| Library / Tipiṭaka / ติปิฎก • Tipiṭaka / จริยาปิฎกปาฬิ • Cariyāpiṭakapāḷi |
๓. จเมฺปยฺยนาคจริยา
3. Campeyyanāgacariyā
๒๐.
20.
‘‘ปุนาปรํ ยทา โหมิ, จเมฺปยฺยโก มหิทฺธิโก;
‘‘Punāparaṃ yadā homi, campeyyako mahiddhiko;
ตทาปิ ธมฺมิโก อาสิํ, สีลพฺพตสมปฺปิโตฯ
Tadāpi dhammiko āsiṃ, sīlabbatasamappito.
๒๑.
21.
‘‘ตทาปิ มํ ธมฺมจาริํ, อุปวุตฺถํ อุโปสถํ;
‘‘Tadāpi maṃ dhammacāriṃ, upavutthaṃ uposathaṃ;
อหิตุณฺฑิโก คเหตฺวาน, ราชทฺวารมฺหิ กีฬติฯ
Ahituṇḍiko gahetvāna, rājadvāramhi kīḷati.
๒๒.
22.
‘‘ยํ ยํ โส วณฺณํ จินฺตยิ, นีลํว ปีตโลหิตํ;
‘‘Yaṃ yaṃ so vaṇṇaṃ cintayi, nīlaṃva pītalohitaṃ;
ตสฺส จิตฺตานุวตฺตโนฺต, โหมิ จินฺติตสนฺนิโภฯ
Tassa cittānuvattanto, homi cintitasannibho.
๒๓.
23.
‘‘ถลํ กเรยฺยมุทกํ, อุทกมฺปิ ถลํ กเร;
‘‘Thalaṃ kareyyamudakaṃ, udakampi thalaṃ kare;
ยทิหํ ตสฺส ปกุเปฺปยฺยํ, ขเณน ฉาริกํ กเรฯ
Yadihaṃ tassa pakuppeyyaṃ, khaṇena chārikaṃ kare.
๒๔.
24.
‘‘ยทิ จิตฺตวสี เหสฺสํ, ปริหายิสฺสามิ สีลโต;
‘‘Yadi cittavasī hessaṃ, parihāyissāmi sīlato;
สีเลน ปริหีนสฺส, อุตฺตมโตฺถ น สิชฺฌติฯ
Sīlena parihīnassa, uttamattho na sijjhati.
๒๕.
25.
‘‘กามํ ภิชฺชตุยํ กาโย, อิเธว วิกิรียตุ;
‘‘Kāmaṃ bhijjatuyaṃ kāyo, idheva vikirīyatu;
เนว สีลํ ปภิเนฺทยฺยํ, วิกิรเนฺต ภุสํ วิยา’’ติฯ
Neva sīlaṃ pabhindeyyaṃ, vikirante bhusaṃ viyā’’ti.
จเมฺปยฺยนาคจริยํ ตติยํฯ
Campeyyanāgacariyaṃ tatiyaṃ.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / จริยาปิฎก-อฎฺฐกถา • Cariyāpiṭaka-aṭṭhakathā / ๓. จเมฺปยฺยนาคจริยาวณฺณนา • 3. Campeyyanāgacariyāvaṇṇanā
