| Library / Tipiṭaka / ਤਿਪਿਟਕ • Tipiṭaka / ਚਰਿਯਾਪਿਟਕਪਾਲ਼ਿ • Cariyāpiṭakapāḷi |
੩. ਚਮ੍ਪੇਯ੍ਯਨਾਗਚਰਿਯਾ
3. Campeyyanāgacariyā
੨੦.
20.
‘‘ਪੁਨਾਪਰਂ ਯਦਾ ਹੋਮਿ, ਚਮ੍ਪੇਯ੍ਯਕੋ ਮਹਿਦ੍ਧਿਕੋ।
‘‘Punāparaṃ yadā homi, campeyyako mahiddhiko;
ਤਦਾਪਿ ਧਮ੍ਮਿਕੋ ਆਸਿਂ, ਸੀਲਬ੍ਬਤਸਮਪ੍ਪਿਤੋ॥
Tadāpi dhammiko āsiṃ, sīlabbatasamappito.
੨੧.
21.
‘‘ਤਦਾਪਿ ਮਂ ਧਮ੍ਮਚਾਰਿਂ, ਉਪવੁਤ੍ਥਂ ਉਪੋਸਥਂ।
‘‘Tadāpi maṃ dhammacāriṃ, upavutthaṃ uposathaṃ;
ਅਹਿਤੁਣ੍ਡਿਕੋ ਗਹੇਤ੍વਾਨ, ਰਾਜਦ੍વਾਰਮ੍ਹਿ ਕੀਲ਼ਤਿ॥
Ahituṇḍiko gahetvāna, rājadvāramhi kīḷati.
੨੨.
22.
‘‘ਯਂ ਯਂ ਸੋ વਣ੍ਣਂ ਚਿਨ੍ਤਯਿ, ਨੀਲਂવ ਪੀਤਲੋਹਿਤਂ।
‘‘Yaṃ yaṃ so vaṇṇaṃ cintayi, nīlaṃva pītalohitaṃ;
ਤਸ੍ਸ ਚਿਤ੍ਤਾਨੁવਤ੍ਤਨ੍ਤੋ, ਹੋਮਿ ਚਿਨ੍ਤਿਤਸਨ੍ਨਿਭੋ॥
Tassa cittānuvattanto, homi cintitasannibho.
੨੩.
23.
‘‘ਥਲਂ ਕਰੇਯ੍ਯਮੁਦਕਂ, ਉਦਕਮ੍ਪਿ ਥਲਂ ਕਰੇ।
‘‘Thalaṃ kareyyamudakaṃ, udakampi thalaṃ kare;
ਯਦਿਹਂ ਤਸ੍ਸ ਪਕੁਪ੍ਪੇਯ੍ਯਂ, ਖਣੇਨ ਛਾਰਿਕਂ ਕਰੇ॥
Yadihaṃ tassa pakuppeyyaṃ, khaṇena chārikaṃ kare.
੨੪.
24.
‘‘ਯਦਿ ਚਿਤ੍ਤવਸੀ ਹੇਸ੍ਸਂ, ਪਰਿਹਾਯਿਸ੍ਸਾਮਿ ਸੀਲਤੋ।
‘‘Yadi cittavasī hessaṃ, parihāyissāmi sīlato;
ਸੀਲੇਨ ਪਰਿਹੀਨਸ੍ਸ, ਉਤ੍ਤਮਤ੍ਥੋ ਨ ਸਿਜ੍ਝਤਿ॥
Sīlena parihīnassa, uttamattho na sijjhati.
੨੫.
25.
‘‘ਕਾਮਂ ਭਿਜ੍ਜਤੁਯਂ ਕਾਯੋ, ਇਧੇવ વਿਕਿਰੀਯਤੁ।
‘‘Kāmaṃ bhijjatuyaṃ kāyo, idheva vikirīyatu;
ਨੇવ ਸੀਲਂ ਪਭਿਨ੍ਦੇਯ੍ਯਂ, વਿਕਿਰਨ੍ਤੇ ਭੁਸਂ વਿਯਾ’’ਤਿ॥
Neva sīlaṃ pabhindeyyaṃ, vikirante bhusaṃ viyā’’ti.
ਚਮ੍ਪੇਯ੍ਯਨਾਗਚਰਿਯਂ ਤਤਿਯਂ।
Campeyyanāgacariyaṃ tatiyaṃ.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਚਰਿਯਾਪਿਟਕ-ਅਟ੍ਠਕਥਾ • Cariyāpiṭaka-aṭṭhakathā / ੩. ਚਮ੍ਪੇਯ੍ਯਨਾਗਚਰਿਯਾવਣ੍ਣਨਾ • 3. Campeyyanāgacariyāvaṇṇanā
