| Library / Tipiṭaka / ತಿಪಿಟಕ • Tipiṭaka / ವಿನಯವಿನಿಚ್ಛಯ-ಟೀಕಾ • Vinayavinicchaya-ṭīkā |
ಅಧಿಕರಣಪಚ್ಚಯಕಥಾವಣ್ಣನಾ
Adhikaraṇapaccayakathāvaṇṇanā
೨೮೫. ವಿವಾದಾಧಿಕರಣಮ್ಹಾತಿ ‘‘ಅಧಮ್ಮಂ ‘ಧಮ್ಮೋ’ತಿ ದೀಪೇತೀ’’ತಿಆದಿನಯಪ್ಪವತ್ತಾ ಅಟ್ಠಾರಸಭೇದಕರವತ್ಥುನಿಸ್ಸಿತಾ ವಿವಾದಾಧಿಕರಣಮ್ಹಾ।
285.Vivādādhikaraṇamhāti ‘‘adhammaṃ ‘dhammo’ti dīpetī’’tiādinayappavattā aṭṭhārasabhedakaravatthunissitā vivādādhikaraṇamhā.
೨೮೬. ಉಪಸಮ್ಪನ್ನಂ ಓಮಸತೋ ಭಿಕ್ಖುಸ್ಸ ಪಾಚಿತ್ತಿ ಹೋತೀತಿ ಯೋಜನಾ।
286. Upasampannaṃ omasato bhikkhussa pācitti hotīti yojanā.
೨೮೭. ಅನುವಾದಾಧಿಕರಣಪಚ್ಚಯಾತಿ ಚೋದನಾಪರನಾಮಧೇಯ್ಯಂ ಅನುವಾದಾಧಿಕರಣಮೇವ ಪಚ್ಚಯೋ, ತಸ್ಮಾ, ಅನುವಾದನಾಧಿಕರಣಹೇತೂತಿ ಅತ್ಥೋ।
287.Anuvādādhikaraṇapaccayāti codanāparanāmadheyyaṃ anuvādādhikaraṇameva paccayo, tasmā, anuvādanādhikaraṇahetūti attho.
೨೮೯. ‘‘ತಥಾ’’ತಿ ಇಮಿನಾ ಅಮೂಲಕತ್ತಂ ಅತಿದಿಸತಿ।
289.‘‘Tathā’’ti iminā amūlakattaṃ atidisati.
೨೯೦. ಆಪತ್ತಿಪಚ್ಚಯಾತಿ ಆಪತ್ತಾಧಿಕರಣಪಚ್ಚಯಾ।
290.Āpattipaccayāti āpattādhikaraṇapaccayā.
೨೯೩. ಕಿಚ್ಚಾಧಿಕರಣಪಚ್ಚಯಾತಿ ಅಪಲೋಕನಾದಿಚತುಬ್ಬಿಧಕಮ್ಮಸಙ್ಖಾತಕಿಚ್ಚಾಧಿಕರಣಹೇತು।
293.Kiccādhikaraṇapaccayāti apalokanādicatubbidhakammasaṅkhātakiccādhikaraṇahetu.
೨೯೪. ಅಚ್ಚಜನ್ತೀವಾತಿ ಅತ್ತನೋ ಲದ್ಧಿಂ ಅಪರಿಚ್ಚಜನ್ತೀ ಏವ।
294.Accajantīvāti attano laddhiṃ apariccajantī eva.
೨೯೭. ಪಾಪಿಕಾಯ ದಿಟ್ಠಿಯಾ ಪರಿಚ್ಚಜನತ್ಥಾಯ ಕತಾಯ ಯಾವತತಿಯಕಂ ಸಮನುಭಾಸನಾಯ ತಂ ದಿಟ್ಠಿಂ ಅಚ್ಚಜನ್ತಿಯಾ ತಸ್ಸಾ ಭಿಕ್ಖುನಿಯಾ, ತಸ್ಸ ಭಿಕ್ಖುಸ್ಸ ಚ ಅಚ್ಚಜತೋ ಪಾಚಿತ್ತಿ ಹೋತೀತಿ ಯೋಜನಾ।
297.Pāpikāya diṭṭhiyā pariccajanatthāya katāya yāvatatiyakaṃ samanubhāsanāya taṃ diṭṭhiṃ accajantiyā tassā bhikkhuniyā, tassa bhikkhussa ca accajato pācitti hotīti yojanā.
ಇತಿ ಉತ್ತರೇ ಲೀನತ್ಥಪಕಾಸನಿಯಾ
Iti uttare līnatthapakāsaniyā
ಅಧಿಕರಣಪಚ್ಚಯಕಥಾವಣ್ಣನಾ ನಿಟ್ಠಿತಾ।
Adhikaraṇapaccayakathāvaṇṇanā niṭṭhitā.
