| Library / Tipiṭaka / តិបិដក • Tipiṭaka / ភិក្ខុនីវិភង្គ-អដ្ឋកថា • Bhikkhunīvibhaṅga-aṭṭhakathā |
៤. ចតុត្ថសិក្ខាបទវណ្ណនា
4. Catutthasikkhāpadavaṇṇanā
៨០៦. ចតុត្ថេ – បុរាណរាជោរោធាតិ បុរាណេ គិហិភាវេ រញ្ញោ ឱរោធា។ ចិរាចិរំ គច្ឆតីតិ ចិរេន ចិរេន គច្ឆតិ។ ធារេថាតិ សក្កោថ។ កស្សិទំ កម្មន្តិ វុត្តេ អនារោចិតេបិ ឯតា មយិ អាសង្កំ ករិស្សន្តីតិ មញ្ញមានា ឯវមាហ – ‘‘មយ្ហិទំ កម្ម’’ន្តិ។
806. Catutthe – purāṇarājorodhāti purāṇe gihibhāve rañño orodhā. Cirāciraṃ gacchatīti cirena cirena gacchati. Dhārethāti sakkotha. Kassidaṃ kammanti vutte anārocitepi etā mayi āsaṅkaṃ karissantīti maññamānā evamāha – ‘‘mayhidaṃ kamma’’nti.
៨០៧. ជតុមដ្ឋកេតិ ជតុនា កតេ មដ្ឋទណ្ឌកេ។ វត្ថុវសេនេវេតំ វុត្តំ, យំកិញ្ចិ បន ទណ្ឌកំ បវេសេន្តិយា អាបត្តិយេវ។ តេនាហ – ‘‘អន្តមសោ ឧប្បលបត្តម្បិ មុត្តករណំ បវេសេតី’’តិ។ ឯតម្បិ ច អតិមហន្តំ, កេសរមត្តម្បិ បន បវេសេន្តិយា អាបត្តិ ឯវ។ សេសំ ឧត្តានមេវ។ សមុដ្ឋានាទីនិ តលឃាតកេ វុត្តសទិសានេវាតិ។
807.Jatumaṭṭhaketi jatunā kate maṭṭhadaṇḍake. Vatthuvasenevetaṃ vuttaṃ, yaṃkiñci pana daṇḍakaṃ pavesentiyā āpattiyeva. Tenāha – ‘‘antamaso uppalapattampi muttakaraṇaṃ pavesetī’’ti. Etampi ca atimahantaṃ, kesaramattampi pana pavesentiyā āpatti eva. Sesaṃ uttānameva. Samuṭṭhānādīni talaghātake vuttasadisānevāti.
ចតុត្ថសិក្ខាបទំ។
Catutthasikkhāpadaṃ.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / ភិក្ខុនីវិភង្គ • Bhikkhunīvibhaṅga / ៤. ចតុត្ថសិក្ខាបទំ • 4. Catutthasikkhāpadaṃ
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / ២. ទុតិយសិក្ខាបទវណ្ណនា • 2. Dutiyasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / ១. បឋមលសុណាទិសិក្ខាបទវណ្ណនា • 1. Paṭhamalasuṇādisikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi / ៤. ចតុត្ថសិក្ខាបទំ • 4. Catutthasikkhāpadaṃ
