| Library / Tipiṭaka / ติปิฎก • Tipiṭaka / เถรีคาถาปาฬิ • Therīgāthāpāḷi |
๒. จาลาเถรีคาถา
2. Cālātherīgāthā
๑๘๒.
182.
‘‘สติํ อุปฎฺฐเปตฺวาน, ภิกฺขุนี ภาวิตินฺทฺริยา;
‘‘Satiṃ upaṭṭhapetvāna, bhikkhunī bhāvitindriyā;
ปฎิวิชฺฌิ ปทํ สนฺตํ, สงฺขารูปสมํ สุขํ’’ฯ
Paṭivijjhi padaṃ santaṃ, saṅkhārūpasamaṃ sukhaṃ’’.
๑๘๓.
183.
‘‘กํ นุ อุทฺทิสฺส มุณฺฑาสิ, สมณี วิย ทิสฺสสิ;
‘‘Kaṃ nu uddissa muṇḍāsi, samaṇī viya dissasi;
น จ โรเจสิ ปาสเณฺฑ, กิมิทํ จรสิ โมมุหา’’ฯ
Na ca rocesi pāsaṇḍe, kimidaṃ carasi momuhā’’.
๑๘๔.
184.
‘‘อิโต พหิทฺธา ปาสณฺฑา, ทิฎฺฐิโย อุปนิสฺสิตา;
‘‘Ito bahiddhā pāsaṇḍā, diṭṭhiyo upanissitā;
น เต ธมฺมํ วิชานนฺติ, น เต ธมฺมสฺส โกวิทาฯ
Na te dhammaṃ vijānanti, na te dhammassa kovidā.
๑๘๕.
185.
‘‘อตฺถิ สกฺยกุเล ชาโต, พุโทฺธ อปฺปฎิปุคฺคโล;
‘‘Atthi sakyakule jāto, buddho appaṭipuggalo;
โส เม ธมฺมมเทเสสิ, ทิฎฺฐีนํ สมติกฺกมํฯ
So me dhammamadesesi, diṭṭhīnaṃ samatikkamaṃ.
๑๘๖.
186.
‘‘ทุกฺขํ ทุกฺขสมุปฺปาทํ, ทุกฺขสฺส จ อติกฺกมํ;
‘‘Dukkhaṃ dukkhasamuppādaṃ, dukkhassa ca atikkamaṃ;
อริยํ จฎฺฐงฺคิกํ มคฺคํ, ทุกฺขูปสมคามินํฯ
Ariyaṃ caṭṭhaṅgikaṃ maggaṃ, dukkhūpasamagāminaṃ.
๑๘๗.
187.
‘‘ตสฺสาหํ วจนํ สุตฺวา, วิหริํ สาสเน รตา;
‘‘Tassāhaṃ vacanaṃ sutvā, vihariṃ sāsane ratā;
ติโสฺส วิชฺชา อนุปฺปตฺตา, กตํ พุทฺธสฺส สาสนํฯ
Tisso vijjā anuppattā, kataṃ buddhassa sāsanaṃ.
๑๘๘.
188.
‘‘สพฺพตฺถ วิหตา นนฺที, ตโมขโนฺธ ปทาลิโต;
‘‘Sabbattha vihatā nandī, tamokhandho padālito;
เอวํ ชานาหิ ปาปิม, นิหโต ตฺวมสิ อนฺตก’’ฯ
Evaṃ jānāhi pāpima, nihato tvamasi antaka’’.
… จาลา เถรี…ฯ
… Cālā therī….
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / เถรีคาถา-อฎฺฐกถา • Therīgāthā-aṭṭhakathā / ๒. จาลาเถรีคาถาวณฺณนา • 2. Cālātherīgāthāvaṇṇanā
