| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༢. ཨནཱཐཔིཎྜིཀཝགྒོ
2. Anāthapiṇḍikavaggo
༡. ཙནྡིམསསུཏྟཾ
1. Candimasasuttaṃ
༩༢. སཱཝཏྠིནིདཱནཾ ། ཨཐ ཁོ ཙནྡིམསོ 1 དེཝཔུཏྟོ ཨབྷིཀྐནྟཱཡ རཏྟིཡཱ ཨབྷིཀྐནྟཝཎྞོ ཀེཝལཀཔྤཾ ཛེཏཝནཾ ཨོབྷཱསེཏྭཱ ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ཨཊྛཱསི ། ཨེཀམནྟཾ ཋིཏོ ཁོ ཙནྡིམསོ དེཝཔུཏྟོ བྷགཝཏོ སནྟིཀེ ཨིམཾ གཱཐཾ ཨབྷཱསི –
92. Sāvatthinidānaṃ . Atha kho candimaso 2 devaputto abhikkantāya rattiyā abhikkantavaṇṇo kevalakappaṃ jetavanaṃ obhāsetvā yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ aṭṭhāsi . Ekamantaṃ ṭhito kho candimaso devaputto bhagavato santike imaṃ gāthaṃ abhāsi –
‘‘ཏེ ཧི སོཏྠིཾ གམིསྶནྟི, ཀཙྪེ ཝཱམཀསེ མགཱ།
‘‘Te hi sotthiṃ gamissanti, kacche vāmakase magā;
ཛྷཱནཱནི ཨུཔསམྤཛྫ, ཨེཀོདི ནིཔཀཱ སཏཱ’’ཏི༎
Jhānāni upasampajja, ekodi nipakā satā’’ti.
‘‘ཏེ ཧི པཱརཾ གམིསྶནྟི, ཚེཏྭཱ ཛཱལཾཝ ཨམྦུཛོ།
‘‘Te hi pāraṃ gamissanti, chetvā jālaṃva ambujo;
ཛྷཱནཱནི ཨུཔསམྤཛྫ, ཨཔྤམཏྟཱ རཎཉྫཧཱ’’ཏི༎
Jhānāni upasampajja, appamattā raṇañjahā’’ti.
Footnotes:
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༡. ཙནྡིམསསུཏྟཝཎྞནཱ • 1. Candimasasuttavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༡. ཙནྡིམསསུཏྟཝཎྞནཱ • 1. Candimasasuttavaṇṇanā
