| Library / Tipiṭaka / तिपिटक • Tipiṭaka / संयुत्तनिकाय (टीका) • Saṃyuttanikāya (ṭīkā) |
८. गहट्ठवन्दनासुत्तवण्णना
8. Gahaṭṭhavandanāsuttavaṇṇanā
२६४. पुथुद्दिसाति बहुदिसा। का पन ताति आह ‘‘चतस्सो दिसा चतस्सो अनुदिसा चा’’ति। अनुदिसागहणेन चेत्थ उद्धं अधोपि गय्हतीति च दस्सेति। भूमिवासिनोति भूमिपटिबद्धवुत्तिनो। एतेन रुक्खपब्बतनिवासिनोपि गहिता होन्ति। चिररत्तसमाहितचित्तेति उपचारप्पनाझानानि उप्पादेत्वा अपरिहीनज्झानताय चिरकालं समाहितचित्ते। आपाणकोटिकन्ति जीवितपरियन्तं यावजीवं। एवमादीति आदि-सद्देन अवसेसपुञ्ञकिरियवत्थूनि सङ्गण्हाति। निच्चसीलवसेन पञ्चहि, नियमसीलवसेन दसहि। पि-सद्देन ततो कतिपयेहि उपोसथसीलवसेन अट्ठहिपीति दस्सेति। धम्मिकेहीति धम्मतो अनपेतेहि। पमुखोति पमोक्खो।
264.Puthuddisāti bahudisā. Kā pana tāti āha ‘‘catasso disā catasso anudisā cā’’ti. Anudisāgahaṇena cettha uddhaṃ adhopi gayhatīti ca dasseti. Bhūmivāsinoti bhūmipaṭibaddhavuttino. Etena rukkhapabbatanivāsinopi gahitā honti. Cirarattasamāhitacitteti upacārappanājhānāni uppādetvā aparihīnajjhānatāya cirakālaṃ samāhitacitte. Āpāṇakoṭikanti jīvitapariyantaṃ yāvajīvaṃ. Evamādīti ādi-saddena avasesapuññakiriyavatthūni saṅgaṇhāti. Niccasīlavasena pañcahi, niyamasīlavasena dasahi. Pi-saddena tato katipayehi uposathasīlavasena aṭṭhahipīti dasseti. Dhammikehīti dhammato anapetehi. Pamukhoti pamokkho.
गहट्ठवन्दनासुत्तवण्णना निट्ठिता।
Gahaṭṭhavandanāsuttavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya / ८. गहट्ठवन्दनासुत्तं • 8. Gahaṭṭhavandanāsuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / ८. गहट्ठवन्दनासुत्तवण्णना • 8. Gahaṭṭhavandanāsuttavaṇṇanā
