| Library / Tipiṭaka / திபிடக • Tipiṭaka / வினயவினிச்ச²ய-டீகா • Vinayavinicchaya-ṭīkā |
அதி⁴கரணபச்சயகதா²வண்ணனா
Adhikaraṇapaccayakathāvaṇṇanā
285. விவாதா³தி⁴கரணம்ஹாதி ‘‘அத⁴ம்மங் ‘த⁴ம்மோ’தி தீ³பேதீ’’திஆதி³னயப்பவத்தா அட்டா²ரஸபே⁴த³கரவத்து²னிஸ்ஸிதா விவாதா³தி⁴கரணம்ஹா.
285.Vivādādhikaraṇamhāti ‘‘adhammaṃ ‘dhammo’ti dīpetī’’tiādinayappavattā aṭṭhārasabhedakaravatthunissitā vivādādhikaraṇamhā.
286. உபஸம்பன்னங் ஓமஸதோ பி⁴க்கு²ஸ்ஸ பாசித்தி ஹோதீதி யோஜனா.
286. Upasampannaṃ omasato bhikkhussa pācitti hotīti yojanā.
287. அனுவாதா³தி⁴கரணபச்சயாதி சோத³னாபரனாமதெ⁴ய்யங் அனுவாதா³தி⁴கரணமேவ பச்சயோ, தஸ்மா, அனுவாத³னாதி⁴கரணஹேதூதி அத்தோ².
287.Anuvādādhikaraṇapaccayāti codanāparanāmadheyyaṃ anuvādādhikaraṇameva paccayo, tasmā, anuvādanādhikaraṇahetūti attho.
289. ‘‘ததா²’’தி இமினா அமூலகத்தங் அதிதி³ஸதி.
289.‘‘Tathā’’ti iminā amūlakattaṃ atidisati.
290. ஆபத்திபச்சயாதி ஆபத்தாதி⁴கரணபச்சயா.
290.Āpattipaccayāti āpattādhikaraṇapaccayā.
293. கிச்சாதி⁴கரணபச்சயாதி அபலோகனாதி³சதுப்³பி³த⁴கம்மஸங்கா²தகிச்சாதி⁴கரணஹேது.
293.Kiccādhikaraṇapaccayāti apalokanādicatubbidhakammasaṅkhātakiccādhikaraṇahetu.
294. அச்சஜந்தீவாதி அத்தனோ லத்³தி⁴ங் அபரிச்சஜந்தீ ஏவ.
294.Accajantīvāti attano laddhiṃ apariccajantī eva.
297. பாபிகாய தி³ட்டி²யா பரிச்சஜனத்தா²ய கதாய யாவததியகங் ஸமனுபா⁴ஸனாய தங் தி³ட்டி²ங் அச்சஜந்தியா தஸ்ஸா பி⁴க்கு²னியா, தஸ்ஸ பி⁴க்கு²ஸ்ஸ ச அச்சஜதோ பாசித்தி ஹோதீதி யோஜனா.
297.Pāpikāya diṭṭhiyā pariccajanatthāya katāya yāvatatiyakaṃ samanubhāsanāya taṃ diṭṭhiṃ accajantiyā tassā bhikkhuniyā, tassa bhikkhussa ca accajato pācitti hotīti yojanā.
இதி உத்தரே லீனத்த²பகாஸனியா
Iti uttare līnatthapakāsaniyā
அதி⁴கரணபச்சயகதா²வண்ணனா நிட்டி²தா.
Adhikaraṇapaccayakathāvaṇṇanā niṭṭhitā.
