| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੯. ਚਤੁਚਕ੍ਕਸੁਤ੍ਤવਣ੍ਣਨਾ
9. Catucakkasuttavaṇṇanā
੨੯. ਨવਮੇ ਚਤੁਚਕ੍ਕਨ੍ਤਿ ਚਤੁਇਰਿਯਾਪਥਂ। ਇਰਿਯਾਪਥੋ ਹਿ ਇਧ ਚਕ੍ਕਨ੍ਤਿ ਅਧਿਪ੍ਪੇਤੋ। ਨવਦ੍વਾਰਨ੍ਤਿ ਨવਹਿ વਣਮੁਖੇਹਿ ਨવਦ੍વਾਰਂ। ਪੁਣ੍ਣਨ੍ਤਿ ਅਸੁਚਿਪੂਰਂ। ਲੋਭੇਨ ਸਂਯੁਤਨ੍ਤਿ ਤਣ੍ਹਾਯ ਸਂਯੁਤ੍ਤਂ। ਕਥਂ ਯਾਤ੍ਰਾ ਭવਿਸ੍ਸਤੀਤਿ ਏਤਸ੍ਸ ਏવਰੂਪਸ੍ਸ ਸਰੀਰਸ੍ਸ ਕਥਂ ਨਿਗ੍ਗਮਨਂ ਭવਿਸ੍ਸਤਿ, ਕਥਂ ਮੁਤ੍ਤਿ ਪਰਿਮੁਤ੍ਤਿ ਸਮਤਿਕ੍ਕਮੋ ਭવਿਸ੍ਸਤੀਤਿ ਪੁਚ੍ਛਤਿ। ਨਦ੍ਧਿਨ੍ਤਿ ਉਪਨਾਹਂ, ਪੁਬ੍ਬਕਾਲੇ ਕੋਧੋ, ਅਪਰਕਾਲੇ ਉਪਨਾਹੋਤਿ ਏવਂ ਪવਤ੍ਤਂ ਬਲવਕੋਧਨ੍ਤਿ ਅਤ੍ਥੋ। વਰਤ੍ਤਨ੍ਤਿ ‘‘ਛੇਤ੍વਾ ਨਦ੍ਧਿ વਰਤ੍ਤਞ੍ਚ, ਸਨ੍ਦਾਨਂ ਸਹਨੁਕ੍ਕਮ’’ਨ੍ਤਿ ਗਾਥਾਯ (ਧ॰ ਪ॰ ੩੯੮; ਸੁ॰ ਨਿ॰ ੬੨੭) ਤਣ੍ਹਾ વਰਤ੍ਤਾ, ਦਿਟ੍ਠਿ ਸਨ੍ਦਾਨਂ ਨਾਮ ਜਾਤਂ। ਇਧ ਪਨ ਪਾਲ਼ਿਨਿਦ੍ਦਿਟ੍ਠੇ ਕਿਲੇਸੇ ਠਪੇਤ੍વਾ ਅવਸੇਸਾ ‘‘વਰਤ੍ਤਾ’’ਤਿ વੇਦਿਤਬ੍ਬਾ, ਇਤਿ ਕਿਲੇਸવਰਤ੍ਤਞ੍ਚ ਛੇਤ੍વਾਤਿ ਅਤ੍ਥੋ। ਇਚ੍ਛਾ ਲੋਭਨ੍ਤਿ ਏਕੋਯੇવ ਧਮ੍ਮੋ ਇਚ੍ਛਨਟ੍ਠੇਨ ਇਚ੍ਛਾ, ਲੁਬ੍ਭਨਟ੍ਠੇਨ ਲੋਭੋਤਿ વੁਤ੍ਤੋ। ਪਠਮੁਪ੍ਪਤ੍ਤਿਕਾ વਾ ਦੁਬ੍ਬਲਾ ਇਚ੍ਛਾ, ਅਪਰਾਪਰੁਪ੍ਪਤ੍ਤਿਕੋ ਬਲવਾ ਲੋਭੋ। ਅਲਦ੍ਧਪਤ੍ਥਨਾ વਾ ਇਚ੍ਛਾ, ਪਟਿਲਦ੍ਧવਤ੍ਥੁਮ੍ਹਿ ਲੋਭੋ। ਸਮੂਲਂ ਤਣ੍ਹਨ੍ਤਿ ਅવਿਜ੍ਜਾਮੂਲੇਨ ਸਮੂਲਕਂ ਤਣ੍ਹਂ। ਅਬ੍ਬੁਯ੍ਹਾਤਿ ਅਗ੍ਗਮਗ੍ਗੇਨ ਉਪ੍ਪਾਟੇਤ੍વਾ। ਸੇਸਂ ਉਤ੍ਤਾਨਮੇવਾਤਿ। ਨવਮਂ।
29. Navame catucakkanti catuiriyāpathaṃ. Iriyāpatho hi idha cakkanti adhippeto. Navadvāranti navahi vaṇamukhehi navadvāraṃ. Puṇṇanti asucipūraṃ. Lobhena saṃyutanti taṇhāya saṃyuttaṃ. Kathaṃ yātrā bhavissatīti etassa evarūpassa sarīrassa kathaṃ niggamanaṃ bhavissati, kathaṃ mutti parimutti samatikkamo bhavissatīti pucchati. Naddhinti upanāhaṃ, pubbakāle kodho, aparakāle upanāhoti evaṃ pavattaṃ balavakodhanti attho. Varattanti ‘‘chetvā naddhi varattañca, sandānaṃ sahanukkama’’nti gāthāya (dha. pa. 398; su. ni. 627) taṇhā varattā, diṭṭhi sandānaṃ nāma jātaṃ. Idha pana pāḷiniddiṭṭhe kilese ṭhapetvā avasesā ‘‘varattā’’ti veditabbā, iti kilesavarattañca chetvāti attho. Icchā lobhanti ekoyeva dhammo icchanaṭṭhena icchā, lubbhanaṭṭhena lobhoti vutto. Paṭhamuppattikā vā dubbalā icchā, aparāparuppattiko balavā lobho. Aladdhapatthanā vā icchā, paṭiladdhavatthumhi lobho. Samūlaṃ taṇhanti avijjāmūlena samūlakaṃ taṇhaṃ. Abbuyhāti aggamaggena uppāṭetvā. Sesaṃ uttānamevāti. Navamaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੯. ਚਤੁਚਕ੍ਕਸੁਤ੍ਤਂ • 9. Catucakkasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੯. ਚਤੁਚਕ੍ਕਸੁਤ੍ਤવਣ੍ਣਨਾ • 9. Catucakkasuttavaṇṇanā
