចវីសតិ អត្ថា, បញ្ញាស និរុត្តិយោ, សតំ ញាណានិ។
38. ‘‘‘Yāvatā indriyaparopariyatte ñāṇaṃ, ñātaṃ diṭṭhaṃ viditaṃ sacchikataṃ phassitaṃ paññāya. Aphassitaṃ paññāya indriyaparopariyatte ñāṇaṃ natthī’ti – cakkhuṃ udapādi…pe… āloko udapādi’’. Indriyaparopariyatte ñāṇe pañcavīsati dhammā, pañcavīsati atthā, paññāsa niruttiyo, sataṃ ñāṇāni.
‘‘‘យាវតា សត្តានំ អាសយានុសយេ ញាណំ…បេ.… យាវតា យមកបាដិហីរេ ញាណំ …បេ.… យាវតា មហាករុណាសមាបត្តិយា ញាណំ…បេ.… យាវតា សព្ពញ្ញុតញ្ញាណំ…បេ.… យាវតា អនាវរណំ ញាណំ, ញាតំ ទិដ្ឋំ វិទិតំ សច្ឆិកតំ ផស្សិតំ បញ្ញាយ។ អផស្សិតំ បញ្ញាយ អនាវរណំ ញាណំ នត្ថី’តិ – ចក្ខុំ ឧទបាទិ, ញាណំ ឧទបាទិ, បញ្ញា ឧទបាទិ , វិជ្ជា ឧទបាទិ, អាលោកោ ឧទបាទិ’’។ អនាវរណេ ញាណេ បញ្ចវីសតិ ធម្មា, បញ្ចវីសតិ អត្ថា, បញ្ញាស និរុត្តិយោ, សតំ ញាណានិ។
‘‘‘Yāvatā sattānaṃ āsayānusaye ñāṇaṃ…pe… yāvatā yamakapāṭihīre ñāṇaṃ …pe… yāvatā mahākaruṇāsamāpattiyā ñāṇaṃ…pe… yāvatā sabbaññutaññāṇaṃ…pe… yāvatā anāvaraṇaṃ ñāṇaṃ, ñātaṃ diṭṭhaṃ viditaṃ sacchikataṃ phassitaṃ paññāya. Aphassitaṃ paññāya anāvaraṇaṃ ñāṇaṃ natthī’ti – cakkhuṃ udapādi, ñāṇaṃ udapādi, paññā udapādi , vijjā udapādi, āloko udapādi’’. Anāvaraṇe ñāṇe pañcavīsati dhammā, pañcavīsati atthā, paññāsa niruttiyo, sataṃ ñāṇāni.
ឆសុ ពុទ្ធធម្មេសុ ទិយឌ្ឍសតំ ធម្មា, ទិយឌ្ឍសតំ អត្ថា, តីណិ និរុត្តិសតានិ, ឆ ញាណសតានិ។
Chasu buddhadhammesu diyaḍḍhasataṃ dhammā, diyaḍḍhasataṃ atthā, tīṇi niruttisatāni, cha ñāṇasatāni.
បដិសម្ភិទាកថា និដ្ឋិតា។
Paṭisambhidākathā niṭṭhitā.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / បដិសម្ភិទាមគ្គ-អដ្ឋកថា • Paṭisambhidāmagga-aṭṭhakathā / ៩. ឆពុទ្ធធម្មវារវណ្ណនា • 9. Chabuddhadhammavāravaṇṇanā
