| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
៣. ពុទ្ធសញ្ញកត្ថេរអបទានំ
3. Buddhasaññakattheraapadānaṃ
៩.
9.
‘‘ទុមគ្គេ បំសុកូលិកំ, លគ្គំ ទិស្វាន សត្ថុនោ;
‘‘Dumagge paṃsukūlikaṃ, laggaṃ disvāna satthuno;
តតោ តមញ្ជលិំ កត្វា, បំសុកូលំ អវន្ទហំ។
Tato tamañjaliṃ katvā, paṃsukūlaṃ avandahaṃ.
១០.
10.
‘‘ទ្វេនវុតេ ឥតោ កប្បេ, យំ កម្មមករិំ តទា;
‘‘Dvenavute ito kappe, yaṃ kammamakariṃ tadā;
ទុគ្គតិំ នាភិជានាមិ, ពុទ្ធសញ្ញាយិទំ ផលំ។
Duggatiṃ nābhijānāmi, buddhasaññāyidaṃ phalaṃ.
១១.
11.
‘‘ឥតោ ចតុត្ថកេ កប្បេ, ទុមសារោសិ ខត្តិយោ;
‘‘Ito catutthake kappe, dumasārosi khattiyo;
ចាតុរន្តោ វិជិតាវី, ចក្កវត្តី មហព្ពលោ។
Cāturanto vijitāvī, cakkavattī mahabbalo.
១២.
12.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា ពុទ្ធសញ្ញកោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā buddhasaññako thero imā gāthāyo abhāsitthāti.
ពុទ្ធសញ្ញកត្ថេរស្សាបទានំ តតិយំ។
Buddhasaññakattherassāpadānaṃ tatiyaṃ.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / អបទាន-អដ្ឋកថា • Apadāna-aṭṭhakathā / ៣. ពុទ្ធសញ្ញកត្ថេរអបទានវណ្ណនា • 3. Buddhasaññakattheraapadānavaṇṇanā
