| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
10. பு³த்³து⁴பட்டா²கத்தே²ரஅபதா³னங்
10. Buddhupaṭṭhākattheraapadānaṃ
56.
56.
‘‘விபஸ்ஸிஸ்ஸ ப⁴க³வதோ, அஹோஸிங் ஸங்க²த⁴ம்மகோ;
‘‘Vipassissa bhagavato, ahosiṃ saṅkhadhammako;
நிச்சுபட்டா²னயுத்தொம்ஹி, ஸுக³தஸ்ஸ மஹேஸினோ.
Niccupaṭṭhānayuttomhi, sugatassa mahesino.
57.
57.
‘‘உபட்டா²னப²லங் பஸ்ஸ, லோகனாத²ஸ்ஸ தாதி³னோ;
‘‘Upaṭṭhānaphalaṃ passa, lokanāthassa tādino;
ஸட்டி²தூரியஸஹஸ்ஸானி, பரிவாரெந்தி மங் ஸதா³.
Saṭṭhitūriyasahassāni, parivārenti maṃ sadā.
58.
58.
‘‘ஏகனவுதிதோ கப்பே, உபட்ட²ஹிங் மஹாஇஸிங்;
‘‘Ekanavutito kappe, upaṭṭhahiṃ mahāisiṃ;
து³க்³க³திங் நாபி⁴ஜானாமி, உபட்டா²னஸ்ஸித³ங் ப²லங்.
Duggatiṃ nābhijānāmi, upaṭṭhānassidaṃ phalaṃ.
59.
59.
ஸோளஸாஸிங்ஸு ராஜானோ, சக்கவத்தீ மஹப்³ப³லா.
Soḷasāsiṃsu rājāno, cakkavattī mahabbalā.
60.
60.
‘‘படிஸம்பி⁴தா³ சதஸ்ஸோ…பே॰… கதங் பு³த்³த⁴ஸ்ஸ ஸாஸனங்’’.
‘‘Paṭisambhidā catasso…pe… kataṃ buddhassa sāsanaṃ’’.
இத்த²ங் ஸுத³ங் ஆயஸ்மா பு³த்³து⁴பட்டா²கோ தே²ரோ இமா கா³தா²யோ அபா⁴ஸித்தா²தி.
Itthaṃ sudaṃ āyasmā buddhupaṭṭhāko thero imā gāthāyo abhāsitthāti.
பு³த்³து⁴பட்டா²கத்தே²ரஸ்ஸாபதா³னங் த³ஸமங்.
Buddhupaṭṭhākattherassāpadānaṃ dasamaṃ.
ஸுதா⁴வக்³கோ³ த³ஸமோ.
Sudhāvaggo dasamo.
தஸ்ஸுத்³தா³னங் –
Tassuddānaṃ –
ஸுதா⁴ ஸுசிந்தி சேளஞ்ச, ஸூசீ ச க³ந்த⁴மாலியோ;
Sudhā sucinti ceḷañca, sūcī ca gandhamāliyo;
திபுப்பி²யோ மது⁴ஸேனா, வெய்யாவச்சோ சுபட்ட²கோ;
Tipupphiyo madhusenā, veyyāvacco cupaṭṭhako;
ஸமஸட்டி² ச கா³தா²யோ, அஸ்மிங் வக்³கே³ பகித்திதா.
Samasaṭṭhi ca gāthāyo, asmiṃ vagge pakittitā.
அத² வக்³கு³த்³தா³னங் –
Atha vagguddānaṃ –
பு³த்³த⁴வக்³கோ³ ஹி பட²மோ, ஸீஹாஸனி ஸுபூ⁴தி ச;
Buddhavaggo hi paṭhamo, sīhāsani subhūti ca;
குண்ட³தா⁴னோ உபாலி ச, பீ³ஜனிஸகசிந்தி ச.
Kuṇḍadhāno upāli ca, bījanisakacinti ca.
நாக³ஸமாலோ திமிரோ, ஸுதா⁴வக்³கே³ன தே த³ஸ;
Nāgasamālo timiro, sudhāvaggena te dasa;
சதுத்³த³ஸஸதா கா³தா², பஞ்சபஞ்ஞாஸமேவ ச.
Catuddasasatā gāthā, pañcapaññāsameva ca.
பு³த்³த⁴வக்³க³த³ஸகங்.
Buddhavaggadasakaṃ.
பட²மஸதகங் ஸமத்தங்.
Paṭhamasatakaṃ samattaṃ.
Footnotes:
