| Library / Tipiṭaka / திபிடக • Tipiṭaka / வினயவினிச்ச²ய-டீகா • Vinayavinicchaya-ṭīkā |
சதுவிபத்திகதா²வண்ணனா
Catuvipattikathāvaṇṇanā
273. இதா³னி உப⁴யஸாதா⁴ரணங் கத்வா விபத்திவாராதீ³னங் விஸிட்ட²வாரானங் ஸங்க³ஹங் காதுமாஹ ‘‘கதி ஆபத்தியோ’’திஆதி³.
273. Idāni ubhayasādhāraṇaṃ katvā vipattivārādīnaṃ visiṭṭhavārānaṃ saṅgahaṃ kātumāha ‘‘kati āpattiyo’’tiādi.
274. பி⁴க்கு²னீ ஸசே சா²தே³தி, சுதா ஹோதி. ஸசே வேமதிகா சா²தே³தி, து²ல்லச்சயங் ஸியாதி யோஜனா.
274. Bhikkhunī sace chādeti, cutā hoti. Sace vematikā chādeti, thullaccayaṃ siyāti yojanā.
275. ஸங்கா⁴தி³ஸேஸந்தி பரஸ்ஸ ஸங்கா⁴தி³ஸேஸங்.
275.Saṅghādisesanti parassa saṅghādisesaṃ.
276. ‘‘கதி ஆசாரவிபத்திபச்சயா’’தி பத³ச்சே²தோ³.
276. ‘‘Kati ācāravipattipaccayā’’ti padacchedo.
277. ஆசாரவிபத்திந்தி அத்தனோ வா பரஸ்ஸ வா ஆசாரவிபத்திங்.
277.Ācāravipattinti attano vā parassa vā ācāravipattiṃ.
279. பாபிகங் தி³ட்டி²ந்தி அஹேதுகஅகிரியனத்தி²கதி³ட்டி²ஆதி³ங் லாமிகங் தி³ட்டி²ங்.
279.Pāpikaṃ diṭṭhinti ahetukaakiriyanatthikadiṭṭhiādiṃ lāmikaṃ diṭṭhiṃ.
281. மனுஸ்ஸுத்தரித⁴ம்மந்தி உத்தரிமனுஸ்ஸத⁴ம்மங்.
281.Manussuttaridhammanti uttarimanussadhammaṃ.
282. ஆஜீவஹேது ஸஞ்சரித்தங் ஸமாபன்னோதி யோஜனா. பரியாயவசனேதி ‘‘யோ தே விஹாரே வஸதி, ஸோ பி⁴க்கு² அரஹா’’திஆதி³கே லேஸவசனே. ஞாதேதி யங் உத்³தி³ஸ்ஸ வத³தி, தஸ்மிங் மனுஸ்ஸஜாதிகே வசனஸமனந்தரமேவ ஞாதே.
282. Ājīvahetu sañcarittaṃ samāpannoti yojanā. Pariyāyavacaneti ‘‘yo te vihāre vasati, so bhikkhu arahā’’tiādike lesavacane. Ñāteti yaṃ uddissa vadati, tasmiṃ manussajātike vacanasamanantarameva ñāte.
283. வத்வாதி அகி³லானோ அத்தனோ அத்தா²ய விஞ்ஞாபெத்வா. பி⁴க்கு²னீ பன ஸசே ஏவங் ஹோதி, பி⁴க்கு²னீ அகி³லானா அத்தனோ அத்தா²ய பணீதபோ⁴ஜனங் விஞ்ஞாபெத்வா பு⁴த்தாவினீ ஸசே ஹோதீதி அதி⁴ப்பாயோ. தஸ்ஸா பாடிதே³ஸனீயங் ஸியாதி யோஜனா.
283.Vatvāti agilāno attano atthāya viññāpetvā. Bhikkhunī pana sace evaṃ hoti, bhikkhunī agilānā attano atthāya paṇītabhojanaṃ viññāpetvā bhuttāvinī sace hotīti adhippāyo. Tassā pāṭidesanīyaṃ siyāti yojanā.
284. ‘‘அத்தனோ அத்தா²ய விஞ்ஞாபெத்வானா’’தி இமினா பரஸ்ஸ ஞாதகபவாரிதே தஸ்ஸேவத்தா²ய விஞ்ஞாபெத்வா தேன தி³ன்னங் வா தஸ்ஸ விஸ்ஸாஸேன வா பரிபு⁴ஞ்ஜந்தஸ்ஸ தேஸங் அத்தனோ அஞ்ஞாதகஅப்பவாரிதே ஸுத்³த⁴சித்ததாய அனாபத்தீதி தீ³பேதி.
284.‘‘Attano atthāya viññāpetvānā’’ti iminā parassa ñātakapavārite tassevatthāya viññāpetvā tena dinnaṃ vā tassa vissāsena vā paribhuñjantassa tesaṃ attano aññātakaappavārite suddhacittatāya anāpattīti dīpeti.
இதி உத்தரே லீனத்த²பகாஸனியா
Iti uttare līnatthapakāsaniyā
சதுவிபத்திகதா²வண்ணனா நிட்டி²தா.
Catuvipattikathāvaṇṇanā niṭṭhitā.
