| Library / Tipiṭaka / तिपिटक • Tipiṭaka / चरियापिटकपाळि • Cariyāpiṭakapāḷi |
३. चम्पेय्यनागचरिया
3. Campeyyanāgacariyā
२०.
20.
‘‘पुनापरं यदा होमि, चम्पेय्यको महिद्धिको।
‘‘Punāparaṃ yadā homi, campeyyako mahiddhiko;
तदापि धम्मिको आसिं, सीलब्बतसमप्पितो॥
Tadāpi dhammiko āsiṃ, sīlabbatasamappito.
२१.
21.
‘‘तदापि मं धम्मचारिं, उपवुत्थं उपोसथं।
‘‘Tadāpi maṃ dhammacāriṃ, upavutthaṃ uposathaṃ;
अहितुण्डिको गहेत्वान, राजद्वारम्हि कीळति॥
Ahituṇḍiko gahetvāna, rājadvāramhi kīḷati.
२२.
22.
‘‘यं यं सो वण्णं चिन्तयि, नीलंव पीतलोहितं।
‘‘Yaṃ yaṃ so vaṇṇaṃ cintayi, nīlaṃva pītalohitaṃ;
तस्स चित्तानुवत्तन्तो, होमि चिन्तितसन्निभो॥
Tassa cittānuvattanto, homi cintitasannibho.
२३.
23.
‘‘थलं करेय्यमुदकं, उदकम्पि थलं करे।
‘‘Thalaṃ kareyyamudakaṃ, udakampi thalaṃ kare;
यदिहं तस्स पकुप्पेय्यं, खणेन छारिकं करे॥
Yadihaṃ tassa pakuppeyyaṃ, khaṇena chārikaṃ kare.
२४.
24.
‘‘यदि चित्तवसी हेस्सं, परिहायिस्सामि सीलतो।
‘‘Yadi cittavasī hessaṃ, parihāyissāmi sīlato;
सीलेन परिहीनस्स, उत्तमत्थो न सिज्झति॥
Sīlena parihīnassa, uttamattho na sijjhati.
२५.
25.
‘‘कामं भिज्जतुयं कायो, इधेव विकिरीयतु।
‘‘Kāmaṃ bhijjatuyaṃ kāyo, idheva vikirīyatu;
नेव सीलं पभिन्देय्यं, विकिरन्ते भुसं विया’’ति॥
Neva sīlaṃ pabhindeyyaṃ, vikirante bhusaṃ viyā’’ti.
चम्पेय्यनागचरियं ततियं।
Campeyyanāgacariyaṃ tatiyaṃ.
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / चरियापिटक-अट्ठकथा • Cariyāpiṭaka-aṭṭhakathā / ३. चम्पेय्यनागचरियावण्णना • 3. Campeyyanāgacariyāvaṇṇanā
