| Tipiṭaka / Tipiṭaka (English) / Aṅguttara Nikāya, English translation |
अङ्गुत्तर निकाय ५।२०
Aṅguttara Nikāya 5.20
Numbered Discourses 5.20
२। बलवग्ग
2. Balavagga
2. Powers
चतुत्थहितसुत्त
Catutthahitasutta
The Welfare of Both
“पञ्चहि, भिक्खवे, धम्मेहि समन्नागतो भिक्खु अत्तहिताय च पटिपन्नो होति परहिताय च। कतमेहि पञ्चहि? इध, भिक्खवे, भिक्खु अत्तना च सीलसम्पन्नो होति, परञ्च सीलसम्पदाय समादपेति; अत्तना च समाधिसम्पन्नो होति, परञ्च समाधिसम्पदाय समादपेति, अत्तना च पञ्ञासम्पन्नो होति, परञ्च पञ्ञासम्पदाय समादपेति; अत्तना च विमुत्तिसम्पन्नो होति, परञ्च विमुत्तिसम्पदाय समादपेति; अत्तना च विमुत्तिञाणदस्सनसम्पन्नो होति, परञ्च विमुत्तिञाणदस्सनसम्पदाय समादपेति। इमेहि खो, भिक्खवे, पञ्चहि धम्मेहि समन्नागतो भिक्खु अत्तहिताय च पटिपन्नो होति परहिताय चा”ति।
“Pañcahi, bhikkhave, dhammehi samannāgato bhikkhu attahitāya ca paṭipanno hoti parahitāya ca. Katamehi pañcahi? Idha, bhikkhave, bhikkhu attanā ca sīlasampanno hoti, parañca sīlasampadāya samādapeti; attanā ca samādhisampanno hoti, parañca samādhisampadāya samādapeti, attanā ca paññāsampanno hoti, parañca paññāsampadāya samādapeti; attanā ca vimuttisampanno hoti, parañca vimuttisampadāya samādapeti; attanā ca vimuttiñāṇadassanasampanno hoti, parañca vimuttiñāṇadassanasampadāya samādapeti. Imehi kho, bhikkhave, pañcahi dhammehi samannāgato bhikkhu attahitāya ca paṭipanno hoti parahitāya cā”ti.
“Bhikkhus, a bhikkhu with five qualities is practicing for both their own welfare and that of others. What five? It’s when a bhikkhu is personally accomplished in ethics, samādhi, wisdom, freedom, and the knowledge and vision of freedom. And they encourage others in these qualities. A bhikkhu with these five qualities is practicing both for their own welfare and that of others.”
दसमं।
Dasamaṁ.
बलवग्गो दुतियो।
Balavaggo dutiyo.
तस्सुद्दानं
Tassuddānaṁ
अननुस्सुतकूटञ्च, सङ्खित्तं वित्थतेन च; दट्ठब्बञ्च पुन कूटं, चत्तारोपि हितेन चाति।
Ananussutakūṭañca, saṅkhittaṁ vitthatena ca; Daṭṭhabbañca puna kūṭaṁ, cattāropi hitena cāti.
The authoritative text of the Aṅguttara Nikāya is the Pāli text. The English translation is provided as an aid to the study of the original Pāli text. [CREDITS »]
