| Library / Tipiṭaka / তিপিটক • Tipiṭaka / ইতিৰুত্তকপাল়ি • Itivuttakapāḷi |
২. চক্খুসুত্তং
2. Cakkhusuttaṃ
৬১. ৰুত্তঞ্হেতং ভগৰতা, ৰুত্তমরহতাতি মে সুতং –
61. Vuttañhetaṃ bhagavatā, vuttamarahatāti me sutaṃ –
‘‘তীণিমানি, ভিক্খৰে, চক্খূনি। কতমানি তীণি? মংসচক্খু, দিব্বচক্খু, পঞ্ঞাচক্খু – ইমানি খো, ভিক্খৰে, তীণি চক্খূনী’’তি। এতমত্থং ভগৰা অৰোচ। তত্থেতং ইতি ৰুচ্চতি –
‘‘Tīṇimāni, bhikkhave, cakkhūni. Katamāni tīṇi? Maṃsacakkhu, dibbacakkhu, paññācakkhu – imāni kho, bhikkhave, tīṇi cakkhūnī’’ti. Etamatthaṃ bhagavā avoca. Tatthetaṃ iti vuccati –
‘‘মংসচক্খু দিব্বচক্খু, পঞ্ঞাচক্খু অনুত্তরং।
‘‘Maṃsacakkhu dibbacakkhu, paññācakkhu anuttaraṃ;
এতানি তীণি চক্খূনি, অক্খাসি পুরিসুত্তমো॥
Etāni tīṇi cakkhūni, akkhāsi purisuttamo.
‘‘মংসচক্খুস্স উপ্পাদো, মগ্গো দিব্বস্স চক্খুনো।
‘‘Maṃsacakkhussa uppādo, maggo dibbassa cakkhuno;
যতো ঞাণং উদপাদি, পঞ্ঞাচক্খু অনুত্তরং।
Yato ñāṇaṃ udapādi, paññācakkhu anuttaraṃ;
যস্স চক্খুস্স পটিলাভা, সব্বদুক্খা পমুচ্চতী’’তি॥
Yassa cakkhussa paṭilābhā, sabbadukkhā pamuccatī’’ti.
অযম্পি অত্থো ৰুত্তো ভগৰতা, ইতি মে সুতন্তি। দুতিযং।
Ayampi attho vutto bhagavatā, iti me sutanti. Dutiyaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / ইতিৰুত্তক-অট্ঠকথা • Itivuttaka-aṭṭhakathā / ২. চক্খুসুত্তৰণ্ণনা • 2. Cakkhusuttavaṇṇanā
