| Library / Tipiṭaka / д̇ибидага • Tipiṭaka / винаяавинижчаяа-уд̇д̇аравинижчаяа • Vinayavinicchaya-uttaravinicchaya |
жад̇увибад̇д̇игат̇аа
Catuvipattikathā
273.
273.
гад̇и аабад̇д̇ияо сийла-вибад̇д̇ибажжаяаа бана;
Kati āpattiyo sīla-vipattipaccayā pana;
жад̇ассова сияум̣ сийла-вибад̇д̇ибажжаяаа бана.
Catassova siyuṃ sīla-vipattipaccayā pana.
274.
274.
ж̇аанам̣ баарааж̇игам̣ д̇хаммам̣, сажз чаад̣̇зд̇и бхигкуний;
Jānaṃ pārājikaṃ dhammaṃ, sace chādeti bhikkhunī;
жуд̇аа, т̇уллажжаяам̣ ход̇и, сажз взмад̇игаа сияаа.
Cutā, thullaccayaṃ hoti, sace vematikā siyā.
275.
275.
баажид̇д̇и бхигку сан̇гхаад̣̇и-сзсам̣ чаад̣̇зд̇и жз бана;
Pācitti bhikkhu saṅghādi-sesaṃ chādeti ce pana;
ад̇д̇ано бана д̣̇удтуллам̣, чаад̣̇знд̇о д̣̇уггадам̣ пусз.
Attano pana duṭṭhullaṃ, chādento dukkaṭaṃ phuse.
276.
276.
аабад̇д̇ияо гад̇аажаара-вибад̇д̇ибажжаяаа бана;
Āpattiyo katācāra-vipattipaccayā pana;
згааязва сияаажаара-вибад̇д̇ибажжаяаа бана.
Ekāyeva siyācāra-vipattipaccayā pana.
277.
277.
бадижчаад̣̇зд̇и аажаара-вибад̇д̇им̣ бана бхигку жз;
Paṭicchādeti ācāra-vipattiṃ pana bhikkhu ce;
згамзвасса бхигкусса, ход̇и аабад̇д̇и д̣̇уггадам̣.
Ekamevassa bhikkhussa, hoti āpatti dukkaṭaṃ.
278.
278.
гад̇и аабад̇д̇ияо д̣̇идти-вибад̇д̇ибажжаяаа бана?
Kati āpattiyo diṭṭhi-vipattipaccayā pana?
д̣̇вз банаабад̇д̇ияо д̣̇идти-вибад̇д̇ибажжаяаа сияум̣.
Dve panāpattiyo diṭṭhi-vipattipaccayā siyuṃ.
279.
279.
ажжаж̇ам̣ баабигам̣ д̣̇идтим̣, н̃ад̇д̇ияаа д̣̇уггадам̣ пусз;
Accajaṃ pāpikaṃ diṭṭhiṃ, ñattiyā dukkaṭaṃ phuse;
гаммаваажааяа осаанз, баажид̇д̇и барияаабуд̇аа.
Kammavācāya osāne, pācitti pariyāputā.
280.
280.
аабад̇д̇ияо гад̇ааж̇ийва-вибад̇д̇ибажжаяаа бана?
Āpattiyo katājīva-vipattipaccayā pana?
чал̣зваабаж̇ж̇ад̇ааж̇ийва-вибад̇д̇ибажжаяаа бана.
Chaḷevāpajjatājīva-vipattipaccayā pana.
281.
281.
ааж̇ийвахзд̇у баабижчо, асанд̇ам̣ бана ад̇д̇ани;
Ājīvahetu pāpiccho, asantaṃ pana attani;
мануссуд̇д̇арид̇хаммам̣ д̇у, вад̣̇ам̣ баарааж̇игам̣ пусз.
Manussuttaridhammaṃ tu, vadaṃ pārājikaṃ phuse.
282.
282.
сан̃жарид̇д̇ам̣ самаабанно, ход̇и сан̇гхаад̣̇исзсад̇аа;
Sañcarittaṃ samāpanno, hoti saṅghādisesatā;
барияааяаважанз н̃аад̇з, д̇асса т̇уллажжаяам̣ сияаа.
Pariyāyavacane ñāte, tassa thullaccayaṃ siyā.
283.
283.
бан̣ийд̇абхож̇анам̣ вад̇ваа, баажид̇д̇и барибхун̃ж̇ад̇о;
Paṇītabhojanaṃ vatvā, pācitti paribhuñjato;
бхигкуний д̇у сажз ход̇и, баадид̣̇зсанияам̣ сияаа.
Bhikkhunī tu sace hoti, pāṭidesaniyaṃ siyā.
284.
284.
ааж̇ийвахзд̇у суубам̣ ваа, од̣̇анам̣ ваа банад̇д̇ано;
Ājīvahetu sūpaṃ vā, odanaṃ vā panattano;
ад̇т̇ааяа вин̃н̃аабзд̇ваана, д̣̇уггадам̣ барибхун̃ж̇ад̇о.
Atthāya viññāpetvāna, dukkaṭaṃ paribhuñjato.
жад̇увибад̇д̇игат̇аа.
Catuvipattikathā.
