| Library / Tipiṭaka / ತಿಪಿಟಕ • Tipiṭaka / ವಿನಯವಿನಿಚ್ಛಯ-ಟೀಕಾ • Vinayavinicchaya-ṭīkā |
ಚತುವಿಪತ್ತಿಕಥಾವಣ್ಣನಾ
Catuvipattikathāvaṇṇanā
೨೭೩. ಇದಾನಿ ಉಭಯಸಾಧಾರಣಂ ಕತ್ವಾ ವಿಪತ್ತಿವಾರಾದೀನಂ ವಿಸಿಟ್ಠವಾರಾನಂ ಸಙ್ಗಹಂ ಕಾತುಮಾಹ ‘‘ಕತಿ ಆಪತ್ತಿಯೋ’’ತಿಆದಿ।
273. Idāni ubhayasādhāraṇaṃ katvā vipattivārādīnaṃ visiṭṭhavārānaṃ saṅgahaṃ kātumāha ‘‘kati āpattiyo’’tiādi.
೨೭೪. ಭಿಕ್ಖುನೀ ಸಚೇ ಛಾದೇತಿ, ಚುತಾ ಹೋತಿ। ಸಚೇ ವೇಮತಿಕಾ ಛಾದೇತಿ, ಥುಲ್ಲಚ್ಚಯಂ ಸಿಯಾತಿ ಯೋಜನಾ।
274. Bhikkhunī sace chādeti, cutā hoti. Sace vematikā chādeti, thullaccayaṃ siyāti yojanā.
೨೭೫. ಸಙ್ಘಾದಿಸೇಸನ್ತಿ ಪರಸ್ಸ ಸಙ್ಘಾದಿಸೇಸಂ।
275.Saṅghādisesanti parassa saṅghādisesaṃ.
೨೭೬. ‘‘ಕತಿ ಆಚಾರವಿಪತ್ತಿಪಚ್ಚಯಾ’’ತಿ ಪದಚ್ಛೇದೋ।
276. ‘‘Kati ācāravipattipaccayā’’ti padacchedo.
೨೭೭. ಆಚಾರವಿಪತ್ತಿನ್ತಿ ಅತ್ತನೋ ವಾ ಪರಸ್ಸ ವಾ ಆಚಾರವಿಪತ್ತಿಂ।
277.Ācāravipattinti attano vā parassa vā ācāravipattiṃ.
೨೭೯. ಪಾಪಿಕಂ ದಿಟ್ಠಿನ್ತಿ ಅಹೇತುಕಅಕಿರಿಯನತ್ಥಿಕದಿಟ್ಠಿಆದಿಂ ಲಾಮಿಕಂ ದಿಟ್ಠಿಂ।
279.Pāpikaṃ diṭṭhinti ahetukaakiriyanatthikadiṭṭhiādiṃ lāmikaṃ diṭṭhiṃ.
೨೮೧. ಮನುಸ್ಸುತ್ತರಿಧಮ್ಮನ್ತಿ ಉತ್ತರಿಮನುಸ್ಸಧಮ್ಮಂ।
281.Manussuttaridhammanti uttarimanussadhammaṃ.
೨೮೨. ಆಜೀವಹೇತು ಸಞ್ಚರಿತ್ತಂ ಸಮಾಪನ್ನೋತಿ ಯೋಜನಾ। ಪರಿಯಾಯವಚನೇತಿ ‘‘ಯೋ ತೇ ವಿಹಾರೇ ವಸತಿ, ಸೋ ಭಿಕ್ಖು ಅರಹಾ’’ತಿಆದಿಕೇ ಲೇಸವಚನೇ। ಞಾತೇತಿ ಯಂ ಉದ್ದಿಸ್ಸ ವದತಿ, ತಸ್ಮಿಂ ಮನುಸ್ಸಜಾತಿಕೇ ವಚನಸಮನನ್ತರಮೇವ ಞಾತೇ।
282. Ājīvahetu sañcarittaṃ samāpannoti yojanā. Pariyāyavacaneti ‘‘yo te vihāre vasati, so bhikkhu arahā’’tiādike lesavacane. Ñāteti yaṃ uddissa vadati, tasmiṃ manussajātike vacanasamanantarameva ñāte.
೨೮೩. ವತ್ವಾತಿ ಅಗಿಲಾನೋ ಅತ್ತನೋ ಅತ್ಥಾಯ ವಿಞ್ಞಾಪೇತ್ವಾ। ಭಿಕ್ಖುನೀ ಪನ ಸಚೇ ಏವಂ ಹೋತಿ, ಭಿಕ್ಖುನೀ ಅಗಿಲಾನಾ ಅತ್ತನೋ ಅತ್ಥಾಯ ಪಣೀತಭೋಜನಂ ವಿಞ್ಞಾಪೇತ್ವಾ ಭುತ್ತಾವಿನೀ ಸಚೇ ಹೋತೀತಿ ಅಧಿಪ್ಪಾಯೋ। ತಸ್ಸಾ ಪಾಟಿದೇಸನೀಯಂ ಸಿಯಾತಿ ಯೋಜನಾ।
283.Vatvāti agilāno attano atthāya viññāpetvā. Bhikkhunī pana sace evaṃ hoti, bhikkhunī agilānā attano atthāya paṇītabhojanaṃ viññāpetvā bhuttāvinī sace hotīti adhippāyo. Tassā pāṭidesanīyaṃ siyāti yojanā.
೨೮೪. ‘‘ಅತ್ತನೋ ಅತ್ಥಾಯ ವಿಞ್ಞಾಪೇತ್ವಾನಾ’’ತಿ ಇಮಿನಾ ಪರಸ್ಸ ಞಾತಕಪವಾರಿತೇ ತಸ್ಸೇವತ್ಥಾಯ ವಿಞ್ಞಾಪೇತ್ವಾ ತೇನ ದಿನ್ನಂ ವಾ ತಸ್ಸ ವಿಸ್ಸಾಸೇನ ವಾ ಪರಿಭುಞ್ಜನ್ತಸ್ಸ ತೇಸಂ ಅತ್ತನೋ ಅಞ್ಞಾತಕಅಪ್ಪವಾರಿತೇ ಸುದ್ಧಚಿತ್ತತಾಯ ಅನಾಪತ್ತೀತಿ ದೀಪೇತಿ।
284.‘‘Attano atthāya viññāpetvānā’’ti iminā parassa ñātakapavārite tassevatthāya viññāpetvā tena dinnaṃ vā tassa vissāsena vā paribhuñjantassa tesaṃ attano aññātakaappavārite suddhacittatāya anāpattīti dīpeti.
ಇತಿ ಉತ್ತರೇ ಲೀನತ್ಥಪಕಾಸನಿಯಾ
Iti uttare līnatthapakāsaniyā
ಚತುವಿಪತ್ತಿಕಥಾವಣ್ಣನಾ ನಿಟ್ಠಿತಾ।
Catuvipattikathāvaṇṇanā niṭṭhitā.
