| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೧೦. ಬುದ್ಧುಪಟ್ಠಾಕತ್ಥೇರಅಪದಾನಂ
10. Buddhupaṭṭhākattheraapadānaṃ
೫೬.
56.
‘‘ವಿಪಸ್ಸಿಸ್ಸ ಭಗವತೋ, ಅಹೋಸಿಂ ಸಙ್ಖಧಮ್ಮಕೋ।
‘‘Vipassissa bhagavato, ahosiṃ saṅkhadhammako;
ನಿಚ್ಚುಪಟ್ಠಾನಯುತ್ತೋಮ್ಹಿ, ಸುಗತಸ್ಸ ಮಹೇಸಿನೋ॥
Niccupaṭṭhānayuttomhi, sugatassa mahesino.
೫೭.
57.
‘‘ಉಪಟ್ಠಾನಫಲಂ ಪಸ್ಸ, ಲೋಕನಾಥಸ್ಸ ತಾದಿನೋ।
‘‘Upaṭṭhānaphalaṃ passa, lokanāthassa tādino;
ಸಟ್ಠಿತೂರಿಯಸಹಸ್ಸಾನಿ, ಪರಿವಾರೇನ್ತಿ ಮಂ ಸದಾ॥
Saṭṭhitūriyasahassāni, parivārenti maṃ sadā.
೫೮.
58.
‘‘ಏಕನವುತಿತೋ ಕಪ್ಪೇ, ಉಪಟ್ಠಹಿಂ ಮಹಾಇಸಿಂ।
‘‘Ekanavutito kappe, upaṭṭhahiṃ mahāisiṃ;
ದುಗ್ಗತಿಂ ನಾಭಿಜಾನಾಮಿ, ಉಪಟ್ಠಾನಸ್ಸಿದಂ ಫಲಂ॥
Duggatiṃ nābhijānāmi, upaṭṭhānassidaṃ phalaṃ.
೫೯.
59.
ಸೋಳಸಾಸಿಂಸು ರಾಜಾನೋ, ಚಕ್ಕವತ್ತೀ ಮಹಬ್ಬಲಾ॥
Soḷasāsiṃsu rājāno, cakkavattī mahabbalā.
೬೦.
60.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ಇತ್ಥಂ ಸುದಂ ಆಯಸ್ಮಾ ಬುದ್ಧುಪಟ್ಠಾಕೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ।
Itthaṃ sudaṃ āyasmā buddhupaṭṭhāko thero imā gāthāyo abhāsitthāti.
ಬುದ್ಧುಪಟ್ಠಾಕತ್ಥೇರಸ್ಸಾಪದಾನಂ ದಸಮಂ।
Buddhupaṭṭhākattherassāpadānaṃ dasamaṃ.
ಸುಧಾವಗ್ಗೋ ದಸಮೋ।
Sudhāvaggo dasamo.
ತಸ್ಸುದ್ದಾನಂ –
Tassuddānaṃ –
ಸುಧಾ ಸುಚಿನ್ತಿ ಚೇಳಞ್ಚ, ಸೂಚೀ ಚ ಗನ್ಧಮಾಲಿಯೋ।
Sudhā sucinti ceḷañca, sūcī ca gandhamāliyo;
ತಿಪುಪ್ಫಿಯೋ ಮಧುಸೇನಾ, ವೇಯ್ಯಾವಚ್ಚೋ ಚುಪಟ್ಠಕೋ।
Tipupphiyo madhusenā, veyyāvacco cupaṭṭhako;
ಸಮಸಟ್ಠಿ ಚ ಗಾಥಾಯೋ, ಅಸ್ಮಿಂ ವಗ್ಗೇ ಪಕಿತ್ತಿತಾ॥
Samasaṭṭhi ca gāthāyo, asmiṃ vagge pakittitā.
ಅಥ ವಗ್ಗುದ್ದಾನಂ –
Atha vagguddānaṃ –
ಬುದ್ಧವಗ್ಗೋ ಹಿ ಪಠಮೋ, ಸೀಹಾಸನಿ ಸುಭೂತಿ ಚ।
Buddhavaggo hi paṭhamo, sīhāsani subhūti ca;
ಕುಣ್ಡಧಾನೋ ಉಪಾಲಿ ಚ, ಬೀಜನಿಸಕಚಿನ್ತಿ ಚ॥
Kuṇḍadhāno upāli ca, bījanisakacinti ca.
ನಾಗಸಮಾಲೋ ತಿಮಿರೋ, ಸುಧಾವಗ್ಗೇನ ತೇ ದಸ।
Nāgasamālo timiro, sudhāvaggena te dasa;
ಚತುದ್ದಸಸತಾ ಗಾಥಾ, ಪಞ್ಚಪಞ್ಞಾಸಮೇವ ಚ॥
Catuddasasatā gāthā, pañcapaññāsameva ca.
ಬುದ್ಧವಗ್ಗದಸಕಂ।
Buddhavaggadasakaṃ.
ಪಠಮಸತಕಂ ಸಮತ್ತಂ।
Paṭhamasatakaṃ samattaṃ.
Footnotes:
