| Library / Tipiṭaka / তিপিটক • Tipiṭaka / মিলিন্দপঞ্হপাল়ি • Milindapañhapāḷi |
৬. বোজ্ঝঙ্গপঞ্হো
6. Bojjhaṅgapañho
৬. রাজা আহ ‘‘কতি নু খো, ভন্তে নাগসেন, বোজ্ঝঙ্গা’’তি? ‘‘সত্ত খো, মহারাজ, বোজ্ঝঙ্গা’’তি। ‘‘কতিহি পন, ভন্তে, বোজ্ঝঙ্গেহি বুজ্ঝতী’’তি? ‘‘একেন খো, মহারাজ, বোজ্ঝঙ্গেন বুজ্ঝতি ধম্মৰিচযসম্বোজ্ঝঙ্গেনা’’তি। ‘‘অথ কিস্স নু খো, ভন্তে, ৰুচ্চন্তি ‘সত্ত বোজ্ঝঙ্গা’’’তি? ‘‘তং কিং মঞ্ঞসি, মহারাজ, অসি কোসিযা পক্খিত্তো অগ্গহিতো হত্থেন উস্সহতি ছেজ্জং ছিন্দিতু’’ন্তি। ‘‘ন হি, ভন্তে’’তি। ‘‘এৰমেৰ খো, মহারাজ, ধম্মৰিচযসম্বোজ্ঝঙ্গেন ৰিনা ছহি বোজ্ঝঙ্গেহি ন বুজ্ঝতী’’তি।
6. Rājā āha ‘‘kati nu kho, bhante nāgasena, bojjhaṅgā’’ti? ‘‘Satta kho, mahārāja, bojjhaṅgā’’ti. ‘‘Katihi pana, bhante, bojjhaṅgehi bujjhatī’’ti? ‘‘Ekena kho, mahārāja, bojjhaṅgena bujjhati dhammavicayasambojjhaṅgenā’’ti. ‘‘Atha kissa nu kho, bhante, vuccanti ‘satta bojjhaṅgā’’’ti? ‘‘Taṃ kiṃ maññasi, mahārāja, asi kosiyā pakkhitto aggahito hatthena ussahati chejjaṃ chinditu’’nti. ‘‘Na hi, bhante’’ti. ‘‘Evameva kho, mahārāja, dhammavicayasambojjhaṅgena vinā chahi bojjhaṅgehi na bujjhatī’’ti.
‘‘কল্লোসি, ভন্তে নাগসেনা’’তি।
‘‘Kallosi, bhante nāgasenā’’ti.
বোজ্ঝঙ্গপঞ্হো ছট্ঠো।
Bojjhaṅgapañho chaṭṭho.
