| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೩೮. ಬೋಧಿವನ್ದನವಗ್ಗೋ
38. Bodhivandanavaggo
೧. ಬೋಧಿವನ್ದಕತ್ಥೇರಅಪದಾನಂ
1. Bodhivandakattheraapadānaṃ
೧.
1.
‘‘ಪಾಟಲಿಂ ಹರಿತಂ ದಿಸ್ವಾ, ಪಾದಪಂ ಧರಣೀರುಹಂ।
‘‘Pāṭaliṃ haritaṃ disvā, pādapaṃ dharaṇīruhaṃ;
ಏಕಂಸಂ ಅಞ್ಜಲಿಂ ಕತ್ವಾ, ಅವನ್ದಿಂ ಪಾಟಲಿಂ ಅಹಂ॥
Ekaṃsaṃ añjaliṃ katvā, avandiṃ pāṭaliṃ ahaṃ.
೨.
2.
‘‘ಅಞ್ಜಲಿಂ ಪಗ್ಗಹೇತ್ವಾನ, ಗರುಂ ಕತ್ವಾನ ಮಾನಸಂ।
‘‘Añjaliṃ paggahetvāna, garuṃ katvāna mānasaṃ;
ಅನ್ತೋಸುದ್ಧಂ ಬಹಿಸುದ್ಧಂ, ಸುವಿಮುತ್ತಮನಾಸವಂ॥
Antosuddhaṃ bahisuddhaṃ, suvimuttamanāsavaṃ.
೩.
3.
‘‘ವಿಪಸ್ಸಿಂ ಲೋಕಮಹಿತಂ, ಕರುಣಾಞಾಣಸಾಗರಂ।
‘‘Vipassiṃ lokamahitaṃ, karuṇāñāṇasāgaraṃ;
ಸಮ್ಮುಖಾ ವಿಯ ಸಮ್ಬುದ್ಧಂ, ಅವನ್ದಿಂ ಪಾಟಲಿಂ ಅಹಂ॥
Sammukhā viya sambuddhaṃ, avandiṃ pāṭaliṃ ahaṃ.
೪.
4.
‘‘ಏಕನವುತಿತೋ ಕಪ್ಪೇ, ಯಂ ಬೋಧಿಮಭಿವನ್ದಹಂ।
‘‘Ekanavutito kappe, yaṃ bodhimabhivandahaṃ;
ದುಗ್ಗತಿಂ ನಾಭಿಜಾನಾಮಿ, ವನ್ದನಾಯ ಇದಂ ಫಲಂ॥
Duggatiṃ nābhijānāmi, vandanāya idaṃ phalaṃ.
೫.
5.
‘‘ಪಟಿಸಮ್ಭಿದಾ ಚತಸ್ಸೋ, ವಿಮೋಕ್ಖಾಪಿ ಚ ಅಟ್ಠಿಮೇ।
‘‘Paṭisambhidā catasso, vimokkhāpi ca aṭṭhime;
ಛಳಭಿಞ್ಞಾ ಸಚ್ಛಿಕತಾ, ಕತಂ ಬುದ್ಧಸ್ಸ ಸಾಸನಂ’’॥
Chaḷabhiññā sacchikatā, kataṃ buddhassa sāsanaṃ’’.
ಇತ್ಥಂ ಸುದಂ ಆಯಸ್ಮಾ ಬೋಧಿವನ್ದಕೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ।
Itthaṃ sudaṃ āyasmā bodhivandako thero imā gāthāyo abhāsitthāti.
ಬೋಧಿವನ್ದಕತ್ಥೇರಸ್ಸಾಪದಾನಂ ಪಠಮಂ।
Bodhivandakattherassāpadānaṃ paṭhamaṃ.
