| Library / Tipiṭaka / តិបិដក • Tipiṭaka / សំយុត្តនិកាយ (ដីកា) • Saṃyuttanikāya (ṭīkā) |
៧. ពុទ្ធវន្ទនាសុត្តវណ្ណនា
7. Buddhavandanāsuttavaṇṇanā
២៦៣. ឧដ្ឋហាតិ ឧដ្ឋានំ កាយិកវីរិយំ ករោហិ។ តេនាហ ‘‘វិចរ, លោកេ’’តិ។ ចេតសិកវីរិយំ បន ភគវតា មត្ថកំ បាបិតមេវ។ តេនាហ ‘‘វិជិតសង្គាមា’’តិ។ ទ្វាទសយោជនិកស្ស ឧច្ចភាវេន។ វិត្ថារតោ បន អាយាមតោ ច អនេកយោជនសតសហស្សបរិមាណចក្កវាឡំ អតិព្យាបេត្វា ឋិតស្ស។ បន្នភារាតិ បាតិតភារ។ និក្ខេបិតព្ពតោ ភារាតិ អាហ ‘‘ឱរោបិតខន្ធា’’តិអាទិ។ តេ ហិ តំសមង្គិនោ បុគ្គលស្ស សម្បាតនដ្ឋេន ភារា នាម។ វុត្តញ្ហេតំ ‘‘ភារា ហវេ បញ្ចក្ខន្ធា’’តិ (សំ. និ. ៣.២២)។ តទេកទេសា ច កិលេសាភិសង្ខារា។ បន្នរសាយ បុណ្ណមាយ រត្តិន្តិ យថា បន្នរសបុណ្ណមាយ រត្តិយំ បរិបុណ្ណកាលេ ឧបក្កិលេសវិមុត្តោ ចន្ទោ សោភតិ, ឯវំ តវ ចិត្តំ សព្ពសោ ឧបក្កិលេសវិមុត្តំ សោភតីតិ អធិប្បាយោ។
263.Uṭṭhahāti uṭṭhānaṃ kāyikavīriyaṃ karohi. Tenāha ‘‘vicara, loke’’ti. Cetasikavīriyaṃ pana bhagavatā matthakaṃ pāpitameva. Tenāha ‘‘vijitasaṅgāmā’’ti. Dvādasayojanikassa uccabhāvena. Vitthārato pana āyāmato ca anekayojanasatasahassaparimāṇacakkavāḷaṃ atibyāpetvā ṭhitassa. Pannabhārāti pātitabhāra. Nikkhepitabbato bhārāti āha ‘‘oropitakhandhā’’tiādi. Te hi taṃsamaṅgino puggalassa sampātanaṭṭhena bhārā nāma. Vuttañhetaṃ ‘‘bhārā have pañcakkhandhā’’ti (saṃ. ni. 3.22). Tadekadesā ca kilesābhisaṅkhārā. Pannarasāya puṇṇamāya rattinti yathā pannarasapuṇṇamāya rattiyaṃ paripuṇṇakāle upakkilesavimutto cando sobhati, evaṃ tava cittaṃ sabbaso upakkilesavimuttaṃ sobhatīti adhippāyo.
ពុទ្ធវន្ទនាសុត្តវណ្ណនា និដ្ឋិតា។
Buddhavandanāsuttavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ៧. ពុទ្ធវន្ទនាសុត្តំ • 7. Buddhavandanāsuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ៧. ពុទ្ធវន្ទនាសុត្តវណ្ណនា • 7. Buddhavandanāsuttavaṇṇanā
