| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੧੦. ਚਤੁਤ੍ਥਰੁਕ੍ਖਸੁਤ੍ਤਂ
10. Catuttharukkhasuttaṃ
੫੪੦. ‘‘ਸੇਯ੍ਯਥਾਪਿ, ਭਿਕ੍ਖવੇ, ਯੇ ਕੇਚਿ ਸੁਪਣ੍ਣਾਨਂ ਰੁਕ੍ਖਾ, ਕੂਟਸਿਮ੍ਬਲੀ 1 ਤੇਸਂ ਅਗ੍ਗਮਕ੍ਖਾਯਤਿ; ਏવਮੇવ ਖੋ, ਭਿਕ੍ਖવੇ, ਯੇ ਕੇਚਿ ਬੋਧਿਪਕ੍ਖਿਯਾ ਧਮ੍ਮਾ, ਪਞ੍ਞਿਨ੍ਦ੍ਰਿਯਂ ਤੇਸਂ ਅਗ੍ਗਮਕ੍ਖਾਯਤਿ, ਯਦਿਦਂ – ਬੋਧਾਯ। ਕਤਮੇ ਚ, ਭਿਕ੍ਖવੇ, ਬੋਧਿਪਕ੍ਖਿਯਾ ਧਮ੍ਮਾ? ਸਦ੍ਧਿਨ੍ਦ੍ਰਿਯਂ, ਭਿਕ੍ਖવੇ, ਬੋਧਿਪਕ੍ਖਿਯੋ ਧਮ੍ਮੋ, ਤਂ ਬੋਧਾਯ ਸਂવਤ੍ਤਤਿ…ਪੇ॰… ਪਞ੍ਞਿਨ੍ਦ੍ਰਿਯਂ ਬੋਧਿਪਕ੍ਖਿਯੋ ਧਮ੍ਮੋ, ਤਂ ਬੋਧਾਯ ਸਂવਤ੍ਤਤਿ। ਸੇਯ੍ਯਥਾਪਿ, ਭਿਕ੍ਖવੇ, ਯੇ ਕੇਚਿ ਸੁਪਣ੍ਣਾਨਂ ਰੁਕ੍ਖਾ, ਕੂਟਸਿਮ੍ਬਲੀ ਤੇਸਂ ਅਗ੍ਗਮਕ੍ਖਾਯਤਿ; ਏવਮੇવ ਖੋ, ਭਿਕ੍ਖવੇ, ਯੇ ਕੇਚਿ ਬੋਧਿਪਕ੍ਖਿਯਾ ਧਮ੍ਮਾ, ਪਞ੍ਞਿਨ੍ਦ੍ਰਿਯਂ ਤੇਸਂ ਅਗ੍ਗਮਕ੍ਖਾਯਤਿ, ਯਦਿਦਂ – ਬੋਧਾਯਾ’’ਤਿ। ਦਸਮਂ।
540. ‘‘Seyyathāpi, bhikkhave, ye keci supaṇṇānaṃ rukkhā, kūṭasimbalī 2 tesaṃ aggamakkhāyati; evameva kho, bhikkhave, ye keci bodhipakkhiyā dhammā, paññindriyaṃ tesaṃ aggamakkhāyati, yadidaṃ – bodhāya. Katame ca, bhikkhave, bodhipakkhiyā dhammā? Saddhindriyaṃ, bhikkhave, bodhipakkhiyo dhammo, taṃ bodhāya saṃvattati…pe… paññindriyaṃ bodhipakkhiyo dhammo, taṃ bodhāya saṃvattati. Seyyathāpi, bhikkhave, ye keci supaṇṇānaṃ rukkhā, kūṭasimbalī tesaṃ aggamakkhāyati; evameva kho, bhikkhave, ye keci bodhipakkhiyā dhammā, paññindriyaṃ tesaṃ aggamakkhāyati, yadidaṃ – bodhāyā’’ti. Dasamaṃ.
ਬੋਧਿਪਕ੍ਖਿਯવਗ੍ਗੋ ਸਤ੍ਤਮੋ।
Bodhipakkhiyavaggo sattamo.
ਤਸ੍ਸੁਦ੍ਦਾਨਂ –
Tassuddānaṃ –
ਸਂਯੋਜਨਾ ਅਨੁਸਯਾ, ਪਰਿਞ੍ਞਾ ਆਸવਕ੍ਖਯਾ।
Saṃyojanā anusayā, pariññā āsavakkhayā;
ਦ੍વੇ ਫਲਾ ਚਤੁਰੋ ਰੁਕ੍ਖਾ, વਗ੍ਗੋ ਤੇਨ ਪવੁਚ੍ਚਤੀਤਿ॥
Dve phalā caturo rukkhā, vaggo tena pavuccatīti.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੭. ਬੋਧਿਪਕ੍ਖਿਯવਗ੍ਗੋ • 7. Bodhipakkhiyavaggo
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੭. ਬੋਧਿਪਕ੍ਖਿਯવਗ੍ਗવਣ੍ਣਨਾ • 7. Bodhipakkhiyavaggavaṇṇanā
