| Library / Tipiṭaka / តិបិដក • Tipiṭaka / នេត្តិប្បករណបាឡិ • Nettippakaraṇapāḷi |
៦. ចតុព្យូហហារសម្បាតោ
6. Catubyūhahārasampāto
៦៨. តត្ថ កតមោ ចតុព្យូហោ ហារសម្បាតោ។
68. Tattha katamo catubyūho hārasampāto.
‘‘តស្មា រក្ខិតចិត្តស្ស, សម្មាសង្កប្បគោចរោ’’តិ គាថា។ ‘‘តស្មា រក្ខិតចិត្តស្សា’’តិ រក្ខិតំ បរិបាលីយតីតិ ឯសា និរុត្តិ។ ឥធ ភគវតោ កោ អធិប្បាយោ? យេ ទុគ្គតីហិ បរិមុច្ចិតុកាមា ភវិស្សន្តិ, តេ ធម្មចារិនោ ភវិស្សន្តីតិ អយំ ឯត្ថ ភគវតោ អធិប្បាយោ។ កោកាលិកោ ហិ សារិបុត្តមោគ្គល្លានេសុ ថេរេសុ ចិត្តំ បទោសយិត្វា មហាបទុមនិរយេ ឧបបន្នោ។ ភគវា ច សតិអារក្ខេន ចេតសា សមន្នាគតោ, សុត្តម្ហិ វុត្តំ ‘‘សតិយា ចិត្តំ រក្ខិតព្ព’’ន្តិ។
‘‘Tasmā rakkhitacittassa, sammāsaṅkappagocaro’’ti gāthā. ‘‘Tasmā rakkhitacittassā’’ti rakkhitaṃ paripālīyatīti esā nirutti. Idha bhagavato ko adhippāyo? Ye duggatīhi parimuccitukāmā bhavissanti, te dhammacārino bhavissantīti ayaṃ ettha bhagavato adhippāyo. Kokāliko hi sāriputtamoggallānesu theresu cittaṃ padosayitvā mahāpadumaniraye upapanno. Bhagavā ca satiārakkhena cetasā samannāgato, suttamhi vuttaṃ ‘‘satiyā cittaṃ rakkhitabba’’nti.
និយុត្តោ ចតុព្យូហោ ហារសម្បាតោ។
Niyutto catubyūho hārasampāto.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / នេត្តិប្បករណ-អដ្ឋកថា • Nettippakaraṇa-aṭṭhakathā / ៦. ចតុព្យូហហារសម្បាតវណ្ណនា • 6. Catubyūhahārasampātavaṇṇanā
ដីកា • Tīkā / សុត្តបិដក (ដីកា) • Suttapiṭaka (ṭīkā) / ខុទ្ទកនិកាយ (ដីកា) • Khuddakanikāya (ṭīkā) / នេត្តិវិភាវិនី • Nettivibhāvinī / ៦. ចតុព្យូហហារសម្បាតវិភាវនា • 6. Catubyūhahārasampātavibhāvanā
