| Library / Tipiṭaka / திபிடக • Tipiṭaka / பு³த்³த⁴வங்ஸபாளி • Buddhavaṃsapāḷi |
28. பு³த்³த⁴பகிண்ணககண்ட³ங்
28. Buddhapakiṇṇakakaṇḍaṃ
1.
1.
அபரிமெய்யிதோ கப்பே, சதுரோ ஆஸுங் வினாயகா;
Aparimeyyito kappe, caturo āsuṃ vināyakā;
தண்ஹங்கரோ மேத⁴ங்கரோ, அதோ²பி ஸரணங்கரோ;
Taṇhaṅkaro medhaṅkaro, athopi saraṇaṅkaro;
தீ³பங்கரோ ச ஸம்பு³த்³தோ⁴, ஏககப்பம்ஹி தே ஜினா.
Dīpaṅkaro ca sambuddho, ekakappamhi te jinā.
2.
2.
தீ³பங்கரஸ்ஸ அபரேன, கொண்ட³ஞ்ஞோ நாம நாயகோ;
Dīpaṅkarassa aparena, koṇḍañño nāma nāyako;
ஏகோவ ஏககப்பம்ஹி, தாரேஸி ஜனதங் ப³ஹுங்.
Ekova ekakappamhi, tāresi janataṃ bahuṃ.
3.
3.
தீ³பங்கரஸ்ஸ ப⁴க³வதோ, கொண்ட³ஞ்ஞஸ்ஸ ச ஸத்து²னோ;
Dīpaṅkarassa bhagavato, koṇḍaññassa ca satthuno;
ஏதேஸங் அந்தரா கப்பா, க³ணனாதோ அஸங்கி²யா.
Etesaṃ antarā kappā, gaṇanāto asaṅkhiyā.
4.
4.
கொண்ட³ஞ்ஞஸ்ஸ அபரேன, மங்க³லோ நாம நாயகோ;
Koṇḍaññassa aparena, maṅgalo nāma nāyako;
தேஸம்பி அந்தரா கப்பா, க³ணனாதோ அஸங்கி²யா.
Tesampi antarā kappā, gaṇanāto asaṅkhiyā.
5.
5.
மங்க³லோ ச ஸுமனோ ச, ரேவதோ ஸோபி⁴தோ முனி;
Maṅgalo ca sumano ca, revato sobhito muni;
தேபி பு³த்³தா⁴ ஏககப்பே, சக்கு²மந்தோ பப⁴ங்கரா.
Tepi buddhā ekakappe, cakkhumanto pabhaṅkarā.
6.
6.
ஸோபி⁴தஸ்ஸ அபரேன, அனோமத³ஸ்ஸீ மஹாயஸோ;
Sobhitassa aparena, anomadassī mahāyaso;
தேஸம்பி அந்தரா கப்பா, க³ணனாதோ அஸங்கி²யா.
Tesampi antarā kappā, gaṇanāto asaṅkhiyā.
7.
7.
அனோமத³ஸ்ஸீ பது³மோ, நாரதோ³ சாபி நாயகோ;
Anomadassī padumo, nārado cāpi nāyako;
தேபி பு³த்³தா⁴ ஏககப்பே, தமந்தகாரகா முனீ.
Tepi buddhā ekakappe, tamantakārakā munī.
8.
8.
நாரத³ஸ்ஸ அபரேன, பது³முத்தரோ நாம நாயகோ;
Nāradassa aparena, padumuttaro nāma nāyako;
ஏககப்பம்ஹி உப்பன்னோ, தாரேஸி ஜனதங் ப³ஹுங்.
Ekakappamhi uppanno, tāresi janataṃ bahuṃ.
9.
9.
நாரத³ஸ்ஸ ப⁴க³வதோ, பது³முத்தரஸ்ஸ ஸத்து²னோ;
Nāradassa bhagavato, padumuttarassa satthuno;
தேஸம்பி அந்தரா கப்பா, க³ணனாதோ அஸங்கி²யா.
Tesampi antarā kappā, gaṇanāto asaṅkhiyā.
10.
10.
கப்பஸதஸஹஸ்ஸம்ஹி , ஏகோ ஆஸி மஹாமுனி;
Kappasatasahassamhi , eko āsi mahāmuni;
பது³முத்தரோ லோகவிதூ³, ஆஹுதீனங் படிக்³க³ஹோ.
Padumuttaro lokavidū, āhutīnaṃ paṭiggaho.
11.
11.
ஸுமேதோ⁴ ச ஸுஜாதோ ச, ஓரதோ பது³முத்தரா.
Sumedho ca sujāto ca, orato padumuttarā.
12.
12.
பியத³ஸ்ஸீ அத்த²த³ஸ்ஸீ, த⁴ம்மத³ஸ்ஸீ ச நாயகா.
Piyadassī atthadassī, dhammadassī ca nāyakā.
13.
13.
ஓரதோ ச ஸுஜாதஸ்ஸ, ஸம்பு³த்³தா⁴ த்³விபது³த்தமா;
Orato ca sujātassa, sambuddhā dvipaduttamā;
ஏககப்பம்ஹி தே பு³த்³தா⁴, லோகே அப்படிபுக்³க³லா.
Ekakappamhi te buddhā, loke appaṭipuggalā.
14.
14.
சதுன்னவுதிதோ கப்பே, ஏகோ ஆஸி மஹாமுனி;
Catunnavutito kappe, eko āsi mahāmuni;
ஸித்³த⁴த்தோ² ஸோ லோகவிதூ³, ஸல்லகத்தோ அனுத்தரோ.
Siddhattho so lokavidū, sallakatto anuttaro.
15.
15.
த்³வேனவுதே இதோ கப்பே, து³வே ஆஸுங் வினாயகா;
Dvenavute ito kappe, duve āsuṃ vināyakā;
திஸ்ஸோ பு²ஸ்ஸோ ச ஸம்பு³த்³தா⁴, அஸமா அப்படிபுக்³க³லா.
Tisso phusso ca sambuddhā, asamā appaṭipuggalā.
16.
16.
ஏகனவுதிதோ கப்பே, விபஸ்ஸீ நாம நாயகோ;
Ekanavutito kappe, vipassī nāma nāyako;
ஸோபி பு³த்³தோ⁴ காருணிகோ, ஸத்தே மோசேஸி ப³ந்த⁴னா.
Sopi buddho kāruṇiko, satte mocesi bandhanā.
17.
17.
ஏகதிங்ஸே இதோ கப்பே, து³வே ஆஸுங் வினாயகா;
Ekatiṃse ito kappe, duve āsuṃ vināyakā;
ஸிகீ² ச வெஸ்ஸபூ⁴ சேவ, அஸமா அப்படிபுக்³க³லா.
Sikhī ca vessabhū ceva, asamā appaṭipuggalā.
18.
18.
இமம்ஹி ப⁴த்³த³கே கப்பே, தயோ ஆஸுங் வினாயகா;
Imamhi bhaddake kappe, tayo āsuṃ vināyakā;
ககுஸந்தோ⁴ கோணாக³மனோ, கஸ்ஸபோ சாபி நாயகோ.
Kakusandho koṇāgamano, kassapo cāpi nāyako.
19.
19.
அஹமேதரஹி ஸம்பு³த்³தோ⁴, மெத்தெய்யோ சாபி ஹெஸ்ஸதி;
Ahametarahi sambuddho, metteyyo cāpi hessati;
ஏதேபிமே பஞ்ச பு³த்³தா⁴, தீ⁴ரா லோகானுகம்பகா.
Etepime pañca buddhā, dhīrā lokānukampakā.
20.
20.
ஏதேஸங் த⁴ம்மராஜூனங், அஞ்ஞேஸங்னேககோடினங்;
Etesaṃ dhammarājūnaṃ, aññesaṃnekakoṭinaṃ;
ஆசிக்கி²த்வான தங் மக்³க³ங், நிப்³பு³தா தே ஸஸாவகாதி.
Ācikkhitvāna taṃ maggaṃ, nibbutā te sasāvakāti.
பு³த்³த⁴பகிண்ணககண்ட³ங் நிட்டி²தங்.
Buddhapakiṇṇakakaṇḍaṃ niṭṭhitaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / பு³த்³த⁴வங்ஸ-அட்ட²கதா² • Buddhavaṃsa-aṭṭhakathā / 28. பு³த்³த⁴பகிண்ணககதா² • 28. Buddhapakiṇṇakakathā
