| Library / Tipiṭaka / តិបិដក • Tipiṭaka / សារត្ថទីបនី-ដីកា • Sāratthadīpanī-ṭīkā |
ចតុប្បទកថាវណ្ណនា
Catuppadakathāvaṇṇanā
១១៦. ចតុប្បទកថាយំ ភិង្កច្ឆាបន្តិ ភិង្កភិង្កាតិ សទ្ទាយនតោ ឯវំលទ្ធនាមំ ហត្ថិបោតកំ។ អន្តោវត្ថុម្ហីតិ បរិក្ខិត្តេ អន្តោវត្ថុម្ហិ។ រាជង្គណេតិ បរិក្ខិត្តេ នគរេ វត្ថុទ្វារតោ ពហិរាជង្គណេ។ ហត្ថិសាលា ឋានន្តិ និព្ពកោសតោ ឧទកបាតព្ភន្តរំ ឋានំ។ ពហិនគរេ ឋិតស្សាតិ បរិក្ខិត្តនគរំ សន្ធាយ វុត្តំ, អបរិក្ខិត្តនគរេ បន អន្តោនគរេ ឋិតស្សបិ ឋិតដ្ឋានមេវ ឋានំ។ ខណ្ឌទ្វារន្តិ អត្តនា ខណ្ឌិតទ្វារំ។ សាខាភង្គន្តិ ភញ្ជិតសាខំ។ និបន្នស្ស ទ្វេតិ ពន្ធនេន សទ្ធិំ ទ្វេ។ ឃាតេតីតិ ឯត្ថ ‘‘ថេយ្យចិត្តេន វិនាសេន្តស្ស សហបយោគត្តា ទុក្កដមេវ, ន បាចិត្តិយ’’ន្តិ អាចរិយា វទន្តិ។
116. Catuppadakathāyaṃ bhiṅkacchāpanti bhiṅkabhiṅkāti saddāyanato evaṃladdhanāmaṃ hatthipotakaṃ. Antovatthumhīti parikkhitte antovatthumhi. Rājaṅgaṇeti parikkhitte nagare vatthudvārato bahirājaṅgaṇe. Hatthisālā ṭhānanti nibbakosato udakapātabbhantaraṃ ṭhānaṃ. Bahinagare ṭhitassāti parikkhittanagaraṃ sandhāya vuttaṃ, aparikkhittanagare pana antonagare ṭhitassapi ṭhitaṭṭhānameva ṭhānaṃ. Khaṇḍadvāranti attanā khaṇḍitadvāraṃ. Sākhābhaṅganti bhañjitasākhaṃ. Nipannassa dveti bandhanena saddhiṃ dve. Ghātetīti ettha ‘‘theyyacittena vināsentassa sahapayogattā dukkaṭameva, na pācittiya’’nti ācariyā vadanti.
ចតុប្បទកថាវណ្ណនា និដ្ឋិតា។
Catuppadakathāvaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / មហាវិភង្គ • Mahāvibhaṅga / ២. ទុតិយបារាជិកំ • 2. Dutiyapārājikaṃ
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / មហាវិភង្គ-អដ្ឋកថា • Mahāvibhaṅga-aṭṭhakathā / ២. ទុតិយបារាជិកំ • 2. Dutiyapārājikaṃ
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / ភូមដ្ឋកថាទិវណ្ណនា • Bhūmaṭṭhakathādivaṇṇanā
