| Library / Tipiṭaka / តិបិដក • Tipiṭaka / ចរិយាបិដកបាឡិ • Cariyāpiṭakapāḷi |
៧. ចន្ទកុមារចរិយា
7. Candakumāracariyā
៤៥.
45.
‘‘បុនាបរំ យទា ហោមិ, ឯករាជស្ស អត្រជោ;
‘‘Punāparaṃ yadā homi, ekarājassa atrajo;
នគរេ បុប្ផវតិយា, កុមារោ ចន្ទសវ្ហយោ។
Nagare pupphavatiyā, kumāro candasavhayo.
៤៦.
46.
‘‘តទាហំ យជនា មុត្តោ, និក្ខន្តោ យញ្ញវាដតោ;
‘‘Tadāhaṃ yajanā mutto, nikkhanto yaññavāṭato;
សំវេគំ ជនយិត្វាន, មហាទានំ បវត្តយិំ។
Saṃvegaṃ janayitvāna, mahādānaṃ pavattayiṃ.
៤៧.
47.
‘‘នាហំ បិវាមិ ខាទាមិ, នបិ ភុញ្ជាមិ ភោជនំ;
‘‘Nāhaṃ pivāmi khādāmi, napi bhuñjāmi bhojanaṃ;
ទក្ខិណេយ្យេ អទត្វាន, អបិ ឆប្បញ្ចរត្តិយោ។
Dakkhiṇeyye adatvāna, api chappañcarattiyo.
៤៨.
48.
‘‘យថាបិ វាណិជោ នាម, កត្វាន ភណ្ឌសញ្ចយំ;
‘‘Yathāpi vāṇijo nāma, katvāna bhaṇḍasañcayaṃ;
៤៩.
49.
‘‘តថេវ សកភុត្តាបិ, បរេ ទិន្នំ មហប្ផលំ;
‘‘Tatheva sakabhuttāpi, pare dinnaṃ mahapphalaṃ;
តស្មា បរស្ស ទាតព្ពំ, សតភាគោ ភវិស្សតិ។
Tasmā parassa dātabbaṃ, satabhāgo bhavissati.
៥០.
50.
‘‘ឯតមត្ថវសំ ញត្វា, ទេមិ ទានំ ភវាភវេ;
‘‘Etamatthavasaṃ ñatvā, demi dānaṃ bhavābhave;
ន បដិក្កមាមិ ទានតោ, សម្ពោធិមនុបត្តិយា’’តិ។
Na paṭikkamāmi dānato, sambodhimanupattiyā’’ti.
ចន្ទកុមារចរិយំ សត្តមំ។
Candakumāracariyaṃ sattamaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ចរិយាបិដក-អដ្ឋកថា • Cariyāpiṭaka-aṭṭhakathā / ៧. ចន្ទកុមារចរិយាវណ្ណនា • 7. Candakumāracariyāvaṇṇanā
