| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
8. சங்கமனதா³யகத்தே²ரஅபதா³னங்
8. Caṅkamanadāyakattheraapadānaṃ
93.
93.
‘‘அத்த²த³ஸ்ஸிஸ்ஸ முனினோ, லோகஜெட்ட²ஸ்ஸ தாதி³னோ;
‘‘Atthadassissa munino, lokajeṭṭhassa tādino;
இட்ட²காஹி சினித்வான, சங்கமங் காரயிங் அஹங்.
Iṭṭhakāhi cinitvāna, caṅkamaṃ kārayiṃ ahaṃ.
94.
94.
‘‘உச்சதோ பஞ்சரதனங், சங்கமங் ஸாது⁴மாபிதங்;
‘‘Uccato pañcaratanaṃ, caṅkamaṃ sādhumāpitaṃ;
ஆயாமதோ ஹத்த²ஸதங், பா⁴வனீய்யங் மனோரமங்.
Āyāmato hatthasataṃ, bhāvanīyyaṃ manoramaṃ.
95.
95.
‘‘படிக்³க³ஹேஸி ப⁴க³வா, அத்த²த³ஸ்ஸீ நருத்தமோ;
‘‘Paṭiggahesi bhagavā, atthadassī naruttamo;
ஹத்தே²ன புலினங் க³ய்ஹ, இமா கா³தா² அபா⁴ஸத².
Hatthena pulinaṃ gayha, imā gāthā abhāsatha.
96.
96.
‘‘‘இமினா புலினதா³னேன, சங்கமங் ஸுகதேன ச;
‘‘‘Iminā pulinadānena, caṅkamaṃ sukatena ca;
ஸத்தரதனஸம்பன்னங், புலினங் அனுபொ⁴ஸ்ஸதி.
Sattaratanasampannaṃ, pulinaṃ anubhossati.
97.
97.
‘‘‘தீணி கப்பானி தே³வேஸு, தே³வரஜ்ஜங் கரிஸ்ஸதி;
‘‘‘Tīṇi kappāni devesu, devarajjaṃ karissati;
அனுபொ⁴ஸ்ஸதி ஸம்பத்திங், அச்ச²ராஹி புரக்க²தோ.
Anubhossati sampattiṃ, accharāhi purakkhato.
98.
98.
‘‘‘மனுஸ்ஸலோகமாக³ந்த்வா , ராஜா ரட்டே² ப⁴விஸ்ஸதி;
‘‘‘Manussalokamāgantvā , rājā raṭṭhe bhavissati;
திக்க²த்துங் சக்கவத்தீ ச, மஹியா ஸோ ப⁴விஸ்ஸதி’.
Tikkhattuṃ cakkavattī ca, mahiyā so bhavissati’.
99.
99.
‘‘அட்டா²ரஸே கப்பஸதே, யங் கம்மமகரிங் ததா³;
‘‘Aṭṭhārase kappasate, yaṃ kammamakariṃ tadā;
து³க்³க³திங் நாபி⁴ஜானாமி, சங்கமஸ்ஸ இத³ங் ப²லங்.
Duggatiṃ nābhijānāmi, caṅkamassa idaṃ phalaṃ.
100.
100.
‘‘படிஸம்பி⁴தா³ சதஸ்ஸோ…பே॰… கதங் பு³த்³த⁴ஸ்ஸ ஸாஸனங்’’.
‘‘Paṭisambhidā catasso…pe… kataṃ buddhassa sāsanaṃ’’.
இத்த²ங் ஸுத³ங் ஆயஸ்மா சங்கமனதா³யகோ தே²ரோ இமா கா³தா²யோ அபா⁴ஸித்தா²தி.
Itthaṃ sudaṃ āyasmā caṅkamanadāyako thero imā gāthāyo abhāsitthāti.
சங்கமனதா³யகத்தே²ரஸ்ஸாபதா³னங் அட்ட²மங்.
Caṅkamanadāyakattherassāpadānaṃ aṭṭhamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / அபதா³ன-அட்ட²கதா² • Apadāna-aṭṭhakathā / 8. சங்கமனதா³யகத்தே²ரஅபதா³னவண்ணனா • 8. Caṅkamanadāyakattheraapadānavaṇṇanā
