| Library / Tipiṭaka / ತಿಪಿಟಕ • Tipiṭaka / ಚರಿಯಾಪಿಟಕಪಾಳಿ • Cariyāpiṭakapāḷi |
೩. ಚಮ್ಪೇಯ್ಯನಾಗಚರಿಯಾ
3. Campeyyanāgacariyā
೨೦.
20.
‘‘ಪುನಾಪರಂ ಯದಾ ಹೋಮಿ, ಚಮ್ಪೇಯ್ಯಕೋ ಮಹಿದ್ಧಿಕೋ।
‘‘Punāparaṃ yadā homi, campeyyako mahiddhiko;
ತದಾಪಿ ಧಮ್ಮಿಕೋ ಆಸಿಂ, ಸೀಲಬ್ಬತಸಮಪ್ಪಿತೋ॥
Tadāpi dhammiko āsiṃ, sīlabbatasamappito.
೨೧.
21.
‘‘ತದಾಪಿ ಮಂ ಧಮ್ಮಚಾರಿಂ, ಉಪವುತ್ಥಂ ಉಪೋಸಥಂ।
‘‘Tadāpi maṃ dhammacāriṃ, upavutthaṃ uposathaṃ;
ಅಹಿತುಣ್ಡಿಕೋ ಗಹೇತ್ವಾನ, ರಾಜದ್ವಾರಮ್ಹಿ ಕೀಳತಿ॥
Ahituṇḍiko gahetvāna, rājadvāramhi kīḷati.
೨೨.
22.
‘‘ಯಂ ಯಂ ಸೋ ವಣ್ಣಂ ಚಿನ್ತಯಿ, ನೀಲಂವ ಪೀತಲೋಹಿತಂ।
‘‘Yaṃ yaṃ so vaṇṇaṃ cintayi, nīlaṃva pītalohitaṃ;
ತಸ್ಸ ಚಿತ್ತಾನುವತ್ತನ್ತೋ, ಹೋಮಿ ಚಿನ್ತಿತಸನ್ನಿಭೋ॥
Tassa cittānuvattanto, homi cintitasannibho.
೨೩.
23.
‘‘ಥಲಂ ಕರೇಯ್ಯಮುದಕಂ, ಉದಕಮ್ಪಿ ಥಲಂ ಕರೇ।
‘‘Thalaṃ kareyyamudakaṃ, udakampi thalaṃ kare;
ಯದಿಹಂ ತಸ್ಸ ಪಕುಪ್ಪೇಯ್ಯಂ, ಖಣೇನ ಛಾರಿಕಂ ಕರೇ॥
Yadihaṃ tassa pakuppeyyaṃ, khaṇena chārikaṃ kare.
೨೪.
24.
‘‘ಯದಿ ಚಿತ್ತವಸೀ ಹೇಸ್ಸಂ, ಪರಿಹಾಯಿಸ್ಸಾಮಿ ಸೀಲತೋ।
‘‘Yadi cittavasī hessaṃ, parihāyissāmi sīlato;
ಸೀಲೇನ ಪರಿಹೀನಸ್ಸ, ಉತ್ತಮತ್ಥೋ ನ ಸಿಜ್ಝತಿ॥
Sīlena parihīnassa, uttamattho na sijjhati.
೨೫.
25.
‘‘ಕಾಮಂ ಭಿಜ್ಜತುಯಂ ಕಾಯೋ, ಇಧೇವ ವಿಕಿರೀಯತು।
‘‘Kāmaṃ bhijjatuyaṃ kāyo, idheva vikirīyatu;
ನೇವ ಸೀಲಂ ಪಭಿನ್ದೇಯ್ಯಂ, ವಿಕಿರನ್ತೇ ಭುಸಂ ವಿಯಾ’’ತಿ॥
Neva sīlaṃ pabhindeyyaṃ, vikirante bhusaṃ viyā’’ti.
ಚಮ್ಪೇಯ್ಯನಾಗಚರಿಯಂ ತತಿಯಂ।
Campeyyanāgacariyaṃ tatiyaṃ.
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಚರಿಯಾಪಿಟಕ-ಅಟ್ಠಕಥಾ • Cariyāpiṭaka-aṭṭhakathā / ೩. ಚಮ್ಪೇಯ್ಯನಾಗಚರಿಯಾವಣ್ಣನಾ • 3. Campeyyanāgacariyāvaṇṇanā
