| Library / Tipiṭaka / तिपिटक • Tipiṭaka / संयुत्तनिकाय (टीका) • Saṃyuttanikāya (ṭīkā) |
७. बुद्धवन्दनासुत्तवण्णना
7. Buddhavandanāsuttavaṇṇanā
२६३. उट्ठहाति उट्ठानं कायिकवीरियं करोहि। तेनाह ‘‘विचर, लोके’’ति। चेतसिकवीरियं पन भगवता मत्थकं पापितमेव। तेनाह ‘‘विजितसङ्गामा’’ति। द्वादसयोजनिकस्स उच्चभावेन। वित्थारतो पन आयामतो च अनेकयोजनसतसहस्सपरिमाणचक्कवाळं अतिब्यापेत्वा ठितस्स। पन्नभाराति पातितभार। निक्खेपितब्बतो भाराति आह ‘‘ओरोपितखन्धा’’तिआदि। ते हि तंसमङ्गिनो पुग्गलस्स सम्पातनट्ठेन भारा नाम। वुत्तञ्हेतं ‘‘भारा हवे पञ्चक्खन्धा’’ति (सं॰ नि॰ ३.२२)। तदेकदेसा च किलेसाभिसङ्खारा। पन्नरसाय पुण्णमाय रत्तिन्ति यथा पन्नरसपुण्णमाय रत्तियं परिपुण्णकाले उपक्किलेसविमुत्तो चन्दो सोभति, एवं तव चित्तं सब्बसो उपक्किलेसविमुत्तं सोभतीति अधिप्पायो।
263.Uṭṭhahāti uṭṭhānaṃ kāyikavīriyaṃ karohi. Tenāha ‘‘vicara, loke’’ti. Cetasikavīriyaṃ pana bhagavatā matthakaṃ pāpitameva. Tenāha ‘‘vijitasaṅgāmā’’ti. Dvādasayojanikassa uccabhāvena. Vitthārato pana āyāmato ca anekayojanasatasahassaparimāṇacakkavāḷaṃ atibyāpetvā ṭhitassa. Pannabhārāti pātitabhāra. Nikkhepitabbato bhārāti āha ‘‘oropitakhandhā’’tiādi. Te hi taṃsamaṅgino puggalassa sampātanaṭṭhena bhārā nāma. Vuttañhetaṃ ‘‘bhārā have pañcakkhandhā’’ti (saṃ. ni. 3.22). Tadekadesā ca kilesābhisaṅkhārā. Pannarasāya puṇṇamāya rattinti yathā pannarasapuṇṇamāya rattiyaṃ paripuṇṇakāle upakkilesavimutto cando sobhati, evaṃ tava cittaṃ sabbaso upakkilesavimuttaṃ sobhatīti adhippāyo.
बुद्धवन्दनासुत्तवण्णना निट्ठिता।
Buddhavandanāsuttavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya / ७. बुद्धवन्दनासुत्तं • 7. Buddhavandanāsuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / ७. बुद्धवन्दनासुत्तवण्णना • 7. Buddhavandanāsuttavaṇṇanā
