| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೨. ಪಾಟಲಿಪುಪ್ಫಿಯತ್ಥೇರಅಪದಾನಂ
2. Pāṭalipupphiyattheraapadānaṃ
೬.
6.
‘‘ವಿಪಸ್ಸೀ ನಾಮ ಭಗವಾ, ಸಯಮ್ಭೂ ಅಗ್ಗಪುಗ್ಗಲೋ।
‘‘Vipassī nāma bhagavā, sayambhū aggapuggalo;
ಪುರಕ್ಖತೋ ಸಸಿಸ್ಸೇಹಿ, ಪಾವಿಸಿ ಬನ್ಧುಮಂ ಜಿನೋ॥
Purakkhato sasissehi, pāvisi bandhumaṃ jino.
೭.
7.
‘‘ತೀಣಿ ಪಾಟಲಿಪುಪ್ಫಾನಿ, ಉಚ್ಛಙ್ಗೇ ಠಪಿತಾನಿ ಮೇ।
‘‘Tīṇi pāṭalipupphāni, ucchaṅge ṭhapitāni me;
ಸೀಸಂ ನ್ಹಾಯಿತುಕಾಮೋವ, ನದೀತಿತ್ಥಂ ಅಗಚ್ಛಹಂ॥
Sīsaṃ nhāyitukāmova, nadītitthaṃ agacchahaṃ.
೮.
8.
‘‘ನಿಕ್ಖಮ್ಮ ಬನ್ಧುಮತಿಯಾ, ಅದ್ದಸಂ ಲೋಕನಾಯಕಂ।
‘‘Nikkhamma bandhumatiyā, addasaṃ lokanāyakaṃ;
ಇನ್ದೀವರಂವ ಜಲಿತಂ, ಆದಿತ್ತಂವ ಹುತಾಸನಂ॥
Indīvaraṃva jalitaṃ, ādittaṃva hutāsanaṃ.
೯.
9.
‘‘ಬ್ಯಗ್ಘೂಸಭಂವ ಪವರಂ, ಅಭಿಜಾತಂವ ಕೇಸರಿಂ।
‘‘Byagghūsabhaṃva pavaraṃ, abhijātaṃva kesariṃ;
ಗಚ್ಛನ್ತಂ ಸಮಣಾನಗ್ಗಂ, ಭಿಕ್ಖುಸಙ್ಘಪುರಕ್ಖತಂ॥
Gacchantaṃ samaṇānaggaṃ, bhikkhusaṅghapurakkhataṃ.
೧೦.
10.
ಗಹೇತ್ವಾ ತೀಣಿ ಪುಪ್ಫಾನಿ, ಬುದ್ಧಸೇಟ್ಠಂ ಅಪೂಜಯಿಂ॥
Gahetvā tīṇi pupphāni, buddhaseṭṭhaṃ apūjayiṃ.
೧೧.
11.
‘‘ಏಕನವುತಿತೋ ಕಪ್ಪೇ, ಯಂ ಪುಪ್ಫಮಭಿಪೂಜಯಿಂ।
‘‘Ekanavutito kappe, yaṃ pupphamabhipūjayiṃ;
ದುಗ್ಗತಿಂ ನಾಭಿಜಾನಾಮಿ, ಬುದ್ಧಪೂಜಾಯಿದಂ ಫಲಂ॥
Duggatiṃ nābhijānāmi, buddhapūjāyidaṃ phalaṃ.
೧೨.
12.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ಇತ್ಥಂ ಸುದಂ ಆಯಸ್ಮಾ ಪಾಟಲಿಪುಪ್ಫಿಯೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ।
Itthaṃ sudaṃ āyasmā pāṭalipupphiyo thero imā gāthāyo abhāsitthāti.
ಪಾಟಲಿಪುಪ್ಫಿಯತ್ಥೇರಸ್ಸಾಪದಾನಂ ದುತಿಯಂ।
Pāṭalipupphiyattherassāpadānaṃ dutiyaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಅಪದಾನ-ಅಟ್ಠಕಥಾ • Apadāna-aṭṭhakathā / ೧. ಲಕುಣ್ಡಕಭದ್ದಿಯತ್ಥೇರಅಪದಾನವಣ್ಣನಾ • 1. Lakuṇḍakabhaddiyattheraapadānavaṇṇanā
